Економија

(Видео) Васев: Со ребалансот се крати од иднината на државата, за сметка на непродуктивни трошења

Објавено пред

2 недели

- 9 септември, 2019

Од

Зоран Заев и Нина Ангеловска со ребалансот на буџет упатија јасна порака до граѓаните дека не сакаат развој. Поважна им е личната комоција и уживањето со народни пари. Со ребалансот се крати од иднината на државата, за сметка на непродуктивни трошења, порача Светислав Васев од ВМРО-ДПМНЕ.

„Заев и Ангеловска со ребалансот на буџет скратија цели 52 милиони евра од ставката за капитални проекти. Со 52 милиони евра, можеше да се направат 50-тина градинки, 20-тина училишта, или една клиничка болница како таа во Штип која еве веќе трета година не можат да ја довршат. Но ништо од тоа нема да има, затоа што власта се реши да крати од развојни проекти.

И додека се крати од ставката за капитални инвестиции, се фрлаат пари на непотребни трошења. Имено Заев и Ангеловска решија да потрошат дополнителни 650 илјади евра на патни и дневни расходи. За власта беше поважно да даде 650 илјади евра за патни трошоци на функционерите, отколку да покрие една од десетиците операции во странство за кои гледаме како граѓаните секојдневно молат преку разни донации за нивните најблиски.

Раскалашеноста на власта не застанува тука. Со ребалансот се предвидени и нови 7 милиони евра за договорни услуги, ставка што сама по себе е широка категорија и власта може овие пари да ги троши за нови партиски вработувања, хонорарни ангажирања и други работи за кои што можат да префрлаат пари директно од државата на партијата.

Ребалансот на буџетот е уште еден доказ зошто Зоран Заев мора да си замине. Македонија со Заев не само што стои во место, туку почна и да стагнира. Предвремени избори час поскоро за излез од безперспективноста во која не втурна како држава СДСМ, рече Васев.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

(Видео) Андреевски: Мерките на Владата обезбедуваат развој на енергетиката и пониски сметки за граѓаните

Претходно

Северна Македонија со најниска плата во регионот

Економија

Поскапуваат горивата

Објавено пред

33 минути

- 23 септември, 2019

Од

Макфакс

Бензините и дизелот од ноќеска на полноќ ќе поскапат за 1,5, 2 и 2,5 денари, соопшти Регулаторната комисија за енергетика.

Малопродажната цена на бензинот еуросупер БС-95 се зголемува за 2 денари на 69,5 денари за литар.

Малопродажната цена на бензинот еуросупер БС-98 се зголемува за 2,5 денари на 72 денари за литар.

Дизелот поскапува за 1,5 денар на 64 денари за литар.

Малопродажната цена на екстра лесното масло за домаќинство (ЕЛ-1) од ноќеска на полноќ се зголемува за 1 денар на 53,50 денари за литар.

Мазутот ќе поскапи за 2,393 денари на 34,034 денари за килограм.

Прикажи повеќе...

Економија

Skopje Wine Expo од 26 до 28 септември

Објавено пред

2 часа

- 23 септември, 2019

Од

Макфакс

Традиционално, во Скопје ќе се одржи најголемиот македонски вински фестивал под покровителство на град Скопје. Од 26-28 септември на плоштадот „Мајка Тереза“ пред платото на МОБ, посетителите ќе имаат можност да уживаат во најдобрите македонски вина, гурмански специјалитети, но и музика за сите вкусови.

На „Skopje Wine Expo” ќе настапат доајените на македонската музичка сцена- Ефто Пупиноски и Блага Петреска, дувачката сензација Брас Брадерс, српскиот поп бенд Тропико, Слаткаристика, најпознатиот бугарски продуцент Криско како и бугарскиот пејач Графа , групата Нокаут, македонскиот рок бенд кој постои речиси 3 децении- Ареа, Александра Јанева и Марко Логаут со специјалниот проект- Тоше Проески Трибјут, Либеро Бенд и Ксмет Оркестар со after work забави, Амон Мра, Дј Оки Доки, како и најдобриот real tribute на Бијело Дугме.Влезот како и секоја година е бесплатен за сите посетители.

Прикажи повеќе...

Економија

Цената на нафтата порасна за шест отсто

Објавено пред

4 часа

- 23 септември, 2019

Од

Макфакс

Цената на нафтата на светските пазари се зголеми за околу шест проценти минатата недела.
Тоа е резултат на нападот со беспилотни летала врз најголемата нафтена постројка на Саудиска Арабија, при што производството беше намалено за повеќе од 5 милиони барели на ден, или пет проценти од глобалното производство.

На лондонскиот пазар цената на барел се зголеми за 6,7 проценти минатата недела на 64,30 долари, додека на американскиот пазар барелот поскапе за 5,9 проценти на 58,10 долари. Тоа е најголем неделен скок на цените од јануари годинава.

Прикажи повеќе...