Економија
Бочварски: Инвестираме над 50 милиони евра во патишта на истокот за регионално поврзување со Бугарија

Создаваме комплетна слика за патната инфраструктура на истокот, инвестираме над 50 милиони евра за поврзување на општините меѓу Република Северна Македонија и Република Бугарија, како и за поврзување на бизнис-секторот. Инвестираме во нова патна инфраструктура, инвестираме во добрососедство со Бугарија, истакна министерот за транспорт и врски, Благој Бочварски, при денешната посета во општина Делчево.
Министерот потенцира дека сите регионални правци се рехабилитирани во источниот дел на државата за да се создадат услови за економски развој на пограничните општини, како и отворање нов граничен премин со Бугарија.
„Изграден е првиот дел од експресниот пат Штип – Кочани, се гради и вториот дел, кој е значаен за цела источна Македонија и за поврзување со Бугарија. Ја реконструиравме обиколница кај Кочани, потоа регионалниот пат од Кочани до Делчево. Во Делчево ги реконструиравме сите регионални правци, го реконструиравме и патниот правец од Берово до Клепало, каде што создаваме можност за отворање нов граничен премин со Република Бугарија и каде што имаме заеднички интереси. Даваме комплетна слика на патната инфраструктура на истокот, инвестираме околу 50 милиони евра за поврзување на општините меѓу двете страни на границите и за поврзување на бизнис-секторот. Инвестираме во патната инфраструктура, инвестираме во добрососедство со Бугарија“, изјави Благој Бочварски, министер за транспорт и врски.
Министерот заедно со градоначалникот на општина Делчево, Горан Трајковски, изврши увид во рехабилитацијата на регионалниот пат од Делчево преку Бигла до Виница.
Министерот Бочварски потенцира дека ова е многу важен проект за жителите од Делчево, Виница и неколку населени места што гравитираат околу овие општини. Инвестицијата е вредна 1,3 милион евра.
За општина Делчево, реализираните проекти значат подобра економска поврзаност со пограничните општини од Република Бугарија.
„Ова се најголемите вложувања во инфраструктурата во Делчево и на истокот последите триесетина години. Во однос на патот од Делчево до Виница преку Бигла, тој е од особено значење за сите жители од двете општини, како и неколку населени места што гравитираат овде. Патот ќе се прошири од 3 на 5 метри, со што се создаваат нормални услови за сообраќај, поголема безбедност во сообраќајот и подобра комуникација меѓу Делчево и Виница“, изјави Горан Трајковски, градоначалик на општина Делчево.
Претходно, министерот оствари средба со градоначалникот на која разговраа за реконструкција на неколку локални улици во општината преку проектот за санација и изградба на локални патишта, кој се реализира преку Министерството за транспорт и врски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Повеќе од 1.000 невработени се охрабриле да отворат свој бизнис за време на корона-кризата

1.468 нови бизниси се отворени преку програмата за самовработување на Агенцијата за вработување, соопшти директорот Абдуш Демири.
Невработените лица најчесто се охрабруваат да почнат бизнис со трговија на големо и мало, преработувачка индустрија и објекти за сместување.
Министерката за труд и социјална политика Јадода Шахпаска вели дека 189 лица со попреченост се вработиле преку програмите на Агенцијата за вработување.
„Со цел зајакнување на конкурентноста на невработените лица на пазарот на трудот, обезбедивме разни обуки за практикантство. Следејќи ги глобалните трендови за дигиталната писменост, обезбедивме обуки за ИТ-вештини“, вели Шахпаска.
Економија
Обилните врнежи ја отежнаа работата во рудниците на РЕК Битола

Обилните врнежи од дожд и снег во Битолскиот Регион негативно се одразија врз работата во рудниците на РЕК Битола, а со тоа и врз целиот комбинат, информираат од Електрани на Северна Македонија (ЕСМ).
„Врнежите од над 100 литри на квадратен метар и надојдената вода предизвикаа застој во подготовките за поместување на лентите кои го пренесуваат јагленот од рудникот Суводол до термоелектраната, поради што од утрото во прекин е работата на Блок 2. Производството на електрична енергија продолжува од Блок 3 и покрај сериозните предизвици со кои се соочува комбинатот“, се неведува во соопштението во кое се нагласува дека со натчовечки напори на сите вработени и на менаџерскиот тим на компанијата и на комбинатот, се работи на нормализирање на состојбата.
ЕСМ во моментов ги задоволува потребите на електроенергетскиот систем со производство на електрична енергија од РЕК Битола, РЕК Осломеј, од хидроелектраните и од ветерниот парк.
„Компанијата испорачува електрична енергија кон универзалниот снабдувач ЕВН Хоум согласно потребите и преземените обврски, поради што граѓаните немаат причина да стравуваат за редовното снабдување со струја. Набавка на електрична енергија во моментов нема и не се планира“, се додава во соопштението.
Економија
Усвоен годишниот план со мерки и програми за намалување на невработеноста

Економско-социјалниот совет на денешната седница, со која претседаваше министерката за труд и социјална политика Јагода Шахпаска, дискутираше по неколку точки од кои најзначајно место зема усвојувањето на новиот Оперативен план за активни мерки и програми за вработување за 2021 година.
„Со Оперативниот план за вработување за 2021 во континуитет продолжува стремежот за што поголем опфат на невработени лица со мерките за вработување, како и креирање на ад хок мерки согласно новонастаната состојба на пазарот на труд, предизвикана од пандемијата од Ковид-19. Притоа, посебен акцент беше ставен на директната интервенција на пазарот на трудот и повторно вклучување на лицата кои ги изгубиле своите работни места како резултат на пандемијата“, се наведува во соопштението.
Министерката Шахпаска истакна дека министерството во чиј фокус се ранливите категории на невработени лица, продолжува со креирање политики и мерки со цел помош и поддршка за нивна успешна активација на пазарот на трудот.
Таа додаде дека со оглед на успешноста на Оперативниот план за 2020 година и новонастаната состојба предизвикана од пандемијата, оваа година трансферот на средства за програми за вработување е зголемен за повеќе од четири пати во однос на минатата.
- Книги4 недели
Македонски лекар ја објави последната исповед на Јосип Броз Тито
- Македонија3 месеци
Излезе од затвор Панче Ангелов, напаѓачот на Шекеринска од 27 април
- Македонија2 месеци
МЖСПП: Мечкиното грозје важен ресурс, кој треба грижливо да го собираме
- Црна хроника2 месеци
Млада девојка од Штип пронајдена мртва во нејзиниот дом
- Економија3 месеци
(Видео) Младите од Струмичко порачуваат – ако не проработи рударскиот комплекс, ќе се иселиме сите
- Македонија1 месец
(Видео) Отстранети два нелегално изградени објекта во општина Центар
- Македонија3 недели
Возачот на „бентлито“ што „влета“ на плоштад казнет со 45 евра, објавена фотографија од записникот
- Спорт3 месеци
Гетџи: По мечот со Хабиб, мојата мајка конечно ќе може да се пензионира