Контакт

Економија

Ангеловска-Бежоска: Треба да се чекори кон трансформација на традиционалните економии во попаметни, инклузивни и позелени економии

Објавено пред

Во периодот што претстои, главните предизвици за носителите на политиките ќе бидат двојни. Од една страна, и натаму ќе треба да се обезбедува поддршка за економиите во закрепнувањето од кризата, но добро насочена и со соодветен обем. Глобалната економска криза од 2008/09 година покажа дека носителите на политиките не треба наеднаш да запираат со мерките за поддршка на економиите во справувањето со шокот, а овојпат тоа е нагласено и заради примарниот, здравствен карактер на кризата. Но, од друга страна, ќе треба да се внимава во одредувањето на карактеристиките на макроекономскиот стимул, за да не се предизвикаат нерамнотежи.

Ова, меѓу другото, го истакна гувернерката на Народната банка, Анита Ангеловска-Бежоска, во своето вчерашно излагање на Балканска недела на бизнисот, во организација на Институтот за бизнис и менаџмент „Хајделберг“ и Академијата за банкарство и информатичка технологија (АБИТ).

„ Вниманието одново треба да се насочи кон структурните реформи и трансформациските политики за решавање на длабоките преткризни структурни тесни грла, како и на новите структурни пречки што ќе останат како наследство од пандемијата, коишто и во глобални рамки не се целосно разјаснети во овој момент. Треба да се чекори кон трансформација на традиционалните економии во попаметни, инклузивни и позелени економии.“ – порача Ангеловска-Бежоска.

Во своето излагање, таа се осврна на повеќе клучни прашања за предизвиците со коишто се соочуваат носителите на политиките во економиите од избувнувањето на корона-кризата наваму, како и за предизвиците што се очекуваат, посебно осврнувајќи се на македонската економија.

„ Кога е напишан на кинески, зборот „криза“ е составен од два знака. Едниот претставува опасност, а другиот претставува можност. Се надевам дека ја оставивме опасноста зад нас и сега ќе ги искористиме можностите за да ја подобриме благосостојбата на нашите економии.“ – порача гувернерката на крајот на излагањето.

На настанот учествуваа високи претставници на повеќе централни банки од регионот.

Економија

Бесими: Ребалансот одговор на реалните потреби, приоритети се здравјето, поддршката на граѓаните и стопанството

Објавено пред

Здравјето на граѓаните, здравата економија, како и здрави финансии и општество воопшто остануваат клучни приоритети за оваа година. Во таа насока е и ребалансот на буџетот за 2021 година, во кој има раст на приходите од 4,7 отсто или речиси 10 милијарди денари, повеќе средства за капитални расходи за 24 отсто, како и дополнителни средства за мерките за поддршка на домаќинствата и стопанството, за здравството и за процесот на имунизација на населението, зголемена поддршка на земјоделството и социјално ранливите категории.

Ова го истакна министерот за финансии, Фатмир Бесими, образложувајќи го ребалансот на буџетот за 2021 година, кој од денеска е на дневен ред пред пратенциите во Собранието на РС Македонија.

„Фискалната политика секогаш треба да даде одговор на реалните потреби, да ги поддржи економскиот раст и развој, отворањето нови работни места и подобриот животен стандард за граѓаните. Затоа, основите цели на буџетот за 2021 година се зајакнување на финансирањето на системот на здравствена заштита и зачувување на здравјето и животите на граѓаните, поддршка на економската стабилизација и поставување на темелите на солидно економско заздравување и забрзан раст, како и непречено финансирање на основните функции на државата и поддршка за реформите во правосудството и евро-атлантските интеграции“, истакна министерот.

Потенцирајќи дека ребалансот за 2021 е одраз на економските состојби, грижа во поглед на користење на јавните средства и нивно насочување кон реализација на поставените таргети, како и посветеност во справувањето со пандемијата, министерот рече дека фискалниот стимул за стопанството и граѓаните продолжува до целосно заздравување и враќање на економијата на патот на економски раст. Притоа наведе дека останува заложбата да инвестираме во трајни добра со фокус на имплементација на капиталните инфраструктурни проекти во патната и железничката инфраструктура, енергетската и комуналната инфраструктура, како и капитални инвестиции за подобрување на условите во здравствениот, образовниот и социјалниот сектор, земјоделството и заштитата на животната средина.

Министерот посочи дека приходите во буџетот имаат одлична реализација. Од почетокот на годината заклучно со јуни 2021 година реализирани се во износ од 101,1 милијарда денари, што претставува 47,5 отсто во однос на планот и забележаа раст од 15,6 отсто во однос на тој период лани.

Расходите исто така се реализираат редовно и навремено и се во рамките на предвидувањата и очекувањата. Заклучно со јуни 2021 година реализирани се во износ од 116,8 милијади денари, што е 47,2 отсто во однос на годишно планираниот износ или раст од 3 отсто во однос на тој период претходната година.

Годинава се очекува економијата да заздрави, при што растот е проектиран на 4,1 отсто. Во првите четири месеци од 2021 година размената значително се интензивира, извозот на стоки забележа номинален раст од 40,7 отсто, а увозот на стоки од 34,4 отсто. Податоците за индустријата покажуваат дека во март е прекинат падот на производството во претходните два месеца, а во април растот достигна 46,1 отсто, стапката на невработеност продолжи да се намалува и достигна 16 проценти, а платите забележаа просечен раст од 4 отсто, раст од 48,2 отсто е забележан и кај капиталните расходи во првите шест месеци во однос на тој период лани.

Значајна улога во заздравувањето на економијата и нејзиното постепено интензивирање ќе имаат инвестициите. Реалниот раст на бруто-инвестициите е проектиран на 8 отсто во 2021 година, во услови на очекуван раст и на јавните и на приватните инвестиции. Потрошувачката се очекува да забележи реален раст од 4 отсто, а растот на јавната потрошувачка е проектиран на 4,3 отсто. Извозот се предвидува да забележи раст од 10,6 отсто, а увозот раст од 11 отсто на реална основа. Бројот на вработени е предвидено да се зголеми 1 отсто, што ќе придонесе просечната стапка на вработеност да се зголеми на 47,5 отсто, а стапката на невработеност да се намали на 15,8 отсто.

Вкупните приходи со измените и дополнувањата на буџетот за 2021 година се планирани на ниво од 222,5 милијарди денари или 4,7 % повисоки во однос на иницијалните проекции на буџетот. Вкупните расходи се планирани на ниво од 268,8 милијарди денари или 8,6 отсто повисоки во однос на планот. Планираните приходи и расходи претпоставуваат дефицит во износ од 46,2 милијарди денари, односно 6,5 отсто од БДП.

Со ребалансот се обезбедени повеќе пари за капитални расходи, дополнителни средства за здравствениот сектор, кои директно придонесуваат во борбата против здравствената криза. Во насока на продолжување на мерките од претходните пакети, со цел обнова на економијата и враќање на стапките на економски раст пред настапувањето на кризата, предвидени се средства за мерки од петтиот и шестиот пакет дизајнирани за директна поддршка на стопанството и компаниите, средства за исплата на регрес за годишен одмор во согласност со гранскиот колективен договор за државните институции и средства за ангажирање образовани асистенти за деца со посебни потреби. Со ребалансот исто така се врши ограничувње и сведување на несуштинските трошења кај буџетските корисници на минимум.

Дополнително, во согласнот со фискалната стратегија 2022-2026 година, покрај подобрената структура на јавните финансии со зголемено учество на капиталните расходи, предвидена е и етапна фискална консолидација преку намалување на буџетскиот дефицит како процентуално учество во БДП, и тоа: 4,3 отсто во 2022 година, 3,5 отсто во 2023 година, 2,9 отсто во 2024 година, 2,5 отсто во 2025 година и 2,2 отсто во 2026 година.

Буџетот на РСМ целосно е креиран во функција на остварување на стратешките приоритети, забрзување на економскиот раст, приоритетот за интегративните процеси на Република Северна Македонија во ЕУ и обврските што произлегуваат од членството во НАТО.

Прикажи повеќе...

Економија

ДЗИС бележи раст од 31 % за заштита на трговски марки и 7,9 % за патенти

Објавено пред

Државниот завод за индустриска сопственост евидентира зголемен број поднесени барања за заштита на трговски марки за 31 % и поднесени повеќе барања за заштита на патенти за 7,9 %. Зголемениот број поднесени барања за заштита се однесува на периодот од јануари до јуни оваа година во споредба со истиот период минатата година.

„Искрено ме радува што граѓаните почнаа да ја препознаваат важноста од заштитата на правата од индустриска сопственост. Преку заштитата на правата граѓаните не само што градат свој бренд по кој во иднина стануваат препознатливи на пазарот туку истовремено го штитат и својот капитал од пиратерија“, изјави директорот на ДЗИС, Горан Герасимовски.

Статистички гледано, во првата половина од минатата 2020 година до Државниот завод за индустриска сопственост беа поднесени 563 барања за заштита на трговски марки, а во првите шест месеци од 2021 година овој број се зголеми на 737 поднесени барања. Што се однесува до патентите во првите шест месеци од 2020 година, беа поднесени 496 барања за заштита, а во истиот период оваа година пристигнаа 535 барања за заштита на патенти.

Во Државниот завод за индустриска сопственост, покрај трговските марки и патентите, може да се заштитат географскиот назив и индустрискиот дизајн. Заштитата на овие производи и идеи овозможува посигурна положба на пазарот, јакнење на конкурентноста на претпријатијата, како и зголемување на нивната пазарна вредност.

Прикажи повеќе...

Економија

Земете ги работите во свои раце и реализирајте си ги сите мали и големи желби

Објавено пред

Секоја летна сезона со себе ја носи потребата од промени. Без разлика дали станува збор за семеен одмор, купување на долгопосакуваниот автомобил или пак естетски промени во домот, за нивна реализација потребни се повеќе финансиски средства. Но што доколку во моментот ги немаме!?

Доколку во моментот финансиската состојба е она што ве спречува да ги реализирате своите планови, потрошувачкиот кредит на Халкбанк е вистинското решение! Нудејќи одлични услови соодветни на потребите на клиентите, потрошувачкиот кредит на Халкбанк не само што ги остварува желбите со можност за подигнување средства со максимален износ до 1.500.000 денари, туку нуди и фиксна каматна стапка за првите две години, која за првата година изнесува 5%, односно 5.5% за втората година. Отплатата на кредитот се остварува во времетраење и до 10 години, без трошоци за обработка и без провизија во случај на предвремена отплата.

Овој кредит е ненаменски, што значи дека може да се користи за најразлични потреби, како и за рефинансирање на постоечки кредитни изложености во други банки. Затоа аплицирајте веднаш, онлајн, на следниот линк и безгрижно препуштете се на реализација на своите „летни“ планови и желби.

Земете ги работите во свои раце и почнете со промени уште денес! Фокусирајте се на сѐ што е важно, за почеток на ново поглавје, промена на стари навики, или подобрување на сам себе – направете план и следете го до реализација со потрошувачкиот кредит на Халкбанк.

(ПР текст)

Прикажи повеќе...

Најново

Македонија10 часа

Бојан Јовановски спроведен во „Идризово“ за да ја издржува казната од девет години затвор

Осудениот во случајот „Рекет“, Бојан Јовановски, попладнево од домашен притвор бил спроведен во затворот „Идризово“ на издржување на затворската казна...

Топ11 час

Стрелиште во Гази Баба нелегално продавало муниција, кај негови клиенти пронајдени 300 куршуми

Секторот за оружје при МВР извршил контрола во цивилно стрелиште во Гази Баба, за кое е утврдено дека вршело неовластена...

Македонија14 часа

Заев: СДСМ и ДУИ заедно ќе настапат на локалните избори

Претседателот на СДСМ, Зоран Заев, попладнево преку социјалните мрежи потврди дека со лидерот на ДУИ, Али Ахмети, се договориле СДСМ...

Македонија17 часа

Антикорупциската бара градоначалникот Мерко да одговара кривично за финансиски малверзации

Градоначалникот на Струга, Рамиз Мерко, треба кривично да одговара за финансиски злоупотреби во Општината, оцени Државната комисија за спречување на...

Топ20 часа

Загина 21-годишно момче, со камион паднало во Вардар

Момче на 21-годишна возраст загина кога товарното возило што го управувал паднало во Вардар. Возилото е сопственост на фирма од Куманово. Момчето...

Топ21 час

Ресенец испраќал пораки дека има бомби на повеќе локации во Охрид

Четириесет и шестгодишен ресенец е осомничен дека испраќал пораки во кои лажел дека на неколку локации во Охрид има поставено...

Македонија22 часа

Заев: Пописот нема да влијае врз правата на граѓаните од етничките малцинства

Во интервјуто за емисијата „Конфликт зоун“ премиерот Зоран Заев зборуваше за исходот од претстојниот попис за кој изрази уверување дека...

Македонија23 часа

(Видео) Заев: Сѐ уште ги истражуваме сите легални начини како Груевски да биде вратен во земјата

Северна Македонија и понатаму ги истражува сите легални начини како поранешниот премиер Груевски да биде вратен назад со цел да...

Регион24 часа

(Видео) Протести против вакцинацијата во Грција, полицијата употреби солзавец и водни топови

Грчката полиција употреби солзавец и водни топови во Атина за да ја растера толпата што протестира против вакцинацијата против коронавирусот....

Македонија1 ден

Мицкоски: Резолуцијата да биде прифатена од сите партии без изговори и условувања

Резолуцијата да биде прифатена од сите политички партии, без условувања, барање изговори, вели претседателот на ВМРО-ДПМНЕ, Христијан Мицкоски, одговарајќи на...

Топ1 ден

(Видео) Момче натепа девојка во Куманово

Mлад дечко со шутирање натепа девојка во Куманово, а снимките попладнево беа објавени на социјалните мрежи. Подоцна дечкото беше нападнат...

Македонија2 дена

Камчев повторно однесен на Клиниката за кардиологија, се пожалил на гушење и силна главоболка

Јордан Камчев денеска пред своите адвокати повторно се пожалил на влошена здравствена состојба. Неговиот правен тим соопшти дека синоќа Камчев...

Свет2 дена

(Видео) Поплави во Кина по силниот дожд, расте бројот на жртви

Поплавената метростаница и населби, но и ослабената брана по обилните дождови, невидени во 60 години, предизвикаа смрт кај најмалку 25...

Македонија2 дена

Османи: Има можности за решавање на спорот со Бугарија до крајот на годината

Министерот за надворешни работи, Бујар Османи, оцени дека постојат сериозни можности за решение на спорот со Бугарија до крајот на...

Македонија2 дена

Регистрирани 15 нови случаи на Ковид-19

Министерството за здравство информира дека во последните 24 часа се направени 2.550 тестирања, а регистрирани се 15 нови случаи на...

Македонија2 дена

Апелација ги потврди пресудите – за Катица Јанева седум, за Бојан Јовановски девет години затвор

Апелациониот суд Скопје ги потврди првостепените пресуди во случајот „Рекет“, со кои поранешната шефица на специјалното јавно обвинителство, Катица Јанева,...

Топ2 дена

Обвинение за тренерот по џудо во Прилеп за силување деца

Прилепското Обвинителство поднесе обвинение за тренерот по џудо од Прилеп за силување деца, односно негови ученички кои му биле доверени...

Македонија2 дена

Првпат изведена афереза на периферни матични клетки кај дете на Клиниката за хематологија

Министерството за здравство информира дека на Универзитетската клиника за хематологија, во соработка со Универзитетската клиника за детски болести, денеска се...

Регион2 дена

Четвртиот бран е веќе тука, од одмор одете директно во изолација, порачуваат експертите во Словенија

Шефот на словенечкиот Институт за јавно здравје, Милан Крек, вчера, на прес-конференција предупреди дека новите варијанти на вирусот се раширени...

Македонија2 дена

Димитров за „Евроњуз“: Ако македонскиот јазик е причина за тоа да не можеме да се приближиме кон ЕУ, тогаш така и нека биде

Проблематизирањето на македонскиот јазик не е во согласност со вредностите за кои се залага Европа како континент, каде што се...

Досие