Цените на основните метали денес се подобрија, па цената на бакарот повторно надминува 6000 долари за метрички тон.

На јакнењето на цените на металите влијаеше стивнувањето на трговските тензии меѓу САД и Кина, како и зголемената побарувачка, според њујоршката агенција „Блумберг”.

Цената на бакарот на Лондонската берза на метали (ЛМЕ) со рок на испорака од три месеци се зголеми за 1,6 отсто, на 6 020 долари за тон, додека цената на другите метали, исто така, е во нагорен тренд, со зголемување на цената на алуминиумот за 2,3 проценти.

Цените на бакарот продолжија да јакнат денес, откако податоците укажуваат на најголем пораст на нарачки на металите на ЛМЕ-берзата во последните три години.

Сепак, врз цените на металите најголемо влијание има исходот на кинеско-американската трговска војна.

Кина планира да ја испрати својата делегација во САД кон крајот на овој месец, надевајќи се дека ќе ги оживее трговските преговори кои се во ќорсокак од јуни.

Вредноста на еден биткоин падна во еден момент под 6 000 долари. Во исто време, и другите криптовалути се на драматично низок пат.

Биткоинот во вторникот падна за 4,5 проценти на 5,975.21 долари, а во моментов се тргува за 6,058 долари. Етреумот падна за 7,3 отсто на 263,09 долари, ХРП за 5,2 отсто на 0,26 долари, биткоин кеш за 7,9 отсто на 489,91 долари, стелар за 7,8 отсто на 0,20 долари.

Поточно, целиот криптопазар падна за околу 10 проценти во последните 24 часа.

Европскиот берзански индекси и турската лира закрепнуваат денеска по загубата во претходните денови.

Акциите на одделни европски банки изложени на ризик поради нивното работење во Турција претходните денови забележаа пад на вредноста како резултат на брзиот пад на лирата, која од утрово сепак порасна 7,3 проценти.

Падот на лирата во претходните денови го исплаши пазарот поради можноста за прелевање на кризата и покрај оценките на аналитичарите дека глобалниот или европскиот банкарски систем нема да бидат загрозени. Турската Централна банка вчера најави мерки за зголемување на ликвидноста на банките, но турската лира и берзата продолжија да паѓаат поради стравот на инвеститорите дека власта на турскиот претседател Реџеп Таип Ердоган може да се справи со економските проблеми, како и тензиите со САД. Ердоган ја отфрли можноста за зголемување на референтните камати кои би можеле да го забават економскиот раст, а аналитичарите оценуваат оти ваквата мерка итно е потребна.