Daily news
Ноќевање кое се памети – Најнеобични хотели во светот
На хотелиерите ширум светот не им недостигаат идеи. Се нудат хотелски соби на нашутени наоѓалишта на гас во Малезија, во стари железнички вагони во Канада, во населбата Хобит на Нов Зеланд…
Следуваат пет најнеобични хотели во светот:
Хотел Костас Верде – Национален парк Мануел Антонио во Коста Рика
Љубителите на авантурите на Робинзон Крусо ќе уживаат во одмаралиштето насреде дождовната шума во близина на местото Квепоса во Коста Рика. На работ на националниот парк Мануел Антонио во одмаралиштето Коста Верде Респорт се наоѓа и крајно необичен хотел, изграден на авион Боинг 727. Овој авион некогаш навистина летал во рамки на компаниите „Саут Африка ер“ и „Авианка Ерлајнс“. Денес е паркиран на едно брдо, нуди туширање во пилотската кабина и преубав поглед на песочната лагуна и океанот.
Пропелер Ајланд Сити Лоџ – Берлин, Германија
Секоја соба во овој берлински хотел е бизарна и единствена. Сакате ли затворска ќелија со дупка во ѕидот и вц-школка во собата, старинска соба со ормар во кој се наоѓа скриен туш, мртовечки сандак наместо кревет, садо-мазо декорација, зелена соба со ѕидови на кои е залепена кожа…Изборот е ваш.
Д Фајв Хотел – Париз, Франција
Во овој хотел ќе бидете опркужени со уметноста и романтичните мотиви, но при тоа нема суптилност во декорацијата. Некои гости при влегувањето во собата помислиле дека се наоѓаат во бордел. Сместен е во парискиот кварт Сент Гермаин дес Прес (Латински кварт), а во близина се Ecole normale superieure, градината Jardin des Plantes, Grande Galerie de l’Evolution и катедралата Нотр Дам.
Трибоунс Ресорт – Биг Сур, САД
Тешко дека ќе најдете место слично на ова. Објектите се сместени до бездни и тие се округли соби со дрвен под, садопер, голем кревет, кауч. Тоалетите се заеднички, а тука е и големата средишна куќа со прекрасен ресторан и сувернир-шоп. Ова место има се што е потребно за мирен и прекрасен одмор.
Ханг Нга – Далат, Виетнам
Со влегувањето во овој хотел влегувате во алтернативна реалност. Архитектонски ова е едно од најдобрите и најбизарните места во Виетнам.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.