Контакт

Економија

(Видео) Владата: Обезбедени 70 милиони евра грант од ЕУ за пречистителната станица во Скопје

Објавено пред

Владата на Република Северна Македонија обезбеди 70 милиони евра грант од ЕУ за финансирање на проектот за изградба на пречистителна станица во градот Скопје. Договорот за грант, кој се обезбедува од Инвестициската рамка за Западен Балкан (WBIF), го потпишаа денеска министерот за финансии, Фатмир Бесими, министерката за животна средина и просторно планирање, Каја Шукова, и заменик-претседателката на ЕИБ, Лилјана Павлова. На потпишувањето на договорот присуствуваа и вицепремиерот за европски прашања, Бојан Маричиќ, и евроамбасадорот Дејвид Гир.

dobivaj vesti na viber

Станува збор за средства што се надополнување на обезбедените финансиски средства за реализација на овој проект од страна на ЕИБ во износ од 68 милиони евра и 58 милиони евра од Европската банка за обнова и развој. Вкупната финансиска конструкција за реализација на овој проект, чија имплементација е во надлежност на Градот Скопје и ЈП „Водовод и канализација“ е 197,2 милиони евра.

Според вицепремиерот Маричиќ, овој проект е потврда дека европската интеграција е најдобрата формула за понатамошниот развој на Република Северна Македонија.

„Членството во Европската Унија не значи само исполнување на критериумите од преговарачките кластери и усогласување со законодавството на Унијата. Преговорите со ЕУ имаат цел да ги подобрат условите за живеење на сите наши граѓани“, рече Маричиќ додавајќи дека проектот дава значаен и мерлив придонес за подобрување на урбаната средина на град Скопје за подобрување на квалитетот на услугите за третман на отпадните води и во исполнување на европските стандарди.

Маричиќ посочи дека со ваков тип на проекти ја носиме Европа дома, ги носиме стандардите и начинот на живеење на Европската Унија во нашата земја и во главниот град.

Министерот за финансии, Фатмир Бесими, потенцира дека договорот што денеска го потпишуваме е чекор поблиску на Република Северна Македонија во остварување на ЕУ-перспективата и приклучување во европското семејство.

„Република Северна Македонија ги почна преговорите со ЕУ и активностите на тој пат добиваат забрзана динамика. Паралелно со тоа и реформите за носење на Европа дома на имплементација на европските стандарди во секојднeвието забрзано се одвиваат. Покрај активностите за усогласување со европското законодавство, што е дел од овој процес, активно се работи и на значајни инфраструктурни проекти, кои ќе дадат придонес во севкупниот развој и раст на економијата. Дефинираните стратешки проекти се препознаени од ЕУ за што Република Северна Македонија досега има добиено грантови средства во износ од 462 милиона евра во имплементацијата на 29 проекти, кои имаат проценета инвестициска вредност од 2,6 милијарди евра“, рече министерот Бесими.

Министерката Шукова потенцира дека Владата со овој договор ја затвора финансиската конструкција и овозможува почнување на изградбата на пречистителната станица за отпадните води за град Скопје.

„По обезбедувањето на финансиите, рече таа, останува обврската на Град Скопје да го доврши процесот на експропријација и заедно со Општина Гази Баба да ја заврши урбанистичко-планската документација и потпишување на договорите за градба и надзор од страна на директорот на ЈП ‘Водовод и канализација’. Ова е предизвикувачки процес, кој бара голема координација на сите инволвирани страни. Но, да, ние сме подготвени да го прифатиме предизвикот. Овој проект е над сите политички интереси и императив доколку сакаме да бидеме дел од европското семејство“, истакна министерката за животна средина и просторно планирање, Каја Шукова.

Евроамбасадорот Гир потеницра дека патот кон ЕУ претставува процес на трансформација, но и на подобрување на животот и на животниот стандард. „Инвестицијата на ‘Тим Европа’ во пречистителната станица во Скопје е практичен пример токму за ова. Пречистителната станица ќе може безбедно да ги третира и пречистува отпадните води генерирани од страна на речиси една третина од населението во земјата. Тоа ќе придонесе и за позелена европска иднина на оваа земја“, рече евроамбасадорот Гир.

„Исклучително сме горди што можеме да обезбедиме ваков вид поддршка за Северна Македонија во време на пролонгирана криза и сериозни предизвици. Потпишувањето на овој грант е силен показател за пристапот на ‘Тим Европа’ и заложбата на ЕУ во однос на вашата земја на патот кон европската и регионалната интеграција, во исто време овозможувајќи и подобар животен стандард за сите. Со спроведувањето на овој проект се очекува значително унапредување на животната средина, како и здравствени придобивки, а воедно ќе се придонесе кон заштита на животната средина и достигнување на климатските таргети“, истакна заменик-претседателката на ЕИБ, Лилјана Павлова, надлежна за активностите во Северна Македонија.

Договорот што се потпиша денеска е надополнување на богатото портфолио на инвестиции што се реализирани со поддршка од ЕИБ во износ од 1,16 милијарда евра. 277 милиони евра е вредноста на инвестициите во изградба на модерна транспортна мрежа во земјата, 178 милиони евра за водоводни и канализациски системи и подобар пристап до вода за пиење, како и 64 милиони евра во енергетиката. Во моментот во јавниот сектор се финансираат од страна на ЕИБ проекти во износ од 147 милиони евра, а вредноста на инвестициски грантови од ВБИФ добиени со поддршка од ЕИБ изнесува 82,2 милиона евра. Реализација на капитални инвестиции, кои Република Северна Македонија ќе ја доближат до ЕУ, се меѓу клучните приоритети, а за тоа потврда е испланираната сума за инфраструктурни проекти во буџетот во износ од 800 милиони евра.

Со потпишување на договорот за грант од ЕУ за пречистителната станица денеска се одбележува Светскиот ден на водите.

Економија

Потпишан договор за заем од 26,4 милиони евра од ЕБОР за зајакнување на електропреносната мрежа

Објавено пред

Во Владата денеска е потпишан договор за заем од 26,4 милиони евра помеѓу Европската банка за обнова и развој (ЕБОР) и македонскиот електропреносен систем оператор АД МЕПСО наменети за зајакнување на преносната мрежа. Потпис на договорот ставија претседателката на ЕБОР, Одил Рене Басо, и генералниот директор на АД МЕПСО, Зухди Енуз.

dobivaj vesti na viber

На потпишувањето во Владата присуствуваа министерката за енергетика, рударство и минерални суровини, Сања Божиновска, и евроамбасадорот, Дејвид Гир.

„Ми претставува особено задоволство што денеска се создаваат предуслови за реализација на капитален енергетски проект во делот на домашната електропреносна мрежа. Станува збор за реконструкција на 110-киловолтниот далновод Валандово – Струмица и изградба на нова трафостаница 400/100 кв во селото Милетково, во близина на Гевгелија. Реализацијата на овој проект ќе овозможи дополнително зајакнување на преносната мрежа на АД МЕПСО во југоисточниот дел од земјата. Во редот на придобивките би сакала да го истакнам и значителното намалување на загубите на електрична енергија и зајакнување на стабилноста и доверливоста на мрежата што директно ќе придонесе за квалитетна интеграција на дополнителен број електрани од обновливи извори на енергија на мрежата на македонскиот електропреносен оператор. Овој проект е дел од зелената транзиција на македонската енергетика затоа што, освен намалување на загубите на електрична енергија, зајакнатата преносна инфраструктура ќе овозможи да се приклучат околу 1.170 MW дополнителни обновливи извори, кои во моментот не се во функција поради ограничениот капацитет на локалната електропреносна мрежа“, изјави Сања Божиновска, министерка за енергетика, рударство и минерални суровини по потпишувањето на договорот за заем.

„Проектот е значаен за преносната мрежа на АД МЕПСО затоа што ќе влијае на намалување на загубите на електрична енергија за речиси 14,5 GWh, како и на намалување на емисиите на јаглероден диоксид за 8.158 тони годишно. Дополнително, проектот вклучува поддршка за развој на главен план за кој ќе ги идентификува клучните инвестиции во мрежата потребни за распоредување нови обновливи извори и ќе обезбеди непречено преминување кон зелена енергија“, рече претседателката на ЕБОР, Одил Рене Басо.

„Инвестирањето во далноводи и воведувањето паметни мрежи е клучен политички потфат во Северна Македонија имајќи предвид дека мрежата во земјата е генерално застарена и е потребна нејзина замена. Несомнено, обновата на мрежата ќе наиде на поддршка кај бизнис-секторот, кој ќе биде поттикнат да инвестира во обновливи извори на енергија“, истакна евроамбасадорот Дејдвид Гир.

Проектот ќе биде заокружен со развој на центар за обука на електропреносни оператори во југозападниот дел од нашата земја, практично регион што е најмногу засегнат од транзицијата на земјата кон зелена транзиција.

Вкупната вредност на проектот изнесува 34,7 милиони евра. Од нив, 26,4 милиони евра ќе бидат кредит за АД МЕПСО од ЕБОР, околу 7,6 милиони евра се грант од Инвестицискиот фонд за Западен Балкан и уште половина милион евра се обезбедени преку Климатскиот инвестициски фонд за забрзување на транзицијата од јаглен.

Прикажи повеќе...

Економија

„Окта“ продолжува со спроведување донаторски проекти во обновливи извори на енергија

Објавено пред

„Окта“ АД – Скопје и оваа година најавува неколку донации во фотоволтаични централи, со што директно ја поттикнува зелената транзиција во земјата. До крајот на годинатакомпанијата ќе инсталира фотонапонски централи во спортскиот центар „Марко Божиновски“ во општина Аеродромво Скопје, во градинката „Детска радост“ во општина Гевгелија и во основнотоучилиште „Св. Кирил и Методиј“ во општина Велес.

dobivaj vesti na viber

Со реализација на овие донаторски проекти, ОКТА ќе обезбеди фотоволтаични капацитети со вкупна моќност од околу 90 kW, кои значајно ќе ја задоволат вкупната годишна потрошувачка на електричната енергија на објектите. Дополнително, трите фотонапонски централи ќе овозможат годишно производство од околу 113.000 kWh обновлива енергија, намалувајќи ја емисијата на јаглерод диоксид за приближно 54 тони годишно. Над 2800 деца и ученици престојуваат во трите
јавни институции, а само спортската сала „Марко Божиновски“ при општинското училиште „Лазо Ангеловски“ ја посетуваат околу 2000 ученици и младинци во текот на годината.

„Со донациите на фотонапонските централи ја потврдуваме нашата заложба за поголема застапеност на обновливите извори на енергија и забрзување на енергетската транзиција која води до поголема енергетска независност. За нас е исклучително важно што наши партнери се јавни институции каде што најголем дел од времето поминуваат деца и младинци, со што придонесуваме кон намалување на емисиите на јаглерод диоксид, обезбедување на поодржлива иднина и помагаме во едукацијата на младите за значењето на овој процес за заедницата и за животната средина”, изјави Димитриос Пасхос, главен извршен директор во ОКТА.

Во рамки на стратегијата за донаторски вложувања во „зелена“ енергија, минатата година ОКТА донираше три фотонапонски централи наменети за воспитно – образовни институции во земјата. Во градинката „Пепелашка“ во општина Центар во Скопје, компанијата донираше фотонапонска централа на кровната површина на објектот со инсталирана моќност од 20,5 kW, а во средното општинско економско училиште „Св. Кирил и Методиј“ во Охрид инсталирана е фотонапонска централа со капацитет од 21,8 kW електрична енергија, со што се обезбедува енергија за значаен дел од потрошувачката на училиштето. Во текот на 2023 година, беше поставена и фотонапонската централа во основното училиште „Гоце Делчев“ од општина Илинден со вкупна инсталирана моќност од 15 kW.

Во текот на втората половина од 2024 година, во ОКТА се очекува да започне со работа фотоволтаичната централа со капацитет од 12 MW, лоцирана во кругот на компанијата, како еден од најголемите фотоволтаични проекти во земјата од ваков вид. Почнувајќи од 2018 година досега, ОКТА има инсталирано пет фотонапонската постројки со вкупна моќност од 611 kW (киловати), дел од нив поставени кај свои деловни партнери.

ОКТА АД – Скопје е најголемиот снабдувач на гориво во земјата, обезбедувајќи го пазарот со висококвалитетни производи кои ги задоволуваат последните локални и европски стандарди.Основана во 1978 година, компанијата е предводник во областа на трговија, снабдување и дистрибуција на нафтени деривати во регионот. Како членка на HELLENiQ ENERGY – една од водечките енергетски групации во Југоисточна Европа, ОКТА постојано воведува меѓународни вештини, иновативни решенија и врвни технолошки трендови во секојдневното работење.
Преку своите активности во големопродажбата, ОКТА опслужува големо портфолио на клиенти во земјата и во регионот, од мали претпријатија до големи индустриски капацитети и владини институции. Благодарение на долгогодишното искуство и лидерство на пазарот, компанијата има развиено врвен
логистички систем кој овозможува брзо и сигурно снабдување на клиентите со гориво.
Малопродажната мрежа на ОКТА се состои од модерни бензински станици распространети низ целата земја, кои нудат висококвалитетни производи и услуги за крајните корисници.
Во 2018 година, како компанија насочена кон иновации, ОКТА го прошири своето портфолио со производство, снабдување и управување со електрична енергија од обновливи извори.
Поставувајќи ја безбедноста како врвен приоритет, компанијата е посветена да ја врши својата дејност однесувајќи се етички и одговорно кон општеството и животната средина

ПР

Прикажи повеќе...

Економија

Намалување на цените на горивата од полноќ

Објавено пред

Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши намалување на малопродажните цени на нафтените деривати во просек за 1,87 % во однос на одлуката од 15.7.2024 година.

dobivaj vesti na viber

Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 2,117%, кај дизелот 2,267%, кај екстра лесното масло за 1,097% и кај мазутот намалувањето е за 2,368%.

Курсот на денарот во однос на доларот во изминатиот период по кој беа формирани цените со претходната пресметка е понизок за 0,781%

Од 23.7.2024 година од 00:01 часот максималните цени на  нафтените деривати ќе изнесуваат:

Моторен бензин       ЕУРОСУПЕР БС – 95                  81,50 (денари/литар)

Моторен бензин       ЕУРОСУПЕР БС – 98                             83,50 (денари/литар)

Дизел гориво            ЕУРОДИЗЕЛ БС (Д-Е V)            74,00 (денари/литар)

Масло за горење      Екстра лесно 1 (ЕЛ-1)               72,50 (денари/литар)

Мазут М-1 НС                                                                 45,757 (денари/килограм)

.

Малопродажните цени на бензините ЕУРОСУПЕР БС-95 и  ЕУРОСУПЕР БС-98, како и на ЕУРОДИЗЕЛ (Д-Е V) се намалуваат за 1,50 ден/лит.

Малопродажната цена на Екстра лесното масло за домаќинство на (ЕЛ-1) се намалува за 1,00 ден/лит.

Малопродажната цена на Мазутот М-1 НС се намалува за 1,152 ден/кг и сега ќе изнесува 45,757 ден/кг.

Прикажи повеќе...

Најново

Македонија47 минути

(Видео) Скршени двете раце на командирот на штипската пожарна: Пропаднав во дупка, изгубив контрола и почнав да паѓам

При гаснење на пожарот во старата штипска депонија, брзајќи да спречи проширување на огнот преку тревата кон блиската борова шума,...

Македонија2 часа

Тошковски тврди дека не крие имот, Јанушев вели дека не постои никакво подарено земјиште туку имало погрешно внесени податоци

Министерот за внатрешни работи Панче Тошковски и генералниот секретар на Владата Игор Јанушев тврдат дека не кријат имот, по обвинувањата...

Македонија4 часа

(Видео) „Немојте да го разочарате народот“ – За Мицкоски заменик-министрите се нови лица во политиката, кои може да донесат нова енергија

Наследивме опљачкана држава, но ќе победиме и ќе донесеме подобри денови за граѓаните, истакна премиерот Христијан Мицкоски, еден месец по...

Свет5 часа

„Те следам, малечка“: првата порака на Бајден до Камала Харис по повлекувањето од кампањата

Американскиот претседател Џо Бајден ѝ се обрати на Камала Харис преку конференциски повик за време на нејзиниот состанок со персоналот...

Топ5 часа

Џип со странски таблички усмрти велосипедист во Тетово, возачот побегнал

Шеесет и седумгодишен маж од Џепчиште, кој управувал велосипед, загина кога во него се забил џип со швајцарски регистерски ознаки...

Македонија6 часа

(Видео) Кузеска: Панче Тошковски и Игор Јанушев имаат станови во поклонетиот имот на Јанушев

Скандалот со подарокот од 325.000 евра за генералниот секретар на Владата, Игор Јанушев добива нови димензии, истакна на денешната прес-конференција...

Македонија6 часа

Од Скопје до Софија ќе се стигнува за два и пол часа, до Нова година готов експресниот пат Ранковце – Крива Паланка

Експресниот пат Ранковце – Крива Паланка, место наесен, како што најави претходната влада, ќе биде готов до Нова година. Денес,...

Македонија7 часа

Состојбата со издавање лични документи се стабилизира, управните служби ќе нудат брзи и квалитетни услуги, вели Тошковски

Министерот за внатрешни работи, Панче Тошковски, денеска, беше во посета на Одделот за граѓански работи, каде што одржа работен состанок...

Топ8 часа

Запленети возила, цигари, облека: Царинската управа спречи обиди за шверцување разна стока

Во текот на минатата седмица царинските службеници спречија повеќе обиди за шверцување разна стока, при што привремено се задржани цигари,...

Свет9 часа

Осуммина повредени од удар на гром, три деца се во животна опасност во Германија

Осум лица се повредени во удар на гром за време на силното невреме што вчера го погоди Делменхорст во Долна...

Македонија9 часа

Собранието ќе избира заменик-министри; „Влен“: Нашите кандидати се без дамка на корупција

Собранието, денеска, ќе ја одржи 11. седница, на која треба да бидат изгласани заменик-министрите во Владата за комплетирање на владиниот...

Македонија9 часа

(Видео) Активни пожарите на Серта и Огражден: гори во Кумановско, Велешко, Штипско, Битолско, Охридско

Регионалниот ЦУК Куманово, известува дека околу 12:00 часот започнат е пожар во атар на с.Алгуња, Маало Голиновци. Со пожарот е...

Македонија1 ден

Таравари нема да се слика со акцелераторот во „8 Септември“ пред да се пушти во употреба, како што правеа Филипче и Сали

Најмалку шест месеци ќе требаат за да биде ставен во употреба акцелераторот во ГОБ „8 Септември“  за зрачна терапија на...

Македонија1 ден

Најголема плата во Владата зема Мицкоски – 2.280 евра, а најмалата министерска плата е 1.880 евра, објавени платите на премиерот и министрите

Владата ги објави платите на претседателот на Владата и на министрите. Највисока нето-плата зема претседателот на Владата, Христијан Мицкоски –...

Македонија1 ден

Таравари: Вработувања во здравството ќе има, но покачување плати, да бидам искрен, тешко до крајот на годинава

Министерот за здравство, Арбен Таравари, ќе преговара со синдикатите за нивните барања за нови колективни договори во здравството, но она...

Македонија1 ден

Пандов: Затвореници влегуваат и излегуваат кога сакаат, седум години не е направена контрола

По моето назначување на функцијата, од повеќе страни дојдоа до мене информации дека во затворот „Скопје“ секојдневно отсуствуваат поголем број...

Македонија1 ден

Лоши хигиенски услови во кујните, храна со поминат рок: уништени 8,7 тони небезбедна храна по спроведените вонредни контроли во Дојран, Охрид, Струга и во Преспа

Инспекциски тимови на Агенцијата за храна и ветеринарство (АХВ) минатата недела (од 16 до 19 јули) спровеле вонредни заселени контроли...

Свет1 ден

„Тајм“ објави нова насловна по повлекувањето на Бајден, ѝ ја посвети на Камала

Магазинот „Тајм“ објави нова насловна страница по повлекувањето н Џо Бајден од трката за претседател на САД. Се чини дека...

Македонија1 ден

ВМРО-ДПМНЕ: Заев и функционерите на СДСМ се шетаа со хеликоптерот, а резултат од патувањата беше блокада на Македонија на сите полиња

Додека СДСМ беше на власт, а Зоран Заев премиер тој низ Македонија се возеше со хеликоптер. Истото го правеше и...

Свет1 ден

Зеленски: Ние сме му благодарни на Бајден и ја почитуваме неговата тешка, но силна одлука

Украинскиот претседател Володимир Зеленски денеска изјави дека Украина ја почитува тешката, но силна одлука на американскиот претседател Џозеф Бајден да...