Економија
Втор парламентарен форум за Југоисточна Европа за енергетска ефикасност и клима
По забележаниот успех на првиот парламентарен форум за Југоисточна Европа на тема енергетска ефикасност (ЕЕ) и клима, кој се одржа во декември 2017 година, во Енергетската заедница во Виена, Отворениот регионален фонд на GIZ за Југоисточна Европа – Енергетска ефикасност (ORF-EE) организира уште еден на 27 ноември во хотелот „Александар палас“ во Скопје.
Форумот ќе се одржи веднаш по парламентарниот пленум на Енергетската заедница.
Фокусот на годинешниот форум се најдобрите парламентарни практики за енергетска ефикасност во Југоисточна Европа (ЈИЕ) и креирањето политики за намалување на енергетската сиромаштија во регионот. Настанот треба да претставува платформа за размена на знаење и најдобри практики меѓу претставниците на парламентите од ЈИЕ, вклучувајќи ја и Македонија. На настанот ќе присуствуваат претставници од парламентите, односните министерствата и организациите од граѓанското општество – факултети за политички студии од сите шест земји од ЈИЕ.
Настанот ќе го отворат Хари Локвенец, претседавач на Комисијата за одбрана и член на Комисијата за економија во Македонија, и Давид Оберхубер, директор на GIZ за Македонија и Косово. По презентацијата за енергетска сиромаштија во ЈИЕ на хрватската експертка, Славица Робиќ, ќе следуваат неколку презентации, меѓу другите и тематска дискусија за релевантните практики и искуства во секторот на албанскиот парламент, со осврт на законите во областа на ЕЕ, која ќе ја води Едуард Шалси, претседавач на Комисијата за производни дејности, трговија и животна средина на Албанија.
Партиципативниот пристап во подготовката на новиот закон за ЕЕ во Косово ќе го претстави Сала Бериша-Шала, претседавач на Комисијата за економски развој, инфраструктура, трговија, индустрија и регионален развој на Косово.
Презентација за организацијата и спроведувањето консултативни парламентарни седници како партиципативен демократски инструмент во црногорскиот парламент, каде што спроведувањето на односните политики во секторот за ЕЕ во минатите години беше поддржан од ORF-EE. Претставниците од црногорскиот парламент ќе имаат можност да ја објаснат ефективноста на инструментот во следењето на имплементацијата на политиката за ЕЕ во нивната земја, како и во подобрувањето на секторските политики.
Форумот ќе заврши со презентацијата од договорните страни на Енергетската заедница за Западен Балкан за спроведувањето на политиката за ЕЕ со препораки за дефинирање остварлива улога на парламентите од ЈИЕ.
Во последните години, со поддршката на ORF-EE, спроведени се неколку дополнителни активности во насока на зајакнување на капацитетите на парламентарците од ЈИЕ и во насока на градење политичка волја за реформи во секторот. Некои од нив, само во последната година, вклучуваат студиско патување на парламентарците од регионот во германскиот парламент во Берлин, вклучувајќи го и EUREF-Campus и неколку експертски тела што работат во областа на ЕЕ и климатска заштита, како и голем број активности во парламентите на партнерските земји од ЈИЕ.
Форумот се организира како дел од иницијативата за јавен дијалог за одржливо користење на енергијата во ЈИЕ (ИЈД), која ја реализира Deutsche Gesellschaft für Internationale Zusammenarbeit (GIZ), преку регионалниот проект ORF-EE.
ORF-EE го финансира германското сојузно Министерство за економска соработка и развој (BMZ).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.