Економија
„Еуроникел“ преку „Фени“ ја спасува од банкрот пехчевска „Нова рефрактори“ со 105 вработени
Фабриката за производство на огноотпорни материјали „Нова рефрактори“ од Пехчево, која изминативе месеци беше на раб на банкрот поради стопираното производство во кавадаречки „Фени“ и косовски „Фероникели“ како најголеми купувачи, повторно работи рентабилно. Долговите што кон „Нова рефрактори“ ги имале „Фени“ и Фероникели“ , двете сопственост на „Кунико рисосрсис“ во 2017 година, изнесувале 1,5 милион евра. Во моментот кога „Фени“ престана со производство, во септември лани долгот се намалил на 1,2 милион евра.
Во март годинава, пак, „Еуроникел“, македонско преставништво на ГСОЛ, ја продолжил соработката со „Нова рефрактори“ заедно со рестартирањето на „Фени“.
„Ова значеше позитивен импулс за ‘Нова рефрактори’ поради фактот што ‘Еуроникел’ ги исплати заостанатите долгови на ‘Нова рефрактори’ и ги обнови комерцијалните односи, а фабриката почна со редовни испораки на огноотпорни материјали на ‘Фени’“, велат од „Еуроникел“.
Од „Еуроникел“ велат дека во контактите со менаџментот на „Нова рефрактори“ покажале заинтересираност за влез во акционерската структура на претпријатието.
„Нова рефрактори“ официјално со производство почна во 2014 година и оттогаш па до денес се позиционираше како еден од најголемите снабдувачи со огноотпорни материјали во регионот.
„Фабриката беше во состав на ‘Кунико рисорсис’ која беше доминантен сопственик со 49% преку својата компанија ‘Фени’. Во периодот 2014/2015 година кога ‘Кунико’ беше во сопственост на ИМР и БСГ, ‘Нова рефрактори’ бележеше зголемување на производството, а беше почнат и инвестициски циклус за ревитализација на постоечката опрема. Во тој период го достигна максималниот број од 130 вработени. Кога, на почетокот на 2016 година ‘Кунико’ претрпе промена во акционерската структура и ИМР стана доминантен акционер со 90%, почна проблематичниот период за ‘Нова рефрактори’ од аспект на крајно игнорантски и несериозен однос од страна на доминантниот сопственик кон својата сопствена компанија. Во периодот 2016/2017 година ‘Нова рефрактори’ вршеше континуирана испорака на огноотпорни материјали во двете топилници за фероникел во сопственост на ‘Кунико’, ‘Фени’ и ‘Фероникели’-Косово и не дозволи во ниеден момент процесот на производство во овие две топилници да биде доведен во прашање. За возврат, долгот што овие две топилници го имаа кон ‘Нова рефрактори’ континуирано растеше и во ноември 2016 година надмина износ од 1.000.000,00 евра. И покрај сите обиди за наплата на долгот од компанијата мајка, истиот и понатаму се зголемуваше и во јуни 2017 година го достигна својот максимум со износ од 1.500.000,00 евра. Во периодот септември/октомври, истата година, ‘Фени’ запре со работа, па следеше блокада на сметката и стечајната постапка. Во тој период и топилницата ‘Фероникели’ ги прекина сите порачки за огноотпорни материјали со што ‘Нова рефрактори’ изгуби два најголеми купувачи, а со тоа иднината на фабриката стана целосно неизвесна. Во истиот тој период долгот од овие топилници кон ‘Нова рефрактори’ изнесуваше 1.200.000,00 евра“, информираа соработниците на фабриката.
„Нова рефрактори“ сега има 105 вработени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.