Контакт

Економија

Трошоците за живот во јануари се зголемиле 1,9 процент

Објавено пред

Индексот на трошоците за живот во јануари 2021 година, во однос на јануари 2020 година, бележи зголемување од 1,9 %, а индексот на цените на мало бележи зголемување од 1,6 %, покажуваат податоците на Државниот завод за статистика.

Намалување на индексите на трошоците за живот во јануари 2021 година во споредба со претходниот месец е забележано кај свежиот и разладениот зеленчук, освен компири и други коренести плодови, и тоа 6,5 %, свежото и разладеното овошје 1,6 %, виното 0,5 %, месото 0,4 %, рибата и морските плодови, сирењето и урдата 0,3 %, минералната вода, газираните пијалаци, соковите од овошје и зеленчук 0,2 %.

Исто така, намалување на индексите на трошоците за живот е забележано и кај домашните миленици и сродните производи, и то 2,7 %, течните горива за домаќинствата 1,9 %, опремата за спорт, кампирање и рекреација на отворено 1,3 %, информатичката опрема за обработка на податоци 1,1 %, обувките 1,0 %, цврстите горива за домаќинствата 0,9 %, малите електрични апарати за домаќинствата 0,6 %, опремата за прием, снимање и репродукција на звук и слики 0,5 %, другата облека и додатоците за облека 0,4 %, облеката, стаклените садови, кујнскиот прибор и другата опрема 0,2 %.

Пораст на индексите на трошоците за живот во јануари 2021 година во споредба со претходниот месец е забележан кај шеќерот, џемот, медот, чоколадата и кондиторските производи, и тоа 0,6 %, прехранбените производи неспоменати на друго место 0,5 %, маслото и маснотиите 0,4 %, жестоките пијалаци 0,3 %.

Во јануари исто така пораст на индексите на трошоците за живот е забележан и кај електричните апарати за лична хигиена, и тоа 4,0 %, гасот за домаќинствата 3,6 %, горивата и мазивата за сопствените превозни средства 2,0 %, мебелот и покуќнината 1,6 %, велосипедите 1,4 %, големите електрични апарати за домаќинствата 1,0 %, патниот патнички транспорт 0,8 %, градините, растенијата и цвеќињата, книгите 0,6 %, другите апарати и производи за лична хигиена 0,4 %, моторните возила, одржувањето и поправката на сопствените превозни средства 0,3 %, фармацевтските производи, другото образование, угостителските услуги 0,2 %.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

Георгиевска: За три години просечната плата пораснала за речиси 4.500 денари

Објавено пред

За три години просечната плата пораснала за речиси 4.500 денари, платите растат и во време на пандемија и економска криза, изјави на прес-конференција пратеничката од СДСМ, Марија Георгиевска.

Таа оцени дека економските политики на Владата даваат реални и видливи резултати.

„И во време на пандемија и економска криза, не застана растот на платите во државата. Последна потврда за тоа е просечната плата за месец декември 2020 која изнесува 28.294 денари, што е за пет отсто повеќе во однос на декември 2019 година. Растот на минималната и просечната плата е врвен приоритет за СДСМ уште од првите денови на мандатот. Веднаш ја зголемивме минималната плата на 12.000 денари а потоа и на 14.500 и ја израмнивме во сите сектори.

Тоа, како и отворањето на нови работни места ја отвори спиралата на раст на платите и затоа три години по ред бележиме постојан раст на просечната плата.

Во последните три години, од крајот на 2017 кога е исплатена просечна плата од 23.850 денари до декември 2020 кога е исплатена просечна плата од 28.294 денари, бележиме раст на платите за 18,63 отсто. Односно, во апсолутна сума просечната плата од декември 2017 до декември 2020 година пораснала за речиси 4.500 денари.

Тоа е раст за повеќе од три пати споредено со периодот 2014-2017 година, последните години од владеењето на ВМРО-ДПМНЕ, кога просечната плата пораснала за 6,44 отсто, осносно за 1.443 денари“, изјави Георгиевска.

Како што додаде, овие официјални податоци ја потврдуваат успешноста на политиките на Владата предводена од СДСМ кои имаат за цел да обезбедат брз економски раст и подобар животен стандард.

 

Прикажи повеќе...

Економија

Новата Daikin Perfera – парапетна единица за беспрекорен домашен амбиент

Објавено пред

Кога станува збор за правилен избор за климатизација на домот, особено е важно да изберете систем со кој ќе постигнете висока енергетска ефикасност, ќе ги намалите своите трошоци, а притоа ќе можете да си дозволите идеална атмосфера и комплетна удобност.

Без оглед на тоа дали станува збор за свежина во текот на летото или пријатност за време на зимата, на вашиот простор за живеење му треба чувство на благосостојба во текот на целата година, што ќе ви овозможи да се чувствувте пријатно и удобно.

Парапетната единица Perfera е создадена да го направи вашиот дом удобен. Стилски дизајниран преден панел и тивко работење како главни карактеристики, ја претвораат секоја просторија во вистински место за комплетна удобност.

Уникатни карактеристики за греење

Perfera овозможува максимална удобност благодарение на уникатните карактеристики во опцијата за греење:

1) Heat boost го загрева домот при стартување на климатизерот.

Поставената температура се достигнува 14% побрзо отколку кај обичен климатизер.

2) Функцијата Heat plus симулира зрачење на топлина 30 минути за да овозможи удобрно греење, а потоа се активираат претходните поставки.

3) Функцијата за затоплување на подот ја оптимизира конвекцијата со распределба на топлиот воздух од долниот дел на единицата.

Дизајнирани за паметна удобност

Изгледот на парапетната единица Perfera е функционален, но сепак стилски. Нејзиниот компактен и елегантен дизајн лесно се вклопуваат во повеќето современи ентериери, а високите перформанси ѝ овозможуваат да постигне неверојатна ефикасност.

Истовремено тивка и моќна, Perfera ви го нуди најдоброто како во опциите за греење и ладење, така и во дизајн и перформанси.

Преку мобилната апликација Daikin Residential Controller, можете да ја поврзете вашата Perfera со Wi-Fi и да управувате со климатизацијата од секаде преку вашиот смартфон, а има можност и за управување со гласовна контрола преку Amazon Alexa или Google Assistant.

Квалитет на воздух

Perfera содржи неколку филтри за да овозможи внатрешен воздух со најголем квалитет.

Flash Streamer со помош на забрзани електрони активира хемиски реакции со честичките што се пренесуваат преку воздух и ги уништува алергените, како на пример полен, бактерии и габи, ги отстранува непријатните мириси и овозможува подобар и почист воздух.

Рамномерна распределба на воздухот

Двојниот проток на воздух на Perfera парапетната единица е совршен за да создаде идеално ниво на греење. Воздухот се насочува нагоре и надолу за да спроведе подеднакво топлина.

Тивко работење

Perfera користи специјално дизајниран вентилатор кој го оптимизира протокот на воздух и создава високa енергетска ефикасност при ниско ниво на звук. За уште поголема енергетска ефикасност, Daikin исто така дизајнираше нов вентилатор кој добро се вклопува во компактните димензии на Perfera. Заедно, вентилаторот и разменувачот на топлина произведуваат врвни енергетски перформанси, сепак работат на ниво на звук што е практично нечуено.

Енергетски ефикасни

Подобрениот дизајн на Perfera ја зголемува енергетската ефикасност уште повеќе во споредба со претходните модели. Достапна со технологијата Bluevolution за повеќе да се намали влијанието врз системот и напојувана од 80% обнова на енергија од воздух и 20% струја. Технологијата со инвертор овозможува заштеда на енергија дури за 30%.

Perfera може да се користи во поставување со една внатрешна единица во поврзување со една надворешна единица, или во апликација со повеќе внатрешни единици поврзани со една надворешна единица – Multi-Split.

Прочитајте повеќе за системите на Daikin на ликот подолу: daikin.mk

(ПР-текст)

Прикажи повеќе...

Економија

Битиќи: Две германски компании ги прошируваат своите интереси

Објавено пред

Одржан третиот состанок на заедничкиот економски управувачки комитет помеѓу Република Северна Македонија и Сојузна Република Германија.

Соработката помеѓу двете земји продолжува да се развива, две германски компании ги прошируваат своите инвестиции, истакна вицепремиерот за економски прашања Фатмир Битиќи.

„СР Германија е најважниот поединечен трговски партнер и голем поддржувач на Република Северна Македонија во евро-атлантските интеграции, со кој нашата земја има интензивна економска соработка, која од година во година е сè позначителна“, посочи Битиќи.

„Продолжуваме да ги негуваме односите помеѓу двете земји. За Република Северна Македонија соработката со Сојузна Република Германија и клучна и витална, од особено значење поради големиот број остварени соработки низ годините наназад, како и поради големиот волумен на трговска размена помеѓу двете земји. Веќе имаме две добри вести од две германски компании кои планираат проширување на своето производство на територијата на Република Северна Македонија, отворајќи нови работни места и придонесувајќи за економскиот раст, што е од големо значење за двете земји“, додаде вицепремиерот Битиќи.

Копретседавачот на заедничкиот управувачки комитет, номиниран од Министерството за економија и енергетика на СР Германија, Хелге Толксдорф, на состанокот ја претставил својата визија за работата на Комитетот, посочувајќи дека истиот покрива сериозни и неверојатно важни теми за двете земји, и токму затоа неговата работа треба да биде континуирана и постојана.

Од страна на германската делегација, биле изнесени одредени новитети за потенцијални нови инвестиции.

Била посочена и програмата за практична работа помеѓу двете земји, со која кандидати од нашата држава можат да се здобијат со работно искуство во германски компании и дека истото е од особено значење за концептот на дуално образование, во кое компаниите и училиштата соработуваат.

Прикажи повеќе...

Најново

Топ3 минути

Девојка загина во сообраќајна несреќа кај Пониква

Триесет и едногодишна девојка загина во сообраќајна несреќа што се случи доцна синоќа на регионалниот пат Кочани-Пониква. До несреќата дошло кога...

Македонија2 часа

Градоначалникот на Куманово бара Георгиевски да му се извини на народот, а Обвинителството да отвори истрага

Градоначалникот на Куманово, Максим Димитриевски реагираше на предлогот на експремиерот Љупчо Георгиевски за решавање на спорот со Бугарија. Димитриевски оцени...

Македонија2 часа

Георгиевски објави план во пет чекори за решавање на спорот со Бугарија

Експремиерот и претседател на ВМРО-Народна, Љубчо Георгиевски, на социјалните мрежи објави акциски план за излез од, како што вели, ќориот-сокак...

Свет2 часа

Курц и Путин разговараа за заедничко производство на руската вакцина

Австрискиот канцелар, Себастијан Курц, разговараше со рускиот претседател Владимир Путин за испорака и заедничко производство на вакцината „Спутник В“. Како...

Регион3 часа

Во Србија денеска ќе пристигнат уште 100.000 дози од руската вакцина

Вечерва 100.000 нови руски вакцини „Спутник В“ ќе пристигнат во Србија и тие ќе бидат пренесени од аеродромот „Никола Тесла“...

Свет3 часа

(Видео) Немири на улиците во Даблин поради карантинот

Стотици луѓе излегоа на улиците на Даблин, вчера, во знак на протест против мерките за затворање и избувна насилство. Полицијата...

Свет17 часа

(Видео) На Антарктикот се отцепи санта мраз поголема од Лондон

Санта мраз, поголема од Лондон, се отцепи од Антарктикот, на дваесетина километри од британската истражувачка опсерваторија на јужниот пол. Вкупната...

Македонија18 часа

Над 80.000 членови на СДСМ ќе гласаат за нов претседател, Заев е единствениот кандидат

Зоран Заев е кандидат за нов претседател на СДСМ, а над 80.000 членови со право на глас ќе можат да...

Македонија19 часа

„Ме удрија в грб со бекатон, паднав и скршив рака“, раскажува повредениот новинар на протестот

На вчерашниот протест за „Монструм“ раката ја скршил новинарот од ТВ Сонце Борислав Стоилковиќ. Екипа на Брза помош му помогнала...

Македонија19 часа

Се бара притвор за две лица кои фрлале камења и метални шипки на протестот

Скопското обвинителство поведе постапка против двајца учесници на насилниот протест, по повод пресудата во случајот „Монструм“. Тие се гонат за...

Македонија20 часа

Регистрирани 721 нов случај на коронавирус, починаа 7 лица

Согласно податоците од Институтот за јавно здравје во последните 24 часа се направени 3.816 тестирања, а регистрирани се 721 нов...

Европа21 час

Коронавирусот повторно ја затвора Европа

Повеќето европски земји повторно се одлучија за затворање и построги мерки за справување со новиот бран на коронавирус, откако новите...

Македонија1 ден

Филипче: Матичните да ги пријавуваат граѓаните над 70 години со хронични болести за вакцинација

Министерот за здравство, Венко Филипче при денешната посета на гостиварската болница изјави дека преку веб-страницата „Vakcinacija.mk“ и преку матичните лекари...

Македонија1 ден

Мицкоски е позитивен на коронавирус

Лидерот на ВМРО-ДПМНЕ, Христијан Мицкоски утрово информираше на социјалните мрежи дека е заразен со Ковид-19. „По забележаните првични полесни симптоми,...

Македонија1 ден

Со попишување на дијаспората в понеделник официјално почнува пописот

Со попишување на дијаспората в понеделник официјално почнува пописот. Иселениците ќе можат апликацијата за самопопишување да ја најдат на веб...

Македонија1 ден

Владата: Напаѓачите на новинарите ќе бидат казнети

Владата најостро ги осудува нападите врз новинарите на вчерашниот протест по судските одлуки за случајот „Монструм“ и најави дека ќе...

Свет1 ден

„Модерна“ почнува со тестирање на вакцини против јужноафриканскиот вид на коронавирус

Во САД следниот месец ќе почнат испитувања на вакцина развиена од лабораторијата „Модерна“ против јужноафриканската варијанта на коронавирус. Како што...

Македонија1 ден

СДСМ по пресудата за Мијалков: Се случува правда, законите важат за сите

Правдата е тука, законите важат подеднакво за сите, повеќе нема недопирливи, има силна, ефикасна правна држава, која ги спроведува законите...

Македонија1 ден

Oпозицијата бара одговорност за состојбата со вакцините

На прагот на март во Македонија нема ни една вакцина, Филипче најави дека ќе доцнат и кинеските, одговорност мора да...

Регион2 дена

Брнабиќ: Луѓето се опуштија и мислат дека е готово, апелираме до сите да станат сериозни

Премиерката на Србија, Ана Брнабиќ, посочи дека луѓето се опуштиле и дека тоа може да се забележи според бројот на...

Досие