Економија
Ристески: Откупот е во хаос, тутунарите се принудени да го даваат својот тутун по најниска цена

Тутунарите се принудени да го даваат својот тутун по најниска откупна цена во последните 15 години, изјави Петар Ристески, пратеник на ВМРО-ДПМНЕ.
Тој рече дека поради тоталната негрижа и неспособност на Владата предводена од СДСМ и катастрофалната состојба со откупот на тутунот, пратеничката група на ВМРО-ДПМНЕ поднела информација до Собранието со цел подетаљно запознавање на јавноста и решавање на овој проблем со кој се соочуваат тутунарите.
„Состојбата со откупот на тутунот во моментот е крајно драматична и срамна. Откупот е во хаос, а тутунарите се принудени да го даваат својот тутун за рекордно најниската откупна цена по 2005 година. Повторувам, откупната цена во моментот буквално е најниската цена за откуп на тутун во последните 15 години. Срамно, жално и безобразно. Исто така, наместо навремен и регулиран пазар, постои безредие, наместо добар почеток на предоткупот, се соочуваме со слаба динамика во преземањето на производството, наместо исполнување на ветувањата дадени лично од Зоран Заев, повторно лаги и непочитување на договореното на одржаните состаноци. Наместо достоинствена откупна цена, сè уште имаме неприфатливо ниска просечна откупна цена, со што и понатаму се потценува трудот на тутунарите и се гази врз нивното достоинство“, рече Ристески.
Тој обвини дека тутунарите се соочуваат со егзистенционален проблем, а власта мува не ја лази и не нуди никакви конкретни решенија.
ВМРО-ДПМНЕ бара итна владина седница, на која ќе бидат усвоени следните мерки: зголемување на субвенцијата за тутун 100 %, државата да интервенира со обезбедување дополнителни финансиски средства потребни за откуп на произведената количина тутун останат без договори, да ги насочи кон Тутунскиот комбинат – Прилеп, кој ќе биде задолжен да го реализира откупот на недоговореното производство на ориентален тутун до последен лист, потоа во итна постапка да се изврши измена на Законот за тутунот и тутунските производи, со која ќе се врати старото законско решение, односно ќе се забрани увоз на тутун за домашните преработувачки капацитети, со единствена цел да се преработува ориентален тутун од домашно производство.
ВМРО-ДПМНЕ бара и ревидирање на мострите на ориентален тутун и инспекторите од Државниот земјоделски инспекторат секојдневно да бидат распоредени на откупните места за да ги контролираат процесот и текот на откупот заедно со поверениците поставени за заштита на интересите на тутунопроизводителите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Заев: Просечната плата расте, целта ни е да стигнеме до 34.000 денари

Имаме раст на просечната нето-плата во ноември, a наша цел се достоинствени плати и подобар животен стандард за граѓаните. Владата е посветена на покачување на платите до 34.000 денари во следните четири години, објави премиерот Зоран Заев на социјалните мрежи.
📈 Имаме раст на просечната нето плата од 7% во ноември 2020, во однос на истиот месец 2019 година. Според податоците на…
Posted by Zoran Zaev on Четврток, 21 јануари 2021
„Имаме раст на просечната нето плата од 7% во ноември 2020, во однос на истиот месец 2019 година. Според податоците на Државниот завод за статистика, просечната месечна исплатена нето-плата по вработен во ноември 2020 година изнесувала 27.588 денари. Ваквото зголемување се должи на зголемувањата на платите во наведениот период во секторите: Дејности на здравствена и социјална заштита (11,2 %), Образование (9,5 %), Информации и комуникации (9,4%), Земјоделство, шумарство и рибарство (8,5%), Преработувачката индустрија (7,3%), како и во други бројни дејности. Нашата цел е граѓаните да имаат достоинствени плати и подобар животен стандард. Владата е посветена на покачување на платите до 34.000 денари во следните четири години“, напиша премиерот на својот фејсбук-профил.
Економија
Зелена машина на „Брако“ ја чистеше Белата куќа пред инаугурацијата на Бајден

Еколошката машина GM500ze на македонската компанија „Грин машинс“ (Green Machines), која е во сопственост на велешки „Брако“, го чистеше дворот на Белата куќа во Вашингтон во пресрет на вчерашната инаугурација на новиот американски претседател Џо Бајден.
Станува збор за иновативна машина за одржување хигиена во урбани средини, која работи без воопшто да испушта јаглероден диоксид. GM 500ze е првата целосно електрична машина од овој тип и веќе добро е позната меѓу градовите и институциите што се стремат кон паметни и зелени решенија во процесот на одржувањето на хигиената во урбани средини.
Деновиве во американските медиуми сè беше насочено кон преземањето на функцијата на новиот претседател. Беа објавени голем број стории, кои се фокусираа и на најситните детали од подготовките за инаугурацијата. Во една таква сторија на престижниот „Политико“ се појави и зелената машина на „Брако“. Еј-би-си, пак, објави прилог во кој вели дека и вообичаено сè е блескаво чисто во Белата куќа, но овој пат, имајќи ја предвид и пандемијата на Ковид-19, било спроведено длабинско чистење какво што не се памети.
Од „Брако“ велат дека GM500ze не се нашла случајно во Белата куќа бидејќи нивните производи веќе подолго време се извезуваат на американскиот пазар. Благодарение на сертифицираниот квалитет, нечујноста и иновативната технологија што не загадува, зелените машини ги чистеле пешачките зони и на други познати локации, како Бакингемската палата во Лондон, плоштадот Свети Петар во Ватикан, улиците на Сингапур, „Дизниворлд“, Тајмс сквер во Њујорк итн.
Поради својот футуристички дизајн, овие возила го привлекуваат вниманието и на филмските режисери и се појавуваат во сцени од Man In Black 3 и Star Wars: Episode I – The Phantom Menace.
GM 500ze е претходникот на најновата иновација што ја произведе „Брако“, која пред неколку месеци беше презентирана во Европа и светот. Тоа е неверојатната машина GM 500H2 што работи на водород и испушта вода наместо издувни гасови. И ова возило ја продолжува визијата на велешката компанија, чија цел е да придонесе за минимизирање на човечкото влијание врз природата и максимално да ја зголеми ефикасната употреба на ресурсите.
Економија
Раст на просечната плата за 1.800 денари

Просечната месечна исплатена нето-плата за вработен во ноември 2020 година изнесувала 27.588 денари и е повисока 7 % во однос на истиот месец во 2019 година, поточно 1.801 денари.
Во согласност со податоците на Државниот завод за статистика, во ноември 2020, во споредба со истиот месец 2019 година, регистрирано е зголемување на нето-платата за вработен во секторите: земјоделство, шумарство и рибарство (8,5 %), во преработувачката индустрија (7,3 %), снабдување со електрична енергија, гас, пареа, климатизација (4,9 %), информации и комуникации (9,4 %), финансиски дејности и дејности на осигурување (2 %), како и во други многубројни дејности.
Дополнително, ваквото зголемување во најголем дел се должи и на зголемувањето на просечната месечна исплатена нето-плата за вработен во секторите: уметност, забава и рекреација (11,2 %), дејности на здравствена и социјална заштита (11,2 %) и образование (9,5 %). Највисоки нето-плати се регистрирани во секторите информации и комуникации, како и финансиски дејности и дејности на осигурување.
Од Владата велат дека се посветени на реализација на стапките на економски раст од 4 до 5 % и покачување на платите за 20 до 30 %, односно до 34 илјади денари во следните четири години, со цел подобрување на стандардот на граѓаните и економијата во земјата.
- Книги1 месец
Македонски лекар ја објави последната исповед на Јосип Броз Тито
- Македонија3 месеци
Излезе од затвор Панче Ангелов, напаѓачот на Шекеринска од 27 април
- Црна хроника2 месеци
Млада девојка од Штип пронајдена мртва во нејзиниот дом
- Македонија2 месеци
МЖСПП: Мечкиното грозје важен ресурс, кој треба грижливо да го собираме
- Економија3 месеци
(Видео) Младите од Струмичко порачуваат – ако не проработи рударскиот комплекс, ќе се иселиме сите
- Македонија1 месец
(Видео) Отстранети два нелегално изградени објекта во општина Центар
- Спорт3 месеци
Гетџи: По мечот со Хабиб, мојата мајка конечно ќе може да се пензионира
- Македонија4 недели
Возачот на „бентлито“ што „влета“ на плоштад казнет со 45 евра, објавена фотографија од записникот