Daily news
Именувани 67 нови директори на државни органи и казнeно-поправни установи
Владата денеска ги објави имињата на 67 нови функционери и директори на органи, државни управи и казнено-поправни установи.
„Комисијата за кадровски прашања во Владата за секое лице одделно ги провери содржините на поднесената документација за да се провери дали ги исполнува условите за именување и соодветно на фактите со потврдата за исполнување на условите за именување, Владата денеска ги објави одлуките во „Службен весник“ на Република Македонија“, соопшти владината прес-служба.
Во продолжение се наведени имињата на функционери и директори на органи, државни управи и казнено-поправни установи што се во надлежност на Владата:
За вршител на должноста директор на Државниот испитен центар – Неџмедин Садику; за вршител на должноста на Државниот санитарен и здравствен инспекторат, орган во состав на Министерство за здравство, се именува Ирина Бухова; за вршител на должноста директор на Агенцијата за филм на Република Македонија се именува Горјан Тозија; за вршител на должноста директор на Државниот инспекторат за шумарство и ловство, орган на Министерството за земјоделство, шумарство и водостопанство, се именува Дритон Небиу; за вршител на должноста директор на Бирото за метрологија, орган во состав на Министерство за економија, се именува Роберт Василковски; за вршител на должноста директор на Јавната установа Национален парк „Маврово“ – Маврови Анови се именува Самир Ајдини; за вршител на должноста директор на Агенцијата за промоција и поддршка на туризмот се именува Александар Донев; за вршител на должноста директор на КПУ „Затвор Охрид“ се именува Ристе Недески; за вршител на должноста директор на Управата за финансиска полиција, орган во состав на Министерството за финансии, се именува Арифат Муареми; за вршител на должноста директор на КПУ „Затвор Гевгелија“ се именува Слободан Џонич; за вршител на должноста директор на Агенцијата за лекови и медицински средства се именува Роберт Бекироски; за вршител на должноста директор на Државниот пазарен инспекторат, орган во состав на Министерството за економија, се именува Исен Шабани; за вршител на должноста заменик-директор на Агенцијата за млади и спорт се именува Газменд Ристеми; за вршител на должноста директор на КПУ „Казнено-поправен дом Идризово“ со отворено одделение во Велес се именува Ќерим Махмути; за вршител на должноста директор на КПУ „Воспитно-поправен дом“ – Тетово се именува Зоран Стојановски; за вршител на должноста директор на Агенцијата за катастар на недвижностите се избира Борис Тунџев; за вршител на должноста директор на Државната фитосанитарна лабораторија, орган во состав на Министерството за земјоделство, шумарство и водостопанство, се именува Миодраг Стевановиќ; за вршител на должноста директор на Управата за водостопанство, орган во состав на Министерството за земјоделство, шумарство и водостопанство, се именува Славе Арсовски; за вршител на должноста главен ревизор на Ревизорското тело за ревизија на инструментот за претпристапна помош се именува Адем Цури; за вршител на должноста директор на Државниот девизен инспекторат, орган во состав на Министерство за финансии, се именува Максуд Али; за вршител на должноста директор на Дирекцијата за безбедност на класифицирани информации се именува Стојан Славески; за вршител на должноста директор на Геолошкиот завод на Република Македонија се именува Науаф Баара; за вршител на должноста директор на Државниот инспекторат за градежништво и урбанизам, орган во состав на Министерството за транспорт и врски, се именува Борјанчо Мицевски; за вршител на должноста директор на Дирекцијата за технолошки индустриски развојни зони се именува Александар Младеновски; за вршител на должноста директор на Управата за имотно-правни работи, орган во состав на Министерството за финансии, се имиенува Едина Рахмани; за вршител на должноста директор на Агенција за остварување на правата на заедниците се именува Илхан Рахман; за вршител на должноста заменик на директорот на Агенцијата за остварување на правата на заедниците именуван е Џељо Хоџиќ; за вршител на должноста директор на Диеркцијата за заштита и спасување се именува Аднан Џафероски; за вршител на должноста директор на Управата за водење на матичните книги, орган во состав на Министерството за правда, се именува Ѓоко Котевски; Васил Коцев се разрешува од должноста директор на КПУ „Казнено-поправен дом“ – Штип, а за вршител на должноста директор именуван е Мики Тодоров; за вршител на должност заменик на директорот на Бирото на развој на образованието, орган во состав на Министерството за образование и наука, се именува Ванчо Петрушевски; за вршител на должност директор на Фондот за осигурување депозити се именува Борче Хаџиев; за претседател и член на Комисијата за жалби се именуваат: претседател: Елена Начевска, член: Марија Спиреска; за вршител на должноста директор на Управата за сигурност во железничкиот систем, орган во состав на Министерството за транспорт и врски, се именува Абдулкадир Исаки; за вршител на должноста директор на Службата за просторен информативен систем, орган во состав на Министерството за животна средина и просторно планирање, се именува Зулхајрат Демири; за вршител на должноста директор на Агенцијата за управување со одземен имот се именува Фатон Асани; за вршител на должноста директор на Фондот за здравствено осигурување на Македонија се именува Данаил Дончев; за вршител на должноста директор на Дирекцијата за радијациона сигурност се именува Светислав Ѓорѓиевиќ; за вршител на должноста директор на Бирото за јавни набавки се именува Ѓорѓи Георгиевски; за вршител на должноста директор на КПУ „Затвор Куманово“ со отворено одделение во Крива Паланка, се именува Марјан Спасовски; за вршител на должноста директор на Јавната установа Национален парк „Галичица“ – Охрид, Република Македонија, се именува Андон Бојаџи.
За вршител на должноста директор на Фондот за иновации и технолошки развој се именува Јово Деспотовски; за вршител на должноста директор на Државниот завод за статистика се именува Зирап Асани; за вршител на должноста директор на КПУ „Затвор Прилеп“ се именува Слободанчо Ристески; за вршител на должноста директор на Државниот инспекторат за локална самоуправа, орган во состав на Министерството за локална самоуправа, се именува Агим Муртезани; за вршител на должноста директор на КПУ „Затвор Струмица“ се именува Жанета Багарова; за вршител на должноста директор на Управата за животна средина, орган во состав на Министерството за животна средина и просторно планирање, се именува Билјана Зефиќ; за вршител на должноста директор на Државниот комунален инспекторат, орган во состав на Министерството за транспорт и врски, се именува Ивица Димитров; за вршител на должноста директор на Управата за финансиско разузнавање, орган во состав на Министерството за финансии, се именува Блаже Трендафилов; за вршител на должноста директор на Агенцијата за финансиска поддршка во земјоделството и руралниот развој се именува Никола Бабоски; за вршител на должноста директор на Управата за хидрометеоролошки работи, орган во состав на Министерството за земјоделство, шумарство и водостопанство, се именува Ивица Тодоровски; за вршител на должноста директор на Управата за извршување на санкциите, орган во состав на Министерството за правда, се именува Јовица Стојановиќ; за вршител на должноста заменик на главниот ревизор на Ревизорското тело за ревизија на инструментот за претпристапна помош се именува Лиман Мухаџири; за вршител на должноста управител на Друштвото за изградба, управување и издавање повеќенаменска сала „Борис Трајковски“ – ДООЕЛ Скопје се избира Александар Петровски; за вршител на должноста директор на КПУ „Затвор Скопје“ се именува Александар Наумовски; за вршител на должноста директор на Царинската управа, орган во состав на Министерството за финансии, се именува Ѓоко Танасовски; за вршител на должноста директор на Бирото за судски вештачења, орган во состав на Министерството за правда, се именува Ирфан Одаи; за вршител на должноста директор на Агенцијата за вработување на Република Македонија се именува Билјана Јовановска; за вршител на должноста заменик-директор на Државниот испитен центар се именува Елвин Хасан; за вршител на должноста директор на Државниот инспекторат за земјоделство, орган во состав на Министерството за земјоделство, шумарство и водостопанство, се именува Јане Станкоски; за вршител на должноста директор на Управата за афирмирање и унапредување на културата на припадниците на заедниците во Република Македонија, орган во состав на Министерството за култура, се именува Менфи Илјаз;
за вршител на должноста управител на трговското друштво „Нафтовод“ ДООЕЛ Скопје е избран Марјан Огњановски; за вршител на должноста директор на Агенцијата за квалитет и акредитација на здравствените установи е именуван Анте Поповски; за вршител на должноста директор на Агенцијата за иселеништво е именуван Никола Шалваринов; за вршител на должноста директор на Управата за прашања на борците и воените инвалиди е именуван Вангел Димов; за вршител на должноста директор на Управата за културно наследство е именувана Елеонора Петрова; за вршител на должноста директор на КПУ „Затвор Битола“ е именуван Драган Крајовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.