Економија
Истражување: Колку дена може да се живее со 1.000 фунти во различни земји во светот

Британскиот портал money.co.uk ги истражувал дневните трошоци за живот и просечните плати во земјите низ светот, за да утврди каде 1000 фунти траеле најдолго, а каде најкратко, користејќи индекс на трошоците за живот кој вклучува бројни фактори, како што се храна, комунални услуги и трошоци за превоз.
Според резултатите од истражувањето, Колумбија се нашла на првото место меѓу земјите во кои 1.000 фунти би издржале најдолго, односно 109 дена, потоа следат Турција (103 дена), Казахстан е трет (100 дена), додека Србија е деветта, со таа сума која опфаќа 84 дена дневни трошоци за живот.
Од земјите во регионот, човек може да живее со 1.000 фунти 80 дена во Црна Гора, 86 дена во Романија, 82 дена во Бугарија и 74 дена во Унгарија.
Од друга страна, во Швајцарија, со споменатата сума не може да се издржи цел месец и ќе трае само 27 дена, бидејќи дневните трошоци за живот, според пресметката на британскиот портал, во таа земја изнесуваат 37,96 фунти дневно просечно.
Граѓаните на Лихтенштајн и Норвешка би поминале малку подобро, бидејќи со 1.000 фунти би издржале 33 дена.
Кога станува збор за времето потребно во земјите низ светот за да се заработи оваа сума, Лихтенштајн е лидер со најкраток рок од само четири дена, потоа се Швајцарија, Норвешка, Луксембург и Исланд, со пет работни дена.
Од земјите што треба да работат најдолго за да заработат 1.000 фунти, Колумбија повторно е на врвот на листата со 62 работни дена, потоа Белорусија (57 дена), Србија (49 дена), Црна Гора (46 дена) и петто Мексимо со 43 работни дена, покажува истражувањето на порталот money.co.uk.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
„Lucky Days“ во НЕПТУН – Попустите се толку големи што ќе купиш сè што ти треба!

Од 09.06.2025, „Lucky Days“ во НЕПТУН носат промени што ќе го трансформираат вашиот дом! Влегувате по еден производ, а излегувате со сшто ви треба – од ефикасен клима-уред до голем телевизор за домашно кино, сите по цени што ќе ве изненадат!
Летото е тука, а со него и идеалната можност да го освежите домот со уреди што ќе го направат секојдневниот живот поудобен. Попустите се дизајнирани со грижа за вашиот семеен буџет: од клима-уреди што ја победуваат жештината до фрижидери што штедат струја, секој избор е осмислен да ви го олесни животот на долг рок.
Твојата желба е јасна – да добиеш врвен производ по фер цена. Нашите флаери ги прикажуваат најдобрите понуди од врвни брендови. Замислете колку е лесно да изберете уред што ја штеди електричната енергија, а сепак нуди врвни перформанси или да го надоградите вашето работно катче со лаптоп или десктоп што ќе ве чини многу помалку отколку што мислевте.
За да ви ја олесниме вашата шопинг-патека, во последните неколку месеци ги реновиравме и унапредивме дел од нашите најпосетени продажни салони. Ве чека модерен, разубавен простор со пријателска атмосфера, создаден да ја направи вашата посета пријатна и инспиративна.
Нашиот стручен тим секогаш се на располагање да ви помогнат да го најдете токму она што ви треба – без да губите време или да се двоумите дали е вистинска инвестиција.
Твоја е желбата, наше е да ти го понудиме најдоброто! – Нептун
(ПР)
Економија
ВМРО-ДПМНЕ: Две милијарди евра инвестиции во железничкиот сообраќај, брза пруга Табановце-Гевгелија

Се надзираат контурите за почеток на најголемиот инфраструктурен проект во регионот. Формирање на координативното тело во вторник и започнување на постапка за обезбедување на финансиски средства за реализација на проектот брза пруга, велат од ВМРО-ДПМНЕ.
„Проектот брза пруга Табановце-Гевгелија ќе чини од 1,7 до 2 милијарди евра и ќе биде најголем поединечен проект во Македонија.
Новата брза пруга ќе биде со нови возови, локомотиви и целосно модернизирана и реконструирани железнички станица во Скопје и реконструирани станици низ Македонија.
Со брзата пруга предвидено е патнички сообраќај да биде до 160 км на час, а товарниот сообраќај до 120 км на час. Граѓаните ќе можат да патуваат за час и пол до Солун, 4 до 5 часа до Виена.
Со поддршка и следење на британските и европските стандарди овој проект е од големо значење и ќе ја подобри безбедноста во железничкиот сообраќај.
Брз и ефикасен железнички сообраќај од граница на Србија до граница на Грција. Делницата Табановце – Гевгелија ќе се скрати од 235 км што е моментално, влез излез од државата, се планира да биде 200 и под 200 км. Целта е да имаме брза пруга и брз транспорт.
Македонија конечно ќе почне да ја користи добрата местоположба и ќе се впише на мапата на карго Европа. Карго транспортот се предвидува да донесе од 100 – 120 милиони годишен приход од товарниот сообраќај.
Со развојот на железничката и патната инфраструктура се создаваат можности за поврзување, за подобар и поквалитетен живот на граѓаните“, пишува во соопштението на ВМРО-ДПМНЕ.
Економија
ВМРО-ДПМНЕ: Kланот Заеви и Филипче преку шема на фирми препродавале јаглен на ЕСМ трипати поскапо и профитирале

Во време на ковид пандемија и енергетска криза Заев и Филипче се богателе врз грбот на граѓаните кои плаќаа драстично повисоки сметки за струја, велат од ВМРО-ДПМНЕ.
„Венко Филипче трет ден молчи за испумпувањето на десетици милиони евра од ЕСМ од страна на Вице Заев и фирми кои водат лично до него.
Вице Заев, Зоран Заев и Венко Филипче се директно виновни што струјата во нивно време се покачи за над 50%.
Фирми блиски до Заев и Филипче препродавале јаглен на ЕСМ за три пати поскапо од набавеното.
Зоран Заев, Вице Заев и Венко Филипче, за да можат да се богатат врз грбот на граѓаните креирале мрежа на фирми и посредници за ископ, транспорт и продажба на јаглен од Грција на ЕСМ.
Грчкиот јаглен горел во Македонија а профитот завршил кај Вице Заев во Бугарија.
Јагленот кој од Грција се продавал кон мрежата на фирми за 30 евра бил препродаван во Македонија на ЕСМ по цена и до 82.5 евра.
Додека кланот Заеви продавале скап јаглен на ЕСМ, Филипче уживал во придобивките на милионските бизниси.
Одговорност за овој милионски скандал мора да има, а ЈО да отвори истрага“, пишува во соопштението на ВМРО-ДПМНЕ.