Новото клучно прашање во енергетскиот сектор е каде и како ќе се складира произведената електрична енергија од обновливи извори, изјави Тодор Анѓушев, управител на ЕМС во рамките на ФЕРО ИНВЕСТ, на стручната трибина „Складирање на електрична енергија и интеграција на производство од обновливи извори – Предизвици и решенија“, организирана од МАКО СИГРЕ на ФЕИТ во Скопје.

Тодор Анѓушев нагласи дека без батериски системи е невозможно целосно да се искористи потенцијалот на обновливите извори на енергија, но дека поставувањето батериски систем е многу посложено од градење сончева електрана.

„Батериските системи се сложен енергетски објект, кој треба правилно да се проектира, софтверски да се интегрира, да се усогласи со мрежните правила, регулативите и пазарните механизми, и најважно-дневно да се управува“, – истакна Анѓушев, кој нагласи дека е многу важно инвеститорите да проценат кој ќе им го инсталира батерискиот систем, кој ќе се грижи за истиот, кој дневно ќе го програмира за полнење и празнење и конечно, кој ќе им ја откупува произведената и складирана електрична енергија.

Тодор Анѓушев даде конкретен пример преку батериските системи на ФЕРО ИНВЕСТ кои се веќе реално поставени, поврзани на мрежа, стекнати со сите дозволи, и веќе подолг период работат и се дел од комерцијална експлоатација без никаква техничка или административна пречка.

ФЕРОИ НВЕСТ во 2025г. го изведе првиот батериски систем во Македонија кој беше поставен на сопствена електрана, и кој според новите законски одредби, единствен имаше градежна дозвола, согласност за приклучок на мрежа и лиценца за складирање електрична енергија.

ФЕРО ИНВЕСТ досега учествуваше во изведување на над 250 MWh (мегаватчаса) батериски системи за сопствените електрани и за електрани на клиенти.

Во реализација се уште околу 70 MWh батерии.

На панел-дискусијата на ФЕИТ учествуваа и претставници од клучните институции и компании во енергетскиот сектор: Електродистрибуција, МЕПСО, МЕМО, ФЕРО ИНВЕСТ и Интебако.

На дебатата се потенцира дека батеријата овозможува електричната енергија да се складира во текот на денот, кога има високо производство од сонце, а пазарните цени се ниски, и да се користи или продава во ноќните часови, кога нема сончево производство, а побарувачката на енергија и пазарните цени се драстично повисоки. На овој начин батериите создаваат добивка за производителот, односно за електраната, а истовремено му помагаат на електроенергетскиот систем на Македонија, штитејќи го од преоптоварување со прекумерни количини енергија во критичните часови од денот.

ПР

Бизнис форумот што го одржавме во Истанбул беше одлична можност за зголемување на трговската соработка меѓу Македонија и Турција. На средбите со министерите за трговија и министерот за транспрот договоривме воведување на нова авиолинија од 2 јули, линијата Анкара-Скопје како и железничко карго поврзување меѓу двете земји, истакна заменик претседателот на Владата и министер за транспорт Александар Николоски во гостувањето на ТВ Сител.

Тој потенцира дека многу турски компании се заинтересирани за инвестции во Македонија, а дека односите се одлични покажува и пречекот на премиерот Христијан Мицкоски од страна на претседателот Реџеп Таип Ердоган.

“ Има голем интерес на турски компании да инвестираат во Македонија, причина е што Македонија има договор за слободна трговија со EУ и одличен договор со САД. Турција има проблем во извозот во Европската Унија и одредени компании се заинтересирани токму во Македонија да инвестираат. Понатаму, тука е блискоста помеѓу двата народа и двете држави и релативната близина има добра поврзаност. Веќе Туркиш Ерлајнс покрај Скопје, почна да лета за Охрид, а од 2 јули започнува директен лет на АЏет од Анкара до Скопје. Морам да нагласам дека е без субвенции, што значи дека воопшто не побараа субвенции и мислам дека е добро да ја отворат. Заедно со двајцата министри, министерот за трговија, министерот за транспорт и инфраструктура договоривме и карго поврзување помеѓу двете држави, имајќи предвид дека едниот крак на Коридор 10 започнува во Истанбул и тоа е најкраткиот пат за роба од Турција до Централна Европа”-изјави Николоски.

На прашање дали се очекува да се подигне трговската размена до 2 милијарди долари, заменик претседателот на Владата, Николоски, вели дека е за очекување од причина што многу турски компании инвестираат во Македонија, но и многу македонски компании инвестираат во Турција.

“Бројни македонски компании инвестирале во Турција или работат во Турција, бројни турски компании инвестирале во Македонија или имаат работа во Македонија. Така што е добро да оваа соработка да расте, а самото тоа што премиерот Мицковски вчера беше на највисоко ниво пречекан од страна на претседателот Ердоган, беше пречекан онака како што најдобро би можеле да посакаме да биде пречекан еден државник од Македонија со сите највисоки почести. Тоа покажува какви се односите помеѓу двете држави, тоа покажува и која е личната почит кон премиерот Мицкоски од страна на претседателот Ердоган, но и кои се односите помеѓу двете држави. Така што мислам дека целокупно успешен беше овој форум и плодовите ќе ги собираме во периодот што следи”- истакна Николоски.

Германската економија веќе денес очајнички бара квалификуван кадар, но поради забрзаното стареење на населението овој проблем во наредните години би можел да прерасне во сериозен економски предизвик.

Според најновата студија на Институтот за германска економија (IW), недостигот на работна сила ќе биде значително поголем отколку што се предвидуваше досега.

Новите прогнози покажуваат дека Германија се соочува со историски дефицит на работници, што би можело сериозно да влијае врз стабилноста на најголемата европска економија.

Студијата издвојува три клучни показатели:

• До 2036 година на германскиот пазар на труд ќе недостигаат околу 4,3 милиони работници, што е значително повеќе од прогнозата од пред две години, кога се споменуваа три милиони.
• Демографските проекции покажуваат дека до 2045 година во Германија ќе живеат околу 81,1 милион жители, што е за 2,9 проценти помалку од денес.
• Вкупниот потенцијал на работната сила ќе се намали за 6,9 проценти до 2036 година – од 55 милиони лица во 2025 година на 51,2 милиони.
  Странците губат интерес за Германија

Како главна причина за ваквите прогнози, експертите од IW ги наведуваат значително пониските стапки на доселување во споредба со претходните економски модели.

Германија, која со децении важеше за ветена земја за работници од целиот свет, сè побрзо ја губи својата привлечност на глобалниот пазар на труд, пренесува „Феникс магазин“.

Клучна причина за намалениот интерес е долготрајната слабост на германската економија, како и сè поголемите структурни проблеми на пазарот на труд. Многу странски стручњаци денес избираат други дестинации, што дополнително го отежнува пополнувањето на работните места.

Споредбата со прогнозите од пред само неколку години покажува колку брзо се влошиле трендовите. Проекцијата од 2024 година, која предвидуваше умерен економски и демографски раст до 2040 година, повеќе не се смета за реална.

Во извештајот се наведува дека до 2036 година работоспособна возраст ќе достигнат само 9,8 милиони жители, што нема да биде доволно за да го надомести големиот бран пензионирања.

На подолг рок, до 2045 година потенцијалот на работоспособното население ќе се намали за 8,3 проценти и ќе изнесува околу 50,4 милиони луѓе.

Доколку овие прогнози се остварат, германските компании би можеле да бидат принудени на сериозни промени во работењето, затворање на дел од производствените капацитети или преселување на производството во други земји, пренесе „Б92“.