Контакт

Економија

Светска премиера на електричниот суперавтомобил Audi PB18 e-tron concept

Објавено пред

Првпат Audi ќе презентира дизајн и технички концепт на автомобил на познатиот автомобилски собир Pebble Beach Automotive Week во Монтереј, Калифорнија. Целосно електричниот суперавтомобил Audi PB18 e-tron претставува радикална визија на спортски автомобил со високи перформанси, кој изгледа како да доаѓа од иднината. Станува збор за концепт на електричен двосед, дизајниран од новото студио на Audi во Малибу, Калифорнија, каде што дизајнот постојано беше надградуван. Техничкиот концепт на e-tron PB18 има придобивки од долгите години на Audi во освојување на познатата трка Le Mans. Скратеното име PB18 e-tron се однесува и на Pebble Beach местото за премиера, како и на технолошката ДНК, која овој суперавтомобил ја дели со успешниот тркачки автомобил LPR1 Audi R18 e-tron.

dobivaj vesti na viber

Dynamic photo
Colour: Curcuit grey

Од сликата се видливи спортските линии на возилото, предните препознатливи LED-светла, како и крилата на покривот, каде што се сместени камерите што ја преземаат улогата на ретровизори.

– Ние сакаме да му понудиме на возачот искуство што инаку е достапно само во тркачките автомобили, како што е Audi R18. Затоа, го развивме ентериерот за идеалната позиција на возачот во центарот. Сепак, нашата цел беше да му дадеме на PB18 e-tron висок степен на секојдневна употребливост не само за возачот туку и за потенцијалниот патник – изјави Gael Buzyn, шеф на Audi Design Loft во Малибу.

Audi PB18 e-tron ја следи традиционалната архитектура на спортски автомобил. Тежиштето на автомобилот се наоѓа зад седиштата и пред задната оска – што е од корист за динамиката на возење. Ова не вклучува конвенционален менувач како во автомобилите со внатрешно согорување. Миксот на алуминиумски, јаглеродни и мултиматеријални композити овозможува телото на Audi PB18 e-tron да има ниска основна тежина. Благодарение и на релативно лесната батерија може да се очекува вкупна тежина помала од 1.550 кг.

Dynamic photo
Colour: Curcuit grey

Audi PB18 e-tron е долг 4,53 метри, широк 2 метра и висок 1,15 метар. Самите димензии зборуваат за класичен спортски автомобил. Меѓуоскиното растојание изнесува 2,70 метра и преклопите се компактни. Она што е за истакнување се 470-те литри багажен простор, нешто што обично е дефицит кај спортските автомобили, но не и кај ПБ18 е-tron.

Концептот користи три моќни електрични мотори – еден напред и два во задниот дел. Вторите се централно лоцирани меѓу управувачките зглобови, секој директно управува со едно тркало преку полуоски. Тие даваат моќност до 150 kW до предната оска и 350 kW во задниот дел, со што го прават Audi PB18 e-tron вистински quattro. Максималниот излез е 500 kW, но со буст од страна на возачот може привремено да се мобилизираат до 570 kW. Комбинираниот вртежен момент до 830 њутнметри овозможува забрзување од 0 до 100 км/ч за малку повеќе од 2 секунди.

Во нормалниот патен сообраќај возачот може да ја ограничи максималната брзина во корист на опсегот. Ова ограничување е лесно да се деактивира на тркачката патека и може да се приспособи на локалните услови.

Фокусот е Audi не е само во моќни перформанси, туку и максимална ефикасност. Додека се вози, Audi PB18 e-tron обновува големи количества енергија: до умерено сопирање електричните мотори се единствено одговорни за забавување на возилото. Хидрауличните сопирачки доаѓаат во игра само за силно сопирање.

Static photo
Colour: Curcuit grey

Батеријата со течно ладење има енергетски капацитет од 95 kWh. Целосното полнење овозможува опсег од над 500 километри. Audi PB18 e-tron е веќе дизајниран за полнење со напон од 800 волти. Ова значи дека батеријата може целосно да се полни за 15-ина минути.

Audi PB18 e-tron исто така може да се полни безжично преку индукција со Audi Wireless Charging (AWC). Ова се прави со поставување рампа за полнење со вграден калем на подот каде што автомобилот треба да биде паркиран и поврзување со напојување. Алтернативното магнетно поле предизвикува наизменичен напон во секундарната серпентина поставена на подот на автомобилот низ воздушниот јаз.

Interior

Audi во меѓувреме гради ново семејство визионерски автомобили од 2017 година како преглед за следната деценија – електрично напојување и прецизен фокус на нивните соодветни сценарија за употреба. Audi Aicon започна со работа на IAA 2017, a PB18 e-tron сега обележува уште една пресвртница. Дополнителни концепти на возила, како што се оние, на пример, за градски сообраќај, веќе се развиваат и ќе го направат своето јавно деби во наредните месеци.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

Народната банка и ЕИБ ќе соработуваат за поддршка на зелените финансии

Објавено пред

Народната банка и Европската инвестициска банка (ЕИБ), денеска, потпишаа Договор за соработка, со кој се обезбедува поддршка на напорите на Народната банка во сферата на зелените финансии. Договорот беше потпишан од страна на гувернерката, Анита Ангеловска-Бежоска и претставникот на ЕИБ во земјава, Бјорн Габриел, додека на средбата присуствуваше амбасадорот на ЕУ, Н.Е. Дејвид Гир, амбасадорката на Сојузна Република Германија, Н.Е. Петра Дрекслер, како и дел од тимот на Народната банка.

dobivaj vesti na viber

Соработката помеѓу двете институции се состои во консултантска поддршка за централната банка за понатамошно унапредување на регулаторната и супервизорската рамка за управување со климатските ризици, како и на капацитетите за известување, собирање и обработката на податоци за зелените финансии. Целта е преку овие активности да се зајакне разбирањето на изложеноста на климатските ризици кај корпоративниот сектор од страна на банките и да се поддржат одржливите практики. Соработката ќе се спроведува во рамки на Програмата на ЕИБ за зелени финансиски системи.

Гувернерката посочи дека Народната банка почнувајќи од 2020 година, постојано презема мерки и активности за поттикнување на финансирањето на зелената трансформација на нашата економија. “Досега преземените мерки и активности на Народната банка за поттикнување на зеленото финансирање, како и идните чекори се содржани во првиот Среднорочен план на активностите на Народната банка во доменот на управувањето со климатските ризици. Спроведувањето на планираните активности од Среднорочниот план е веќе започнато. Во насока на зајакнување на отпорноста на банкарскиот систем на климатските ризици, Народната банка неодамна усвои Насоки за банките за начинот на управување со ризиците поврзани со климатските промени. Првичните анализи за оцена на изложеноста на банкарскиот систем на физички и транзициски ризици поврзани со климатските промени, кои се темелат на тековно расположливите податоци во овој домен се особено значајни, и во наредниот период е предвидено да се продлабочат, а во подготовка е и Преглед со зелени показатели”, истакна Ангеловска-Бежоска.

Киријакос Какурис, потпретседателот на ЕИБ, кој е одговорен за операциите во земјава, изјави: „како дел од Тимот Европа, среќни сме што сме активен придонесувач за зелената транзиција и целите за одржливост на Северна Македонија. Договорот со Народната банка се заснова на одличната соработка воспоставена во последните неколку години. Тој ги надополнува другите наши активности во Северна Македонија, како што е „зелената“ кредитна линија потпишана во 2023 година со Развојната банка на Северна Македонија (РБСМ), како и проектите за одржлив транспорт, енергетска ефикасност и заштита на животната средина во рамките на Економскиот и инвестицискиот план. Овие активности имаат големо значење за Северна Македонија, која има за цел да стане дел од семејството на ЕУ и ги усогласува своите активности со Зелената агенда и Парискиот договор“.

Германската амбасадорка во земјава, Петра Дрекслер, изјави дека „постојат три карактеристики кои се особено погодни за карактеризирање на денешните германско-македонски односи: цврсто европски, економски одржливи, климатски ориентирани. „Програмата за зазеленување на финансиските системи“ го илустрира ова на прекрасен начин. Финансискиот сектор игра клучна улога во приближувањето кон одржлива, отпорна глобална економија, која ги зачувува ресурсите. Без инвестиции во климатската отпорност, не може да има одржливи економии во иднина. Затоа, климатската акција е основен столб на германската надворешна политика. Благодарна сум на Европската инвестициска банка и на Народната банка на Северна Македонија што се наши партнери во ова“.

Шефот на делегацијата на ЕУ во земјава, амбасадорот Дејвид Гир забележа: „Финансиските институции и регулаторите може да играат важна улога во акциите за борба против климатските промени. Со обезбедување приспособена техничка помош за Народната банка на Северна Македонија и локалните комерцијални банки, оваа програма ќе помогне во развојот на ефикасно зелено кредитирање и инвестиции во Северна Македонија, а со тоа ќе придонесе за климатските цели на земјата“.

Програмата на ЕИБ за зелени финансиски системи обезбедува техничка помош за градење финансиски системи кои се отпорни на ризиците кои произлегуваат од климатските промени, со крајна цел поддршка на приватниот сектор во процесот на насочување на расположливите средства во климатски и еколошки одржливи инвестиции. Програмата е финансирана од Меѓународниот фонд за климатска иницијатива на ЕИБ, во име на германското Сојузно Министерство за економски прашања и климатски активности. Таа претставува заеднички придонес на германското Сојузно Министерство за економски прашања и климатски активности и Европската инвестициска банка кон работата на NDC Partnership, а пред се’ кон иницијативата „Поддршка за подготвеност за зелени централни банки“ и Национално утврдените придонеси на РСМ.

На средбата беше заклучено дека меѓуинституционалната соработка, координираниот национален пристап и градењето системи за поголема отпорност и ублажување на штетите, се од суштинско значење за справувањето со климатските промени коишто се идентификуваат како еден од најголемите ризици во светот на кус и на долг рок. Улогата на меѓународните финансиски институции и нивната подготвеност за поддршка во овој домен е од исклучителна важност за нашата земја.

Прикажи повеќе...

Економија

Аналитичари: Изградбата на нови станови во Европа ќе ослабне поради високите трошоци

Објавено пред

Изградбата на нови станови во Европа нагло ќе ослаби во наредните години поради зголемените трошоци, објави германскиот институт Ифо, повикувајќи се на проекциите на мрежата на европски институти Еуроконструкт.

dobivaj vesti na viber

Европа ќе добие само околу 1,5 милиони нови станбени единици до 2026 година, 13 отсто помалку отколку во 2023 година, објави институтот за економски истражувања Ифо, член на мрежата.

Проценката ги опфаќа Германија, Франција, Шведска, Данска, Австрија, Белгија, Чешка, Финска, Унгарија, Италија, Холандија, Норвешка, Полска, Португалија, Шпанија, Швајцарија, Словачка, Велика Британија и Ирска.

Бројот на новоизградени станови најмногу ќе се намали во Шведска до 2026 година, дури за 47 отсто во однос на 2023 година, покажува истражувањето на Еуроконструкт. Следува Германија, со прогнозиран пад на бројот на нови станови за 35 отсто, истакнува минхенскиот институт.

Во Франција би требало да се намали за 22 отсто, а во Данска за 19 отсто. Светли точки се Ирска, Словачка и Обединетото Кралство, со прогноза за 16, 14 и 12 отсто повеќе нови станови отколку во 2023 година.

Инвестициите во нови станбени згради во Европа треба да се намалат за 6,4 отсто во набљудуваниот период, а трошоците за одржување и реновирање станови за 1,2 отсто, покажа истражувањето.

Активноста во европскиот градежен сектор ќе се зголеми за 7,5 отсто до 2026 година благодарение на очекуваниот натпросечен моментум во енергетскиот и железничкиот сектор и во секторот вода, проценува Еуроконструкт.

„Движечките сили на растот вклучуваат политички цели во енергетиката и заштитата на животната средина, прилагодување на капацитетот во транспортната инфраструктура и општата потреба за модернизација на мрежите“, објаснува Лудвиг Дорфмајстер, експерт од Германскиот институт за градежништво.

Прикажи повеќе...

Економија

Николовски од Виница: За една година имаме регистрирани нови 2.508 оператори со храна и 91 мала винарија

Објавено пред

Министерот за земјоделство, шумарство и водостопанство, Љупчо Николовски заедно со директорот на Агенцијата за финасиска поддршка во земјоделството и руралниот развој, Никица Бачовски и државниот советник за рурален развој, Трајан Димковски денеска беа во работна посета на Виница, каде остварија повеќе средби со земјоделците, мали производители на храна и мали винарии.

dobivaj vesti na viber

При средбите министерот Николовски ги информира земјоделците од Виница за новите можности и мерки што министерството ги креира за поддршка до секој еден земјоделец во 2024 година.

Во својата изјава министерот Николовски истакна дека во Виница бележиме три регистрирани мали семејни винарии, сите три добитници на грантот од 10.000 евра, за поддршка на малите семејни винарии при набавка на опрема за производство.

„Нашата успешна приказна во развојот на малите семејни винарии ја започнавме во 2019 година. Преку измени во законот за вино, ги олеснивме критериумите и овозможивме регистрација на физички лица, како производители на вино. На овој начин го отворивме патот за развојот на малите семејни винарии. Денес тие се наша гордост и бренд, по кои како држава сме препознаени во регионот. Од тогаш, до денес, бележиме бројка од вкупно 173 регистрирани мали семејни винарии, успешни приказни кои може да ги сретнеме низ целата држава“, изјави министерот Николовски.

Само минатата 2023 година бележиме регистрација на нови 91 мала винарија. Тоа се 91 семејство, кое традиционалната пракса за производство на вино во домашни услови, ја претвориле во мал бизнис, искористувајќи ја поддршката од државата.

Преку двата повици за поддршка на малите производители на вино, изминативе две години, се доделени 145 договори за грант поддршка до 10.000 евра на мали семејни винарии за набавката на опрема за производство. Ваквата успешна мерка придонесе дене да имаме 255 регистрирани винарски визби. Само за споредба до 2019 година, пред измените во законот за вино, имаме вкупно 71 регистрирана винарска визба, а денес оваа бројка изнесува 255 регистрирани винарски визби.

Една од успешните мали семејни винарии во Виница добитник на грант до 10.000 евра е малата винарија на Антонио Петров, позната по автентичното вино со мед.

Министерот Николовски во Виница оствари посета и на успешни корисници на мерката за грант поддршка до 10.000 евра за набавка на опрема за производство на малите производители на храна. Наум Тренчевски од село Блатец е добитник на грант од програмата за неживотинско потекло, преку која си има набавено систем за мрзнење на јагода со капацитет од 450кг/1час.

Иако нова оваа програма предизвика голем интерес кај земјоделците и ги надмина нашите очекувања. Кога ја креиравме програмата за поддршка на малите производители на храна си поставивме за цел, во наредните две до три години, да достигнеме до бројката од 2.000 нови регистрирани мали производители на храна. Во оваа наша цел успеавме уште во првата година.

Денес имаме вкупно 2.508 регистирани оператори со храна од животинско и неживотнско потекло, во АХВ, или само во оваа година имаме нови 1.540 регистрирани опрератори со храна од животинско потекло и 420 нови регистрирани опрератори од неживотинско потекло. Овие бројки ги потврдуваат резултатите постигнати во земјоделството.

Поддршката за малите производители на храна и малите производители на вино ја продолжуваме и оваа година. Креираме мерки според потребите на земјоделците, преку кои постигнуваме одржливост и развој во македонското земјоделство.

Прикажи повеќе...

Најново

Топ25 минути

Повторно дете нападнало дете во училишен двор во Карпош – случајот е во рацете на полицијата

Мајка од Скопје пријавила во полицијата дека пред два дена, околу 21.40 часот, син ѝ бил нападнат во училиштен двор...

Македонија56 минути

„Ахмети ќе ја соопшти големата вест“ – ДУИ најави обраќање во живо на „Фејсбук“

Демократската унија за интегрцаија (ДУИ) објави дека утре во 11 часот, партискиот лидер Али Ахмети ќе им се обрати на...

Топ1 час

Брат пукаше во сестра си и во нејзините два сина во Куманово – две од лицата починаа

Три лица беа застрелани, а двајца починаа во кумановското село Габреш. Според информациите од МВР, зад убиствата стои Д. Ѓ....

Македонија2 часа

Костадиновска-Стојчевска: Да се поништи конзерваторското решение за зградата кај Воената болница

Министерката за култура Бисера Костадиновска-Стојчевска, за изградбата на висококатницата до „Воена болница“ во Скопје, информираше дека го добила Извештајот од...

Македонија4 часа

Цените за катастарските услуги удрија по џебот на граѓаните: поскапувањето не е 300 отсто, туку 90

Според претседателот на Комората на трговските друштва за геодетски работи, Никола Рибароски, најновите поскапувања на тарифниците на Агенцијата за катастар...

Македонија4 часа

Вкупно 56 потврдени случаи на голема кашлица, во следните недели се очекува зголемен број кај повозрасните

По денешниот редовен состанок на Комисијата за заразни болести, претседателот Александар Петличковски рече дека состојбата со големата кашлица е под...

Македонија4 часа

Ковачевски се извини: Ги прифаќам сите реакции, не сакам да дојде време да се случува она што се случуваше до 2016

Лидерот на СДСМ, Димитар Ковачевски, присуствуваше на почетокот на градежните работи на објектот Универзална сала, каде повторно им се извини...

Македонија7 часа

„Мицкоски опкружен со луѓе поврзани со скандали со дрога“, велат СДСМ

„Мицкоски постојано е опкружен со луѓе поврзани со скандали со дрога. Пред неколку месеци претседателот на ДПМНЕ Христијан Мицкоски и...

Македонија7 часа

„И во последните денови од владеењето власта е брутална, сега си играат со судбината на Леонид“, вели ВМРО-ДПМНЕ

„Со СДС и ДУИ секојдневно тоне се, а цената дури и на последните денови од нивното владеење е висока, чини...

Свет9 часа

Кина остро ги критикува САД поради ставеното вето на резолуцијата за прекин на огнот во Газа

Кина остро ги критикуваше САД дека ставија вето на резолуцијата на Советот за безбедност на ОН со која се бара...

Европа10 часа

Западните лидери го обвинија Путин за смртта на Навални, Трамп не: „Можеше да остане настрана“

Поранешниот американски претседател Доналд Трамп вчера изјави дека Алексеј Навални бил многу храбар човек кој веројатно не требало да се...

Свет10 часа

Ники Хејли: Трамп е премногу стар

Кандидатката за републиканска номинација Ники Хејли вети дека ќе ја продолжи својата претседателска кампања, велејќи дека нема намера да се...

Регион10 часа

(Видео) Протест во Албанија, фрлени „молотови коктели“ врз зградата на владата: „Го рушиме режимот на Рама“

Демонстрантите од опозицијата вчера фрлаа молотови коктели и камења врз зградата на албанската влада, обвинувајќи ги владините претставници за вмешаност...

Европа20 часа

Лукашенко: Десетици илјади војници на НАТО се распоредени во близина на Белорусија и Русија

Претседателот на Белорусија, Александар Лукашенко, изјави дека загриженоста за можниот почеток на Третата светска војна е целосно оправдана, пренесува руската...

Македонија21 час

ЗНАМ в четврток ќе избере лидер на партијата и кандидат за претседател на Македонија

Партијата Движење ЗНАМ-За наша Македонија на денешната прес конференција го најави првиот Конгрес, што ќе се одржи на 22 февруари...

Македонија21 час

„Леонид не е на лекување во странство, туку на рехабилитација, затоа се одби барањето“, велат од ФЗО

„Барањето на осигуреното лице Б.И. од Скопје, за неговото дете Л.И. за упатување на лекување во странство се одби како...

Топ24 часа

Скопјанка почина на паркинг во Кисела Вода, телото е дадено на обдукција

Вчера околу 11.30 часот во СВР Скопје било пријавено дека на паркинг на подрачје на Кисела Вода во Скопје починала...

Македонија1 ден

(Видео) Поради ставот „да прооди, да прозборува, па ќе го вакцинираме“, ни се заканува и епидемија на морбили

Лекарите се едногласни во ставот дека одлагањето на вакцините е причина за сегашната епидемија на голема кашлица и предупредуваат дека...

Економија1 ден

На четиричлено семејство му се потребни приближно 1.000 евра за да го преживее февруари

Минималните трошоци на едно семејство во февруари изнесуваат 57.476 денари, што претставува зголемување од 313 денари во однос на јануари, покажуваат...

Македонија1 ден

Бојмацалиев: Стигнати се 20.000 обрасци за пасошите, до крајот на месецот се очекува поголема пратка

Во Министерството за внатрешни работи стигнати се 20.000 обрасци, а до крајот на месецот се очекува да стигне дополнителна поголема...