Контакт

Економија

(Видео) Славески: Буџет со погрешни проекции е нереален буџет

Објавено пред

Трајко Славески од ВМРО-ДПМНЕ на денешната прес-конференција истакна дека проекциите на Владата за буџетот за 2022 година се направени погрешно. За 2022 година министерството за финансии очекува раст на БДП од високи 4,6%, што според Славески е малку веројатно дека ќе се оствари.

„ За тековната 2021 година, која е појдовна основа за проекциите, Министерството за финансии предвидува раст од 4,1%. Но високофреквентните показатели за третиот квартал од оваа тековната година упатуваат дека растот во втората половина од 2021 година најверојатно ќе биде низок или можеби негативен. Во септември 2021 година растот на индустриското производство изнесува – 8%, додека градежништвото во јули и август забележува двоцифрен пад. Автомобилската индустрија во Република Македонија се соочува со сериозни проблеми во синџирите на снабдување. Сето ова упатува дека растот во 2021 година, најверојатно ќе биде значително понизок од предвидениот.

Во изминатите пет години од практикување на власта од страна на СДСМ и ДУИ растот на БДП никогаш не надминал 4%. Притоа, нејасно е како ќе се оствари овој раст во услови на големи проблеми во светот со синџирите на снабдување, можната енергетска криза, како и сè уште присутната здравствена криза. Инфлацијата претставува дополнителен проблем, а во проекциите на Министерството за финансии овие проблеми на волшебен начин исчезнуваат во втората половина од 2022 година“, рече Славески.

Ваквите нереални проекции, според него, придонесуваат за нереално проектирање на приходната страна на буџетот. Вели дека нереално проектираните приходи даваат искривена слика и проблеми во менаџирањето со јавните финансии.

„На расходната страна, порастот на платите е арбитрарен и се однесува само на одредени институции. Се поставува прашањето по кои критериуми министерството за финансии утврдило кои вработени и во кои институции колкав процент на зголемување на платите ќе добијат. Тоа навистина не е фер кон голем број вработени во државната управа и во јавниот сектор во целина“, смета тој.

Најави дека кога ВМРО-ДПМНЕ ќе дојде на власт, платите во овие дејности ќе растат со еднаков процент секоја година. На тој начин, како што рече, полицијата и војската нема да бидат дискриминирани како што е тој случај сега што проекциите за буџетот за 2022 година.

„Сомнително растат буџетите на институциите задолжени за јавна безбедност. Имено, буџетот на ОТА –Оперативно техничка агенција се зголемува за цели 60%, а за 20% се зголемува и буџетот на Агенцијата за разузнавање. Субвенциите за приватниот сектор се намалуваат како резултат на намалување на потребата за субвенционирање на претпријатијата погодени со мерките од кризата со Ковид-19. Но овој износ би требало да се рефлектира кај буџетскиот дефицит и истиот да се врати на предпандемиските нивоа. Капиталните расходи се планираат на неверојатни 37 милијарди денари. Но практиката од минатото покажа дека Владата предводена од СДСМ нема капацитет за реализација на капитални инвестиции“, појасни Славески.

Тој додаде дека во буџетот за следната година не се предвидени никакви средства за помош на ЕЛЕМ и МЕПСО.

„ Овие енергетски компании се во длабока криза и доколку не им се помогне, Република Македонија ќе остане без електрична енергија. Неодговорното менаџирање со секторот енергетика во изминатиот период врши и во иднина ќе врши сериозни притисоци врз државниот буџет, а сметката за последиците од ова ја плаќаат граѓаните“, обвини Славески.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

Замисли си желба и можеби ќе ти се оствари!

Објавено пред

Посакај желба и биди дел од големата новогодишна наградна игра – Credissimo желботека.

Полека се наближуваат најубавите празници во годината. Насекаде околу нас е украсено, луѓето се еуфорични и весели и веќе се чувствува новогодишната магија.

Дали веќе и вас ве обзема оваа празнична еуфорија и почнавте да си ја замислувате вашата новогодишна желба? Дали веќе почнавте да размислувате за подароците што ќе им ги дадете на вашите најблиски или пак како ќе ги изненадите оваа Нова година?

Credissimo како и секогаш мисли на своите клиенти и одлучи празничната еуфорија да им ја направи уште помагична. За да ги израдуваме нашите клиенти, традиционално и оваа година организираме новогодишна наградна игра во која се остваруваат нивните желби со вкупен фонд од 120.000 ден. месечно!

Доколку сакате да учествувате во наградната игра, тоа можете да го направите многу едноставно. Аплицирајте за Credissimo до плата или Credissimo Плус во периoдот од 1.12.2021 до 31.1.2022 и со тоа станувате дел од наградната игра. За време на вашето аплицирање може да ја напишете својата желба во Желботеката и да играте за голема парична награда. Во наградната игра учествува секој одобрен и земен кредит со напишана новогодишна желба. А, секоја споделена желба со вашите блиски ви носи 10% попуст од трошоците при користењето на кредитот.

Двајца добитници овој месец ќе си ја поделат наградата од 120.000 ден. со којашто ќе можат да си ги остварат своите желби. Во јануари ќе бидат извлечени останатите двајца добитници од Желботеката.

Вам ви останува само да си ја замислите својата најпосакувана новогодишна желба да ја напишете во Желботеката на Credissimo и максимално да се препуштите во уживањето во најубавиот период од годината.

(ПР-текст)

Прикажи повеќе...

Економија

Србија ги замрзна цените на основните прехранбени производи

Објавено пред

Србија ги замрзна цените на основните прехранбени производи.

Станува збор за шеќер, брашно од типот Т-400, сончогледово масло за јадење, свинско месо и млеко со 2,8 отсто млечна маст, при што е одлучено храната да не ја надмине цената што важеше на 15 ноември 2021 година.

Според официјалното соопштение, ценовната граница е поставена за да се отстранат штетните последици и да се спречат нарушувања на пазарот.

„ Одлуката, која ќе се применува за период од 60 дена, предвидува производителите да не смеат да ги испорачуваат овие производи во количини помали од просекот во последните 12 месеци, а предвидени се и казни во износ од 100.000 до 2.000.000 динари за прекршување на наведената одредба, како и забрана за вршење дејност во период од шест месеци до една година“, се наведува во соопштението од Владата.

Исто така, имајќи го предвид драстичното поскапување на берзите за електрична енергија во последните неколку месеци, Владата на Србија донесе Заклучок за цената на електричната енергија за резервно снабдување со електрична енергија на крајните корисници кои немаат право на гарантирано снабдување по 1 декември 2021 година.

Со овој акт се определува цената на електричната енергија за компаниите кои би склучиле договори за снабдување со резерва, а со кои би се овозможило нивно понатамошно работење и создавање клима за зачувување на поволна економска средина во Србија.

Прикажи повеќе...

Економија

Одобрена финансиска поддршка за намалување на последиците од пандемијата за производителите на јаболко, ориз, грозје и вино

Објавено пред

Владата го утврди текстот на Предлог-законот за финансиска поддршка за намалување на последиците предизвикани од пандемијата врз производството и откупот на земјоделски производи.

Нa предлог на Министерството за земјоделство, шумарство и водостопанство со ова законско решение се уредуваат условите, корисниците, висината како и постапката за доделување на финансиска поддршка за намалување на последиците врз производството, откупот на јаболко и ориз предизвикани од пандемијата.

Финансиската поддршка за намалување на последиците врз производството и откупот на јаболко и ориз се состои од:

– Поддршка по килограм за произведено јаболко кое во периодот од 15 септември 2021 година до 15 декември 2021 година е предадено кај регистриран откупувач или преработувач на земјоделски производи за преработка или за извоз најмалку преку еден откупувач, во висина од 3 денари по килограм.
– Поддршка по килограм за производство на оризова арпа од род 2020/2021 година која во периодот од 1 јануари до 15 декември е произведена и предадена на регистриран откупувач запишан во Регистарот на откупувачи или преработена во сопствениот преработувачки капацитет, во висина од 3 денари по килограм.

На оваа своја седница Владата го утврди и Предлог-законот за изменување и дополнување на Законот за финансиска поддршка за намалување на последиците предизвикани од пандемијата врз производството, откупот на грозје и винската индустрија со дополнување со нови корисници на финансиската поддршка и тоа:

– Поддршка по килограм за произведено винско грозје кое во периодот од 15 август 2021 година до 31 октомври 2021 година е предадено кај регистриран откупувач на винско грозје за производство на вино или за извоз на винско грозје во висина од 3 денари по килограм.
– Поддршка по килограм произведено винско грозје кое во периодот од 15 август 2021 година до 31 октомври 2021 година е преработено во сопствени капацитети за производство на вино во висина од 3 денари по килограм.

Прикажи повеќе...

Најново

Свет34 минути

СЗО со прва проценка за омикрон – заразените се со благи симптоми

Раните индикации сугерираат дека повеќето случаи на омикрон имаат благи симптоми, изјави претставник на Светската здравствена организација. Зборувајќи во име...

Македонија1 час

Гаши пред средбата со Заев рече дека нема да разговараат за кадровски решенија

Лидерот на Алтернатива, Африм Гаши, прв дојде на денешната лидерска средба со Зоран Заев. Без никакви детали околу тоа што...

Македонија2 часа

Владата предлага да се продолжи кризната состојба за уште 6 месеци

Владата го утврди текстот на предлог-одлуката за одобрување на продолжување на рокот за постоење на кризна состојба во снабдувањето со...

Македонија2 часа

Ковачевски ја поднесе кандидатурата за претседател на СДСМ – побара поддршка од членството и граѓаните

Заменик-министерот за финансии, Димитар Ковачевски, поднесе кандидатура за претседател на СДСМ. Тој кажа дека поднел и програма која се базира...

Македонија3 часа

Филипче: Не се исклучува задолжителна вакцинација доколку не помогнат апелите на матичните лекари

Само со апели од матичните доктори, без дополнителни мерки ќе се стимулира вакцинацијата и спречувањето на ширење на коронавирусот. Ова...

Македонија5 часа

Поранешната пратеничка Фросина Ременски се кандидираше за претседател на СДСМ

Поранешната пратеничка Фросина Ременски се кандидираше за претседател на СДСМ. Таа кажа дека Димитар Ковачевски има поддршка во кандидатурата од...

Свет5 часа

Eксперти: Новиот сој на коронавирус омикрон може да биде најава за крај на пандемијата

Новиот сој на коронавирус омикрон е откриен во Јужна Африка, а потоа следат повеќе информации од оваа земја во кои...

Македонија6 часа

Утрово два земјотреса во Кичево

Телеметриската сеизмолошка мрежа на Република Северна Македонија, со станици во Скопје, Валандово, Охрид, Штип и Пехчево, одржувана од Сеизмолошката опсерваторија...

Македонија6 часа

Стартува забраната за бесплатни пластични кеси

Од денеска стапува на сила обврската за наплата на кесите за носење стоки. Пластичните кеси ќе чинат 15 денари за...

Европа7 часа

Со третата доза на „Фајзер“ над 80 проценти заштита од коронавирус

Третата доза од вакцината против коронавирус на „Фајзер“ го намалува ризикот од инфекција за дополнителни 80 проценти или многу повеќе...

Македонија19 часа

Парична награда за матичните лекари ако имаат 70% вакцинирани пациенти

Во насока на стимулација на интересот за вакцинација за заштита од Ковид-19 и за спречување на ширењето на пандемијата, Владата...

Македонија20 часа

Пријава за напад во МНТ – блокирани улици во центарот на Скопје

Министерството за внатрешни работи не кажува дали има дојава за бомба во Македонскиот народен театар, но потврдуваат дека полицајци се...

Регион21 час

Убиство во Сплит: Вработена во продавница убиена со нож, напаѓачот уапсен

Маж нападнал жена со нож додека таа била на своето работно место во продавница во Сплит. Жената починала во болница,...

Свет21 час

Тедрос: Мерките не се неопходни, неправедно се казнуваат африканските земји

Шефот на СЗО, Тедрос Аданом Гебрејесус, изрази загриженост дека некои земји воведуваат општи ограничувања против ширењето на варијантата на коронавирус...

Македонија23 часа

Уште 43 Авганистанци си заминаа од Македонија

Нова група од 43 авганистански граѓани замина од Македонија откако за нив беше подготвена потребната документација за влез во трета...

Македонија24 часа

460 нови случаи на Кoвид-19 и вкупно 12 починати

Министерството за здравство информира дека во последните 24 часа направени се 2.424 тестирања, а регистрирани се 460 нови случаи на...

Топ1 ден

Родители од Скопје го принудувале детето да дава сексуални услуги

По претходно донесена наредба за истрага од страна на Јавното обвинителство за гонење организиран криминал и корупција, на 29 ноември...

Македонија1 ден

Бугарската министерка Комитова: Патот „Струма“ има недостатоци, но тие не се причина за пожарот во автобусот

Заштитната ограда во која удри автобусот е според стандардите што важеле во 2002 година кога се реконструирал патот, а денеска...

Европа1 ден

ЕМА: Вакцини против омикрон може да се одобрат за три месеци

Европскиот медицински регулатор денеска објави дека може да одобри вакцини приспособени за заштита од омикрон-варијантата на коронавирусот за три до...

Европа1 ден

(Видео) Австрискиот државен врв затекнат на журка, без маски, најавени кривични пријави

Партијата на слободата на Австрија (ФПО) поднесе жалба против австрискиот канцелар, како и други политичари, за забава по учеството во...

Досие