Daily news
Денот на народното востание – 11 Октомври, ќе биде одбележан со повеќе активности во Скопје, Прилеп и во Куманово
По повод Денот на народното востание – 11 Октомври, ќе бидат организирани повеќе свечености и програмски активности по повод 76-одишнината од овој значаен настан од историјата на Република Македонија.
Централниот настан, во организација на Владата, во соработка со Сојузот на борците, ќе се одржи во дворот на Владата, пред споменикот на ослободителите на град Скопје, на 11 октомври, в среда, во 10.45 часот.
Венци свежо цвеќе пред споменикот ќе положат делегации на Сојузот на борците предводена од д-р Никола Стојановски, на Владата предводена од премиерот Зоран Заев, делегација на АРМ предводена од заменик-началникот на Генералштаб, генерал-мајор Мухамет Рацај, и други делегации на државните институции и дипломатскиот кор.
По свеченото положување свежо цвеќе, предвидени се кратки обраќања на предводниците на делегациите на Сојузот на борците, Владата и АРМ. На настанот ќе има и изведба од воениот оркестар на АРМ.
Во текот на денот владина делегација ќе присуствува и на свеченото доделување на државната награда „11 Октомври“ за највисоко признание за животно дело во областа на науката, уметноста, стопанството и другите дејности од јавен интерес на Република Македонија, кое ќе се одржи во Собранието.
Соодветна програма и активности по повод празникот 11 Октомври е предвидено да се одржат и во Прилеп и Куманово во организација на Владата, Oпштина Прилеп и Oпштина Куманово.
Со почеток во 9.30 часот владина делегација предводена од министерот за транспорт и врски, Горан Сугарески, ќе положи венци свежо цвеќе пред спомениците на Методија Андонов – Ченто и Кузман Јосифовски – Питу, како и пред спомен-обележјето „Могила на непобедените“.
Свежо цвеќе на овие спомен обележја во Прилеп ќе положи и делегација на АРМ и на Министерството за одбрана предводена од заменик-претседателка на Владата и министерка за одбрана, Радмила Шекеринска.
Покрај свеченото положување свежо цвеќе, Општина Прилеп организира изложба на рачни изработки „Килимијада“ на плоштадот кај Градскиот саат и Tuning Car Show на булеварот Гоце Делчев.
Во Куманово во 11.30 часот, со положување свежо цвеќе во Спомен-костурницата, Денот на народното востание – 11 Октомври ќе го одбележи владина делегација предводена од замени-претседателот на Владата и министер за внатрешни работи, Оливер Спасовски.
Покрај положувањето свежо цвеќе, во организација на Општина Куманово предвидено е кратко обраќање на градоначалникот на општина Куманово, Зоран Дамјановски, изведба на химната на Република Македонија од страна на градска музика „Илинден“ -Куманово и кратка пригодна музичка програма во изведба на учениците од СОУ Гимназија „Гоце Делчев“ – Куманово.
Во утринските часови пред свеченото положување свежо цвеќе Општина Куманово организира низа спортски активности, и тоа атлетски митинг, турнир во тенис, пинг-понг и одбојка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.