Доларот во четвртокот почна да зајакнува во однос на другите валути оддалечувајќи се од двонеделниот минимум забележан на претходното тргување бидејќи инвеститорите се повлекоа од пазарот пред монетарните одлуки на трите централни банки.

Главните валути се движеа во тесен опсег, при што само јапонскиот јен беше меѓу губитниците во однос на доларот.

Доларот зајакна 0,2 отсто, а индексот на доларот забележа ниво од 94,93 поени отскокнувајќи од минимумот од 94,73 поени забележани во претходното тргување.

Еврото и фунтата останаа стабилни во очекување на монетарните одлуки на Европската централна банка.

Австралискиот долар падна на најниско ниво во повеќе од две и пол години поради доминацијата на стравувањата во врска со ескалацијата на трговскиот судир меѓу САД и Кина, а валутите, кои се сметаат за сигурни, како што се франкот и јенот, остварија добивка.

Меѓу валутите на развиените земји, австралискиот долар падна повеќе од половина процент паѓајќи на најниско ниво од февруари 2016 година, на 0,7138 во однос на американскиот долар, поради стравување дека ескалацијата на трговскиот спор ќе ги погоди извозно-ориентираните економии, како што е Австралија, на која Кина ѝ е најголем трговски партнер.

Јуанот беше релативно стабилен во тргувањето во Хонгконг бидејќи растот на трошоците на кредитите ги одврати трговците со кратки позиции од продажба на кинеската валута.

Британската фунта се зголеми во петокот кога главниот преговарач на Европската Унија, Мишел Барние, рече дека ЕУ е отворена за да разговараат за други проблеми кои се јавуваат во однос на брегзитот.

Цените на основните метали денес се подобрија, па цената на бакарот повторно надминува 6000 долари за метрички тон.

На јакнењето на цените на металите влијаеше стивнувањето на трговските тензии меѓу САД и Кина, како и зголемената побарувачка, според њујоршката агенција „Блумберг”.

Цената на бакарот на Лондонската берза на метали (ЛМЕ) со рок на испорака од три месеци се зголеми за 1,6 отсто, на 6 020 долари за тон, додека цената на другите метали, исто така, е во нагорен тренд, со зголемување на цената на алуминиумот за 2,3 проценти.

Цените на бакарот продолжија да јакнат денес, откако податоците укажуваат на најголем пораст на нарачки на металите на ЛМЕ-берзата во последните три години.

Сепак, врз цените на металите најголемо влијание има исходот на кинеско-американската трговска војна.

Кина планира да ја испрати својата делегација во САД кон крајот на овој месец, надевајќи се дека ќе ги оживее трговските преговори кои се во ќорсокак од јуни.