Економија
Волстрит: Растот на акциите на Apple ги потикна индексите

На Волстрит во средата S&P 500 индексот забележа благ раст, откако четири дена по ред беше во пад, што најмногу се должи на растот на цените на акциите на Apple бидејќи овој технолошки гигант овјави дека резултатите се подобри отколку што беше очекувано.
Dow Jones зајакна за 26 бодови или 0,14 отсто, на 19.890 бодови, додека S&P 500 забележа раст од 0,03 отсто, на 2.279 бодови, a Nasdaq индексот за 0,50 отсто, на 5.642 бодови.
Повеќето компании, кои досега известија за резултатите од последниот квартал од минатата година, исто така забележа поголем профит отколку што се очекуваше.
Сепак Exxon не успеа во тоа, па така цените на акциите на овој нафтен гигант вчера се лизна за повеќе од 1 отсто.
S&P индексот во финансискиот сектор повеќето од тргувањето го помина во добивка, но денот го заврши во плус од само 0,04 отсто бидејќи инвеститорите ги разочара FED кој не наговести кога би можел да ги зголеми каматните стапки.
По дводневниот состанок на водачите на американската централна банка порачаа дека растот на вработеноста и понатаму останува цврста и дека инфлацијата е посилна, што е сигнал дека економијата е на цврста основа.
„Довербата во економијата се рефлектира во пораката на FED за инфлацијата. Но, се чини дека централната банка одлучи на претпазливи перформанси, без детали, бидејќи се чека какви фискални стимулации ќе воведе претседателот Доналд Трамп “, рече Атул Лале, директор на компанијата Deltec International Group.
Од кога Трамп е избран за преседател цените на акциите забележаа силен раст и достигнаа рекордни нивоа бидејќи инвеститорите очекуваат дека ќе ги исполни ветувањата во врска со намалувањето на данокот, зголемувањето на фискалната потрошувазка и олабавената регулатива.
Но, во последните неколку дена на пазарот го изгуби на интензитет, бидејќи инвеститорите стравуваа дека Трамп не се фокусира на најважните прашања за пазарот, туку на имиграција и протекционизам, кои негативно може да влијаат врз трговијата во светот и на финансиските пазари.
И на европските берзи цените на акциите вчера забележаа раст. Лондонскиот FTSE индекс зајакна за 0,12 отсто, на 7.107 бодови, додека франкфуртскиот DAX забележа раст од 1,08 отсто, на 11.659 бодови, а парискиот CAC за 0,96 отсто, на 4.794 бодови.крај/мф/дѓс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Скенирањето сметки на апликацијата „МојДДВ“ е со прекини, УЈП извести за технички проблеми

Управата за јавни приходи извести дека мобилната апликација „МојДДВ“ во моментов работи со прекини. Тимот на УЈП интензивно работи на отстранување на проблемот, со цел апликацијата да биде целосно функционална.
„Ги информираме корисниците дека, согласно член 6 од Законот за враќање на дел од износот на ДДВ на физичките лица, фискалните сметки можат да се скенираат во рок од 10 дена од датумот на нивното издавање. Тоа значи дека сите сметки, кои се во рамки на овој рок, ќе можат да бидат скенирани веднаш штом апликацијата повторно биде ставена во функција. Ги молиме сите корисници за трпеливост и разбирање. Тимот на Управата за јавни приходи е целосно ангажиран и работи на надминување на техничките пречки“, соопшти Управата за јавни приходи.
Од таму не откриваат за какви технички проблеми се работи, ниту пак кога очекуваат да бидат надминати.
Економија
Мицкоски најави нова инвестиција во Штип

Претседателот на Владата на Република Северна Македонија, Христијан Мицкоски денес одговарајќи на новинарско прашање во однос на најавата на директорот на Технолошко-индустриските развојни зони за 4 нови странски инвестиции, изјави:
„Во текот на вчерашниот ден, во разговор со директорот, имаме добра вест, нова инвестиција, потврдена во индустриската зона во Штип. Фабрика којашто ќе вработи до 150 луѓе. Фабрика којашто ќе инвестира некаде околу 35 милиони евра. Којашто во својот пик за три години од денес ќе извезува 300 милиони евра коишто ќе влезат во Бруто домашниот производ и ќе произведува батерии и тоа е добро. И тоа е добро, а за сите овие други, да имаме и потврди и полека ќе ги објавуваме. Ова е веќе договорено со инвеститорот и заради тоа го кажав, инаку фабриката е од земја од Европска Унија, да немаме дилема.“
Економија
Дизелот поевтинува за 2,5 денари

Од ноќеска на полноќ дизелот ќе поевтини за 2,5 денари, додека цените на бензините остануваат исти, соопшти Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ).
Од 28.6.2025 година од 00:01 часот максималните цени на нафтените деривати ќе изнесуваат:
– Моторен бензин – ЕУРОСУПЕР БС – 95 – 77,50 (денари/литар)
– Моторен бензин – ЕУРОСУПЕР БС – 98 – 79,50 (денари/литар)
– Дизел гориво – ЕУРОДИЗЕЛ БС (Д-Е V) – 70,50 (денари/литар)
– Масло за горење – Екстра лесно 1 (ЕЛ-1) – 72,00 (денари/литар)
– Мазут М-1 НС – 40,188 (денари/килограм)
Малопродажната цена на ЕУРОДИЗЕЛ (Д-Е V) се намалува за 2,50 ден/лит.
Малопродажната цена на Мазутот М-1 НС, се намалува за 1,499 ден/кг.
Малопродажните цени на бензините ЕУРОСУПЕР БС-95 и ЕУРОСУПЕР БС-98 и на Екстра лесното масло за домаќинство на (ЕЛ-1), не се менуваат.