Контакт

Економија

Стратешкиот чешки инвеститор Групацијата АРИКОМА најавува продолжување на инвестициите во ИТ- експерти во Северна Македонија

Објавено пред

На денешната прес-конференција присуствуваа претседателот на Владата на Република Северна Македонија, г. Зоран Заев, амбасадорот на Република Чешка во Република Северна Македонија, НЕ Мирослав Томан, и новата странска инвестиција во земјата – акцизицијата на компанијата „Сеавус“ од страна на чешката Групација АРИКОМА, дел од ККЦГ Групацијата, која беше претставена од страна на Михал Томанек, директор за инвестиции одговорен за ИТ на Групацијата АРИКОМА, како и Игор Лештар, претседател на одбор на Групацијата „Сеавус“.

Станува збор за влегување на македонскиот пазар на инвеститор од Европската Унија, Групацијата АРИКОМА, една од најголемите чешки групации, дел од ККЦГ Групацијата, која е приватна мулитнационална финансиска и ивестициска групација основана во 1995 година, со канцеларии во Швајцарија, Чешка, Белика Британија и САД, со вкупна вредност на капиталот од 7 милијарди евра и 5 милијарди евра приходи, и 6.000 вработени во 22 земји во светот.

На крајот на минатата година компанијата „Сеавус“ е аквизирана од страна на Групацијата АРИКОМА, која ја сочинуваат ИТ-компании фокусирани на развој на прилагодени софтверски решенија, ИТ-инфраструктура и развој на клауд-решенија. Групацијата АРИКОМА преку значителни инвестиции за развој на ИТ-услугите е водечка компанија на пазарите во Чешка и во Словачка и нуди целосни ИТ-услуги, а со купувањето на „Сеавус“, влегува и на македонскиот пазар, но и значително го зголемува своето меѓународно присуство. Од  Групацијата АРИКОМА изјавуваат дека ќе продолжат да инвестираат во вработување и развој на ИТ-експертите во Северна Македонија и ќе ги унапредат  вложувањата во развој на сите ИТ-кадри преку едукативните центри на „Сеавус“.

„Искуствата кои ги стекнавме оваа година ни даваат  право да кажеме дека дигиталната трансформација се одвива многу побрзо отколку што се очекуваше. Амбицијата на  Групацијата АРИКОМА да стане лидер во пошироки рамки и предводник на таа трансформација совршено се вклопува со мисијата, вредностите и позицијата што ги има ‘Сеавус’ не само во Северна Македонија туку и пошироко. Оттука, продолжуваме силно да инвестираме во развој на ИТ-кадрите во Северна Македонија, да ги споделуваме меѓународните искуства, продолжуваме да бидеме бизнис-инкубатор и да ја промовираме и понатаму ИТ-експертизата на македонските професионалци на меѓународен план. Ги поздравуваме заложбите на Владата на Република Северна Македонија за овозможување бизнис-клима за развој на ИТ-секторот, во кој „Сеавус“ беше, е и ќе остане двигател на растот на дигиталното општество, но и пример за сите сегашни и идни претприемачи и странски инвеститори“, изјави Михал Томанек, директор за инвестиции одговорен за ИТ, Групација АРИКОМА.

Компанијата „Сеавус“ е групација основана во 1999 година, која вработува 800 професионалци во 15 канцеларии во 8 земји во светот: Северна Македонија, Шведска, САД, Србија, Босна и Херцеговина, Белорусија, Швајцарија и Молдавија, со преку 4.000 клиенти меѓу кои светски телеком-оператори и производители на мобилни и електронски уреди, организации од банкарскиот и финансискиот сектор, технологија, образование, здравство, компјутерски игри – сериозни компании кои котираат на светските берзи.

„Придонесот на ‘Сеавус’ во земјата е значаен не само како поттик кон иновациите и претприемништвото, развојот на ИТ-индустријата и кадрите, но и во однос на економијата и поддршката на заедницата. Верувам дека со силен стратешки партнер како АРИКОМА ќе ги забрзаме иновациите и уште повеќе ќе ги зајакнеме нашите позиции на меѓународниот пазар. Тоа практично ќе ни овозможи да одговориме на предизвиците на новото време, да понудиме иновативни и квалитетни услуги и софтверски решенија од следната генерација за нашите клиенти, развиени и имплементирани токму од нашите луѓе, од нашите ИТ-експерти“, истакна Игор Лештар, претседател на управниот одбор на  Групацијата „Сеавус“.

Новата инвестиција ја поздрави и НЕ Мирослав Томан, амбасадор на Република Чешка во РСМ кој ја истакна важноста на поединечните инвеститори во развојот на трговските, но и севкупните билатерални односи на двете земји.

„Република Чешка e долгорочен силен поддржувач на Република Северна Македонија во однос на НАТО и ЕУ. Изминатата година поддршка беше обезбедена не само во справување со кризата со Ковид-19, туку и во повеќе други области. Искрена благодарност до сите кои работеа на реализација на оваа чешка инвестиција во капитал, знаење и технологии. Со инвестицијата која ја презентираме денес, ‘Сеавус’ добива одговорен и перспективен сопственик. Компанијата ККЦГ основана од Карел Комарек е една од најголемите бизнис-групации во Република Чешка, која работи во Еврoпа и САД и искрено се надевам дека со оваа аквизиција придобивки ќе има и Република Чешка и Северна Македонија и дека овој пример е вистинска добитна комбинација за компаниите и економиите“, изјави НЕ Мирослав Томан, амбасадор на Република Чешка.

Претседателот на Владата на Република Северна Македонија ја поздрави оваа инвестиција како основа за понатамошен раст на успешни македонски компании во насока на зголемување на вработувањата, развој на ИТ-професионалците и поттик за понатамошен развој на ИКТ секторот во земјата како важна индустријата која значително придонесува во економскиот развој на земјата и економијата базирана на знаење.

„Човечкиот потенцијал секогаш бил и натаму останува највредниот ресурс на компанијата, бизнисот, на севкупното општество.  Токму лицата од ИТ-секторoт покажаа голем потенцијал за развој на оваа дејност во нашата земја. Македонскиот ИКТ-сектор во последните години бележи постојан раст во број на компании и вработени, раст на извозот, на профитот и на приходите. Оваа индустрија е најбрзорастечка во земјава, која ги вработува најмладите и најпрогресивни граѓани. Нашите заложби се насочени кон натамошно подобрување на условите за работа, кои треба да ја раздвижат ИКТ-индустријата и да овозможат забрзана дигитализација на компаниите. За таа цел еден од приоритетите во Владината програма е намалување на персоналниот данок во ИТ-секторот од сегашните 10 отсто на 0 отсто во 2023 година. Тоа треба да биде доволен поттик за натамошен развој на оваа индустрија“, истакна Зоран Заев, претседател на Владата на Република Северна Македонија.

Согласно податоците од Централен регистар во Република Северна Македонија, ИКТ-индустријата расте по сите основи. Генералниот приход на индустријата во 2016 година бил 752 милиони евра, додека во 2019 година бил 880 милиони евра. Тоа е раст од 17% за три години. Вкупниот број на компании регистрирани во ИКТ-секторот од 2016 година, кога биле 1,296 пораснал на 1,957 во 2019 година, што е пораст за околу 700-тини компании за само 4 години. Бројот на вработени од 10,975 во 2014 година, пораснал на 15,093 во 2019 што е пораст за приближно 50%. Ова е значителен пораст на вработените во една индустрија.  Значаен пораст бележи извозот на ИКТ-софтвер и услуги, кој во 2016 година бил 150 милиони евра, а во 2019 година пораснал до 210 милиони евра, што е пораст за 40%.

За „Сеавус“
„Сеавус“ е компанија за развој на софтвер и консалтинг-услуги со докажано искуство во успешни софтверски бизнис-решенија. Компанијата брои преку 800 ИТ-специјалисти ширум светот и нуди широк спектар на софтверски производи, решенија и услуги, успешно покривајќи ги европскиот и американскиот пазар преку неколку канцеларии и претставништва во светот. Портфолиото на решенија и услуги вклучува BSS/OSS, CRM, CEM, Business Intelligence решенија, ALM, Embedded програмирање, бизнис и потрошувачки производи, мобилни апликации и гејминг-решенија, Managed Services, како и консалтинг и развој на апликации побарање на клиентите. Во портфолиото на „Сеавус“ се вбројуваат над 4.000 клиенти, меѓу кои светски телеком-оператори и производители на мобилни и електронски уреди, организации од банкарскиот и финансискиот сектор, технологија, образование, здравство, итн. Денес „Сеавус“ има петнаесет оперативни канцеларии лоцирани во неколку земји, вклучувајќи ги Шведска, САД, Северна Македонија, Белорусија, Молдавија, Швајцарија, Србија, Босна и Херцеговина, со стратегија за континуиран раст.

За Групација АРИКОМА
Најголемиот ИКТ-холдинг во Чешка. Во групата спаѓаат компаниите AUTOCONT, Cleverlance, DataSpring, AEC, Cloud4com и Internet Projekt. Компаниите во Групацијата АРИКОМА обезбедуваат ранг на услуги, почнувајќи од дизајнирање на ИКТ-архитектура, инфраструктура и калуд-услуги, имплементација на корпоративни апликации, па сè до развој на сопствени сеопфатни софтверски решенија и аутсорсинг. Минатата година вкупниот приход на групата надмина 270 милиони евра, односно 7 милијарди чешки круни.

За KKCG
Групацијата KKCG, основана и предводена   од   успешниот   чешки   претприемач   Карел Комарек, е меѓународна   инвестициска   компанија   со   повеќе   од  7 милијарди   евра (книговодствена   вредност) средства и 5 милијарди евра во приходи . Групацијата вработува над 6.000 експерти во 22 земји во светот. Клучните стратешки   сектори  на KKCG вклучуваат   игри  на  среќа, нафта и гас, технологија и недвижнини. Групацијата KKCG ги   вклучува   Групацијата SAZKA, Групацијата  АРИКОМА , Групацијата MND, американскиот Methanol, капиталниот   фонд Springtide Ventures и други.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

Светска премиера на Cross Turismo: Практичната верзија на Porsche Taycan

Објавено пред

Porsche ја продолжува електричната офанзива со нова варијанта на Taycan

Porsche со виртуелна презентација официјално го претстави новиот Taycan Cross Turismo пред јавноста.

Производителот на спортски автомобили го проширува портфолиото на производи од својата прва гама на целосни електрични спортски автомобили со додавање на оваа разноврсна теренска верзија, со што се продолжува систематското следење на јасната мисија за еколошка и одржлива мобилност. Како и спортскиот седан Taycan, Taycan Cross Turismo има придобивки од иновативниот електричен погон со архитектура од 800 волти. Новата високотехнолошка верзија со погон на сите тркала и адаптивна воздушна суспензија, исто така, обезбедува бескомпромисна динамика надвор од патот. Триесет и шест милиметри повеќе простор за глава за патниците на задните седишта и повеќе од 1.200 литри багажен простор, го прават Cross Turismo  идеален за сите намени.

„Во 2019 година, испративме клучен сигнал со дебито на нашиот прв електричен спортски автомобил“, рече Оливер Блуме, претседател на Извршниот одбор на Porsche AG, на светската премиера на новиот и поразновиден дериват. „Ние се гледаме како пионери на електричната мобилност: до 2025 година, половина од сите нови возила кои ќе ги испорачаме ќе имаат електрифициран погон – или целосно електричен или plug-in хибрид. Во 2020 година, еден од три испорачани возила во Европа имаа електричен погонски систем. Иднината припаѓа на електричната мобилност. Со Taycan Cross Turismo, ние правиме уште еден голем чекор во оваа насока“.

Сите варијанти на Cross Turismo се достапни веднаш

Четири варијанти на Taycan Cross Turismo се веднаш достапни по официјалното лансирање на пазарите. Пакетот на батерии „Performance Battery Plus“, кој има капацитет од 93.4 kWh, е стандардно достапен. Моделите кои ги нуди Cross Turismo се следните:

  • Taycan 4 Cross Turismo со 280 kW (380 КС), со „overboost“ моќност при лансирање „Launch Control“ 350 kW (476 КС), забрзување од 0 до 100 км/ч за 5,1 секунда, максимална брзина од 220 км/ч и досег од 389 – 456 км.
  • Taycan 4S Cross Turismo со 360 kW (490 КС), со „overboost“ моќност при лансирање „Launch Control“ 420 kW (571 КС), забрзување од 0 до 100 км/ч 4,1 секунда, максимална брзина од 240 км/ч и досег од 388 – 452 км.
  • Taycan Turbo Cross Turismo со 460 kW (625 КС), со „overboost“ моќност при лансирање „Launch Control“ 500 kW (680 КС), забрзување од 0 до 100 км/ч за 3,3 секунди, максимална брзина од 250 км/ч и досег од 395 – 452 км.
  • Taycan Turbo S Cross Turismo со 460 kW (625 КС), со „overboost“ моќност при лансирање „Launch Control“ 560 kW (761 КС), забрзување од 0 до 100 км/ч за 2,9 секунди, максимална брзина од 250 км/ч и досег од 388 – 419 км.

Високотехнолошката шасија со погон на сите тркала и адаптивната воздушна суспензија стандардно доаѓа кај сите четири модели. Опционалниот пакет Off-Road го зголемува растојанието од земјата до 30 mm. Ова значи дека може да се вози и Cross Turismo на терени надвор од патот. Стандардниот „Gravel Mode“ ја подобрува адаптивноста на новиот модел за возење по нерамни патишта.

Во однос на визуелниот изглед, Taycan Cross Turismo внимателно го следи концептот Mission E Cross Turismo презентирана на Саемот за автомобили во 2018 година во Женева: Неговата силуета е дефинирана од спортската линија на покривот која се спушта надолу, позната како „Flyline“ и доаѓа од дизајнерите на Porsche. Дизајнерските детали вклучуваат зголемени лакови на тркалата, уникатни предни и задни дифузери и странични прагови. Како дел од пакетот Off-Road Design, Cross Turismo има специјални клапи на аглите на предните и задните браници и на краевите на праговите. Со тоа се создава впечатлива надворешност, а се обезбедува и заштита на подвозјето. 

Спортски додатоци: нов заден носач и Porsche електрични велосипеди

Единствено за Taycan Cross Turismo, Porsche разви заден носач за три велосипеди кој поставува нов стандард во поглед на големина и начин на користење. Може да се користи универзално за различни видови велосипеди. Една од неговите иновативни одлики е дека задната врата може да се отвори дури и кога е натоварен задниот носач. Porsche исто така претстави два висококвалитетни електрични велосипеди – eBike Sport и eBike Cross. Со нивниот безвременски дизајн, како и моќната, одржлива технологија на погон, тие се совршено усогласени со Taycan Cross Turismo.

Високотехнолошки изглед за високотехнолошко возило

Светската премиера на новиот Porsche Taycan Cross Turismo се одржа во Хипербоул студиото во саемските простории во Минхен – Германија. Ова спектакуларно ново студио ги спојува светот на филмот и реалноста: закривен LED ѕид со агол од 270 степени, долг 40 метри и висок 5,5 метри, е комбиниран со LED таван за да се обезбеди површина на екранот од 478 квадратни метри со 70 милиони пиксели. Светската премиера беше емитувана на newstv.porsche.com и истата може да се погледне во било кое време.

(ПР-текст)

Прикажи повеќе...

Економија

Бесими: Поради доверба на инвеститорите, каматна заштеда од 82,2 милиона евра

Објавено пред

Кредибилитетот на инвеститорите во нашата економија и политиките што се спроведуваат расте, забележа министерот за финансии, Фатмир Бесими, по повод издавањето на осмата еврообврзница.

„Осмата еврообврзница ја издадовме по убедливо најниска каматна стапка од 1,625 %, која е неколкукратно пониска од сите претходно издадени еврообврзбици од земјава, но истовремено е пониска и од каматните стапки по кои другите земји во регионот неодамна издадоа еврообврзници. Доколку се направи споредба со еврообврзницата од 2014 година, која треба да се рефинансира со оваа, каматната заштеда е 82,25 милиона евра“, посочи министерот Бесими.

Тој информира дека на вчерашната аукција имало 2,3 пати повисока побарувачка од страна на меѓународните инвеститори.

„Она што е особено охрабрувачки од аспект на меѓународниот пазар на капитал е дека за 9 месеци има значително подобрување на перспективите на нашата економија и нејзиниот потенцијал кај меѓународните инвестори“, рече Бесими.

Посочи дека ако се направи споредба со други економии од регионот и пошироко, кои издадоа еврообврзници во последните неколку месеци, нашата економија ужива поголема доверба кај инвеститорите, односно пониска каматна стапка.

Министерот истакна дека иако сумата на осмата издадена еврообврзница е 700 милиони евра, нето-повлекувањето по основ на оваа еврообврзница е 200 милиони евра. Имено, рече тој, со средствата од осмата еврообврзница ќе се рефинансира еврообврзницата издадена во 2014 година во износ од 500 милиони евра.

Додаде дека еврообврзницата од 2014 година, која беше издадена со каматна стапка од 3,975 % со рочност од 7 години, или за 2,35-процентни поена повисоко во однос на еврообврзницата издадена сега, што значи дека по основ на камата, според него, ќе се заштедат речиси 82,25 милиона евра.

„Кога се носеше буџетот за 2021 година, беше посочено дека покрај буџетскиот дефицит од 568,1 милиони евра, кој се должи главно на потребите поврзани со ковид-кризата, треба да се отплати надворешен долг во вкупен износ од 605,6 милиони евра – во кој влегува и еврообврзницата од 2014 година и отплата на домашен долг од 99,5 милиони евра по основ на претходно издадени државни хартии од вредност и структурни обврзници. Остатокот од средствата ќе се обезбеди преку издавање државни хартии од вредност на домашниот пазар, поволни развојни кредити од меѓународни организации и користење депозити, кои ги оставивме како резерви во 2020 година“, рече Бесими.

Заедно со преземните обврски и отплата на обврските што достасуваат, проекциите на Министертсвото за финансии покажуваат дека државниот долг на крајот на годината ќе изнесува 53,2 %, а јавниот 63,4 %.

Прикажи повеќе...

Економија

Заев на изградбата на далноводот Штип – Овче Поле: Инвестираме во енергетската инфраструктура и се поврзуваме со регионот

Објавено пред

Изградбата на дановодот Штип – Овче Поле е само дел од инвестицискиот циклус за ревитализација на електропреносната мрежа на Република Северна Македонија. Тој опфаќа реконструкција и изградба на шест 110-киловолтни далноводи. Со овој инвестициски циклус се заменуваат сите армирано-бетонски столбови стари и до 66 години. Се вложува со над 15 милиони евра за изградба на повеќе од 130 километри нови далноводи, истакна премиерот Зоран Заев, кој заедно со министерот за транспорт и врски, Благој Бочварски, генералниот директор на МЕПСО, Куштрим Рамадани, и претставникот на Европската банка за обнова и развој, Анди Аранитас, го означија почетокот на новата значајна инвестиција на МЕПСО.

Премиерот Заев рече дека ова е уште една потврда за посветеноста во реализација на ветените развојни проекти и заложбите за инвестиции во енергетската инфраструктура, кои на долг рок значат подобрување на животниот стандард.

„Со реализација на предвиденото ја јакнеме преносната мрежа и создаваме погоден инфраструктурен амбиент за сите потенцијални инвеститори, кои можат и знаат како да ги искористат економските потенцијали во нашата земја. Оваа инвестиција ќе донесе многубројни придобивки како за населението така и за реалниот сектор. Новата и модернизирана преносна мрежа значи инвестиција во подобро утре и олеснување на животот и работата на населението. Дополнително, во целата наша земја се одвиваат активности за реализација на големи капитални проекти“, изјави Заев и упати честитки за посветената работата на градежниците, на компаниите изведувачи, надзорниот орган, како и на континуираната поддршка на Европската банка за обнова и развој за реализација на овие проекти.

Министерот Бочварски нагласи дека во услови кога со децении ништо не е инвестирано во преносната мрежа, оваа Влада, заедно со стручниот тим на МЕПСО, инвестира во реконструкција и модернизација на шест далноводи од над 130 километри.

„Изминатата година целосно се завршени обемните реконструкции на трафостаниците ‘Валандово’, ‘Осломеј’, ‘Дуброво’ и ‘Прилеп’, а во тек е реконструкција на транфостаниците ‘Битола’, ‘Струмица’, ‘Вруток’ и ‘Скопје 4’. Ова е доказ дека остануваме целосно посветени на изградба на стабилен електропреносен систем во државата. Инвестициите во електропреносниот систем се од клучно значење за севкупниот економски развој на државата“, изјави Бочварски.

Генералниот директор на МЕПСО, Куштрим Рамадани, истакна дека со оваа инвестиција се спроведува стратешката цел на Владата, а тоа е транзиција на производството на електрична енергија од јаглен кон обновливи извори на енергија. Дополнително, додаде тој, на овој далновод во иднина ќе биде приклучена ветерната централа „Богословец“ со инсталирана моќност од 36 МW.

Претставникот на Европската банка за обнова и развој за Северна Македонија, Анди Аранитас, ја поздрави посветеноста на Владата за имплементација на зелената агенда во стратегијата за енергетика со фазно деактивирање на термоцентралите „Осломеј“ и „Битола“, како и целокупната декарбонизација на земјата во согласност со барањата на Европската зелена агенда и Парискиот договор.

Прикажи повеќе...

Најново

Свет5 часа

90 проценти од Израелците примиле барем една доза вакцина или го прележале коронавирусот

Премиерот на Израел, Бенјамин Нетанјаху, денес објави дека Израел, Австрија и Данска ќе формираат заедничка основа за истражување, развој и...

Македонија6 часа

Нов силен земјотрес во Грција, почувствуван и во Македонија

Земјотрес со јачина од 5,9 степени според Рихтеровата скала ја погоди Грција, а потресот беше почувствуван и во Македонија. Според...

Свет7 часа

Европската Унија блокираше пратка од вакцината на „Астразенека“ за Австралија

Европската комисија и Италија ја блокираа испораката на вакцината на „Астразенека“ во Австралија, бидејќи производителот не ги исполнил своите обврски...

Свет8 часа

Путин: Руските вакцини против коронавирусот се најбезбедни и најефикасни во светот

Претседателот на Русија, Владимир Путин, рече дека руските вакцини против коронавирусот се најбезбедни и најефикасни во светот. Путин на состанокот...

Свет9 часа

Земјотрес со јачина од 7,2 степени го погоди Нов Зеланд, издадено предупредување за цунами

Силен земјотрес го погоди Нов Зеланд. Според првичните проценки на emsc-csem.org, земјотресот бил со јачина од 6,9 степени според Рихтеровата...

Македонија12 часа

Девет починати и 721 новозаболен од Ковид-19 во Македонија

Во последните 24 часа се направени 3.323 тестирања, а регистрирани се 721 нов случај на Ковид-19, и тоа во: Скопје...

Македонија12 часа

„Фајзер-Бионтек“ ќе ни достави вкупно 800.280 вакцини, овој месец ќе пристигнат првите 21.000

Компанијата „Фајзер-Бионтек“ во 2021 година на Северна Македонија ќе ѝ испорача 800.280 дози вакцини, а испораката ќе се одвива во...

Македонија14 часа

МВР: Внимателно на социјалните мрежи, на „Тик-ток“ се шират повици опасни за малолетниците

Министерството за внатрешни работи ја информира јавноста дека од страна на Интерпол е добиена информација дека на профили на социјалната...

Регион15 часа

(Видео) Грција ја проценува штетата по земјотресот, десетици жители ја поминаа ноќта надвор

Експертите денес ја проценуваат штетата по земјотресот со јачина од 6,3 степени, што го погоди централниот дел на Грција, кога...

Македонија16 часа

Иницијативата за конгрес: Мицкоски лажеше дека има мнозинство, партијата доби ладен туш

Сè уште актуелниот претседател Христијан Мицкоски треба да ги стави интересите на државата и на партијата пред сопствените и да...

Македонија17 часа

Мнозинството е стабилно, велат од СДСМ по гласањето доверба на Владата

Мнозинството во Собранието е стабилно, Владата има силна поддршка, велат утрово од СДСМ, откако вчера 62 пратеници гласаа за доверба...

Европа17 часа

Секој граѓанин на Германија ќе добива по еден бесплатен тест неделно

Од следната недела секој германски граѓанин ќе има неделно по еден бесплатен тест на коронавирус, најави германската канцеларка Ангела Меркел....

Македонија17 часа

56 проценти зголемен бројот на заразени од коронавирус, Пановски советува брисевите да се земаат на отворено

Вчерашните 807 новозаразени и неделниот извештај на Институтот за јавно здравје, кој покажува зголемување на новозабоените од 56 отсто во...

Свет1 ден

Во Јужна Африка запленета голема количина на лажни вакцини против Ковид-19

Околу 2.400 дози на фалсификувани вакцини се запленети во Јужна Африка, а во Кина е разбиена мрежа на шверцери на...

Македонија1 ден

Владата доби доверба во Собранието, пратениците од ВМРО-ДПМНЕ не гласаа

За доверба на Владата гласаа 62 пратеници, без против и воздржани пратеници. Одлуката беше поздравена со аплауз од владејачкото мнозинство...

Македонија1 ден

Во земјава засега нема јужноафрикански вид, кај еден од повратниците од Занзибар детектиран британскиот вид на вирусот

Според анализите што денеска се направени во Македонската академија на науките и уметностите (МАНУ), на брисот од пациентот кој пред...

Македонија1 ден

Нови 807 заболени од Ковид-19, починале петмина

Во последните 24 часа се направени 3.312 тестирања, а регистрирани се 807 нови случаи на Ковид-19, и тоа во: Скопје...

Македонија1 ден

(Видео) Почна попишувањето на бездомните лица

Министерката за труд и социјална политика, Јагода Шахпаска, заедно со директорот на Државниот завод за статистика, Апостол Симовски, денеска го...

Македонија1 ден

Министерството за здравство: Задолжителен карантин за лицата што доаѓаат од сите јужноафрикански земји

Министерството за здравство соопшти дека Комисијата за заразни бoлести ќе предложи задолжителен домашен карантин од 14 дена за лицата што...

Регион2 дена

Русија ќе ѝ достави на Хрватска еден милион дози од вакцината „спутник В“

Русија може да достави милион дози од вакцината „спутник В“ во Хрватска во рок од една недела, пишува „Вечерњи лист“....

Досие