Њујорк и Сингапур се рангирани како најскапи градови во светот, според годишното истражување на глобалните трошоци за живот на Economist Intelligence Unit (EIU).

Њујорк за првпат е на врвот на рангирањето, додека Сингапур е на првото место по осми пат во последните 10 години.

Израелскиот Тел Авив, кој во 2021 година беше прогласен за најскап град во светот, годинава е на третото место.

Освен Њујорк, на листата на десет најскапи градови се искачија и Лос Анџелес и Сан Франциско. Сите 22 американски градови опфатени со истражувањето се зголемија на рангирањето поради брзиот раст на цените и силниот долар. Шест од нив – Атланта, Шарлот, Индијанаполис, Сан Диего, Портланд и Бостон – беа меѓу 10-те градови кои покажаа најголеми скокови на скалата.

Најмногу напреднаа руските градови Москва и Санкт Петербург, кои скокнаа за 88, односно 70 места.

Повеќето европски градови паднаа на листата.

Сирискиот главен град Дамаск и либискиот Триполи остануваат најевтините градови.

Истражувањето оваа година беше спроведено од 16 август до 16 септември во 172 поголеми градови во светот.

Членките на Европската унија се согласија да ја ограничат цената на руската нафта на 60 долари за барел, во согласност со предлогот на Г7, изјавија европски дипломати за ДПА.

Цената, договорена на ниво на амбасадори на земјите-членки на ЕУ денеска во Брисел, е поврзана со претходната одлука на земјите од Г7 да го санкционираат извозот на руска нафта.

Тоа следи откако Полска се согласи со договорот со Европската унија за ограничување на цената на руската нафта на 60 долари за барел, што ќе и овозможи на ЕУ да продолжи со официјалното одобрување на договорот во текот на викендот, изјави полскиот амбасадор во ЕУ, Анджеј Садос.

Тој рече дека договорот ќе биде официјално објавен во недела, ден пред стапувањето на сила на ембаргото за нафта на ЕУ.

Ограничувањето на извозот на руска нафта има за цел да ги ограничи приходите на Русија од зголемените цени на енергијата, а со тоа и можноста да ја финансира војната против Украина. Исто така, го спречува скокот на глобалните цени на нафтата откако ембаргото на ЕУ за руската сурова нафта ќе стапи на сила на 5 декември.

Механизмот предвидува плафон од 60 долари за барел нафта што се продава на трети земји, заедно со ембарго на ЕУ.

Она што ЕУ го има на располагање под таа граница е да забрани обезбедување на одредени услуги за руската нафта, вклучително осигурување, финансирање и техничка помош, доколку нафтата се продава над 60 долари.

Поради оваа одлука, руското производство на нафта би можело да се намали за 500 до 1 милион барели нафта дневно на почетокот на следната година, велат извори од руската нафтена индустрија.

„Префрли плата и добиј бонус“ е новата кампања што ја лансираше Шпаркасе Банка во соработка со Visa, а која има за цел понуда на премиум услуга и додадена вредност за сите нови клиенти што ќе се одлучат да ја примаат својата плата преку Банката. Па, така, од декември, па сè до крајот на март, секој нов клиент што ќе се одлучи да ја прима својата плата на трансакциска сметка во Шпаркасе Банка, добива значајни бенефити, сигурен и стабилен финансиски партнер, како и широка палета кредитни и депозитни производи и платежни услуги со атрактивни услови на користење.

Секој нов примател на плата во Шпаркасе Банка добива бонус во висина од 2.000 денари на својата сметка и 6 месеци нема надоместок за користење S пакет (трансакциска сметка со мобилно банкарство и прва на пазарот ЕКО Visa дебитна картичка од рециклирачка пластика). За да ги дознаете сите поволности што Банката ги нуди за секој нов примател на плата, посетете го нашиот веб-сајт на следниот ЛИНК

Шпаркасе Банка ги советува клиентите при изборот на банка, да земат предвид банка што континуирано инвестира во иновативни услуги и ги следи дигиталните трендови во банкарството. Па, така, Шпаркасе Банка продолжува да ги унапредува банкарските производи и услуги, со цел да им пружи на клиентите врвно корисничко искуство, а воедно се стреми и кон едукација на клиентите за ползување на дигиталните канали што се безбедни и лесни за користење и извршување на сите банкарски услуги. Новите подобрени услови и погодности клиентот ќе ги почувствува не само при користењето на дигиталните канали, туку и кај процесот на кредитирање, депозитната понуда, дозволеното пречекорување, онлајн воспоставување деловен однос со банката и многу други иновации во најава.

Групацијата Ерсте и Штаермеркише Шпаркасе е една од водечките групации во областа на финансиски услуги во Средна и Источна Европа и опслужува повеќе од 17 милиони клиенти преку 3.200 експозитури. Во Македонија, Групацијата е застапена со Шпаркасе Банка и Шпаркасе Лизинг и опслужува повеќе од 120.000 клиенти во 35 експозитури.

Токму затоа, префрлете ја и вие својата плата во Шпаркасе Банка и искористете ја оваа уникатна понуда со многу придобивки!

ПР