Daily news
(ВИДЕО) Зафиров: Тужбата за Слободан Богоевски е димна завеса за да се прикрие случајот „Маѓар телеком“
Главната расправа за тужбата за клевета и навреда на лидерот на ДУИ, Али Ахмети, и на Муса Џафери против поранешниот разузнавач Слободан Богоевски за негово сведочење пред Окружниот суд во Њујорк за случајот „Маѓар телеком“ е закажана за 10 октомври.
На денешното рочиште судот ги одби доказите на одбраната, кои доставија пресуда од САД во која тужител е Американската комисија за хартии од вредност, а која се базира на изјавата на Слободан Богоевски дадена пред судот во Њујорк.
Адвокатот на Богоевски, Валентин Зафиров, по завршување на рочиштето, пред новинарите изјави дека овој процес за клевета и навреда е само димна завеса за да прикрие одговорноста за случајот „Маѓар телеком“.
Претходно, судот прифати на главната расправа да биде испрашан тужениот Слободан Богоевски. Адвокатите на тужителите изјавија дека одбраната е загубена во преводот бидејќи на разни рочишта давала различни изјави.
Одбраната на Богоевски, пак, бара докази за судот да утврди од каде им е процената на тужителите за барањето надомест нематеријална штета во износ од 3 милиони денари, односно 2,5 милиона денари.
Адвокатите на Богоевски на судијата Нухи Рустеми, кој го води предметот, му предочија дека цедето со написите од медиумите што ја пренеле изјавата на Слободан Богоевски што ја дал во Њујорк не се отвора.
Инаку Зафиров изјави дека на минатотото рочиште, судот донел решение за стварната и месната ндлежност за предметот. Зафиров очекува на главната расправа да се појават лично тужителите, лидерот на ДУИ Али Ахмети и Муса Џафери.
Во овој случај Али Ахмети и Муса Џафери го тужат Богоевски за клевета и навреда и бараат отштета од 3 милиони денари, односно 2,5 милиона денари.
Слободан Богоевски пред окружниот суд во Њујорк изјави дека Али Ахмети, Муса Џафери и Владо Бучковски, кој во тоа време беше премиер, од тогашните директори во „Маѓар телеком“ примиле поткуп од 2,5 милиона евра за да обезбедат гаранција дека на македонскиот пазар нема да влезе друг телекомуникациски оператор.
В. Маглешов
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.