Економија
Ковачевски: Ја реструктуиравме македонската економија
„Во услови на најголемата економска и енергетска криза којашто светот ја памети од Втората светска војна досега, како одговорна Влада успеавме, не само успешно да ја пребродиме кризата, туку и да ја претвориме во можност“, порача премиерот Димитар Ковачевски, на денешната седница за пратенички прашања во Парламентот.
Премиерот посочи на повеќе владини политки коишто даваат резултати во однос на егзистенцијата на граѓаните, на работата на компаниите и во економијата.
„Со политиките што ги започна Владата на Република Северна Македонија уште пред година и половина, успеавме да ја покачиме минималната плата и просечната плата на историски највисоко ниво.
Постигнавме стопроцентно зголемување во однос на 2016 година и обезбедивме системско загарантирано решение – за да не зависи никогаш повеќе, како порано, од која било влада. Денес минималната плата е над 20.000 денари.
Имаме континуиран раст на просечната плата, а пензиите во март 2023 година, споредено со март 2016 година се зголемени и тоа просечната пензија за 47 проценти и минималната пензија за 60 проценти“ посочи премиерот Ковачевски.
Ако во 2013 година, рече премиерот Ковачевски, биле потребни 4 минимални плати за покривање на една потрошувачка кошница, денес се потребни 2,1 минимални плати за покривање на една потрошувачка кошница, што е одговор на коментарите дека платите „ги јаде“ инфлацијата.
Премиерот посочи и на мерките со коишто се замрзнати цените на повеќе производи, за да се заштитат граѓаните и домашниот пазар од злоупотреби.
„Ги замрзнавме и намаливме цените на дел од прехранбените и хигиенските производи.
На последната владина седница, го продолживме рокот на важност на замрзнатите цени на дел од производите“, рече премиерот Ковачевски.
Во насока на преземените мерки за заштита на граѓаните во услови на економската и енергетската криза, премиерот го посочи донесениот пакет антикризни мерки за компаниите и граѓаните во висина над 760 милиони евра, што е оценет како најголема државна помош во регионот.
И додаде дека со Буџетот за 2023 година обезбедивме и дополнителни 250 милиони евра за антикризни мерки.
„Со цел домаќинствата и правните субјекти да се справат полесно со трошоците на електрична енергија, ја субвенциониравме пазарната цена на струјата и тоа со 80 проценти од реалната цена, за сите 600.000 домаќинства.
Да не беше ова субвенционирање, граѓаните би плаќале 5 пати повисоки сметки за струја. Исто така, за 2/3 беше пониска цената на електричната енергија за компаниите на регулираниот пазар, 72 илјади компании коишто вработуваа 98 проценти од нашите работници во државата“, рече премиерот Ковачевски.
„Од 2017 работиме на рестуктурирањето на нашата економија“, порача премиерот Ковачевски и посочи на резлтатите и во делот на инвестициите и работата на домашните компании.
Во 2018 година, како што рече премиерот Ковачевски, беше одобрен Планот за економски раст, со којшто покрај поддршката на странските инвестиции, се поддржуваат и домашните инвеститори. А ефикасен е и новиот концепт на инвестиции и поддршка на инвестициите во ТИРЗ.
„Странските директни инвестиции, во кризни услови, минатата година, достигнаа рекордни историски износи од 753 милиони евра, само во една година. Тие се два пати поголеми во однос на 2016 година“, рече премиерот Ковачевски.
Минатата недела, како што додаде премиерот, еден од најголемите производители на чипови за автомото индустријата, за авио индустријата, медицинската индустрија и 5Г технологиите – Јагео, одлучи да отвори 205 милиони евра вредна инвестиција, каде ќе работат речиси 4.000 вработени, што се сметаше досега за незамисливо да се произведува во Македонија.
„Последниве две години се постигнати договори од над 650 милиони евра, што е над половина од вкупниот обем на донесени инвестиции во претходните 10 години. Со новата инвестиција која ја споменав, надминуваме износ над 850 милиони евра.
И денес имаме начелна согласност за уште една нова инвестиција странска во државата, којашто наскоро ќе биде потпишана меѓутоа со оглед на тоа што сè уште не е договорен денот на потпишувањето, ќе го објавиме кога ќе бидат подготвени сите документи, а многу скоро ќе присуствуваме на отворањето на градежните работи на нов производствен капацитет во ТИРЗ во Скопје “, соопшти премиерот Ковачевски.
„Тука ќе морам да напоменам дека минатата година во услови на најголема криза, Северна Македонија имаше рекордна реализација на капитални инвестиции од 465 милиони евра, што е за 60% повеќе од 2014 година која што сите заради нејзината популарност ја сметаат за година на најголеми инвестиции.
Минатата година инвестициите беа 65% поголеми од таа година, значи сите споменици кои ги гледате овде, целиот овој стиропор, жални врби, среќни врби и т.н. – 60% поголеми инвестиции има оваа година од таа година.
Единствената разлика е што тогаш за 1 евро инвестиција се трошеа 4 евра за реклама на телевизија. Сега не се трошат пари за реклама на телевизија за инвестициите коишто се прават“, рече премиерот Ковачевски, кој во обраќањето во Парламентот посочи и на намалување на невработеноста, за 8% и истовремено зголемување на вработеноста за 9,5%.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Славески на средби со ММФ: Мерките на Народната банка придонесуваат за постепено намалување на инфлацијата и задржување на финансиската стабилност
Гувернерот на Народната банка, Трајко Славески, во рамки на Годишните средби на Меѓународниот монетарен фонд (ММФ) и Светската банка, што се одржуваат во Вашингтон, оствари низа билатерални средби со високи претставници на ММФ. На средбите присуствуваше и министерската за финансии Гордана Димитриеска Кочоска.
Славески се сретна со заменик-директорот на ММФ Бо Ли, директорот на Европскиот оддел во ММФ Алфред Камер, извршниот директор Јерон Клик, заменик-директорите Марникс ван Рај и Владислав Рашкован и шефот на Мисијата на ММФ за нашата земја Ник Гигинеишвили.
На средбите, високите претставници на ММФ го поздравија приклучувањето и реализацијата на првите трансакции во СЕПА, како и потпишувањето на Писмото на намери со Банката на Италија за развивање на клон на ТИПС системот на ЕЦБ за земјите од Западен Балкан за натамошна модернизација и овозможување инстант плаќања во домашните, меѓусебните прекугранични плаќања и плаќањата со другите земји во СЕПА.
На средбите се разговараше за најновите макроекономски случувања во земјата, како и за очекувањата за идните движења. Славески истакна дека Народната банка е цврсто посветена на одржувањето на ценовната стабилност, за што се осврна на мерките преземени од страна на централната банка во насока на остварувањето на оваа цел. Дополнително, гувернерот ги образложи новите макропрудентни мерки донесени од страна на Народната банка насочени кон понатамошно одржување на финансиската стабилност.
Претставниците на ММФ посочија дека прудентната монетарна политика што ја спроведува Народната банка придонесува за ефективно управување со ризиците и постепено намалување на инфлацијата, при што создава услови за стабилен економски раст, што се потврдува и со најновите проекции на ММФ за македонската економија, со очекуван растот годинава од 3,4%, а за следните години одржување на нивото околу 3%. Истовремено, инфлацијата се очекува во континуитет да продолжи да забавува и да се сведе на историското ниво од околу 2% на среден рок.
Во разговорите беше потврдена и континуираната успешна соработка меѓу Народната банка и ММФ. Во изминатиот период, преку техничките мисии на ММФ беа реализирани повеќе активности за модернизација на монетарните операции, подобрување на проекциите за ликвидноста на банкарскиот систем и зајакнување на супервизорските капацитети на Народната банка. Со тоа се зголеми ефикасноста и предвидливоста во спроведувањето на монетарната политика, како и отпорноста на банкарскиот систем на потенцијални ризици. Соработката со ММФ ќе продолжи и во наредниот период, со цел понатамошно усогласување со меѓународните стандарди и унапредување на аналитичките и оперативните капацитети на Народната банка.
Економија
Ѓорѓиевски: Регионалниот пристап за земјите од Западен Балкан е можност за раст на економиите и подобро позиционирање на европскиот пазар
Делегација на Сојузот на стопански комори на Македонија учествуваше на дводневната престижна конференција во Будва, Република Црна Гора организирана по 14 пат од страна на Стопанската комора на Црна Гора. Во рамките на конференциите ЕЕN – IFNNO на која покрај презентациите за европските проекти се остварија значајни контакти на групацијата за проекти при ССКМ со потенцијалните партнери и донатори од Европската Унија за идна соработка.
На маргините од првиот ден претседателот на ССКМ , Горан Ѓорѓиевски со делегацијата оствари средба со министерот за земјоделство, шумарство и води на Црна Гора, Владимир Јоковиќ. На средбата се потврди подготвеноста за соработка во aгро сегментот, заедничка соработка и споделување на искуства во развојот на руралниот туризам како неискористен потенцијал на двете земји. Се искажа подготвеност за заедничка соработка во аплицирањето на европските проекти како и соработката во споделување на искуства од страна на ССКМ со министерството за земјоделиe, шумарство и водостопанство на Република Црна Гора.
Претседателот на ССКМ Ѓорѓиевски истакна дека идниот период потребно е двете земји да се фокусираат за зголемување на меѓусебната економска размена, развој на aгро сегментот, фокус на aгро и екотуризмот кој ќе доведе до успорување на миграцијата и намалување на притисокот во делот на човечките ресурси.
Покрај излагањето на врвни експерти за економија на конференцијата кои ги трасира идните чекори кон раст на регионот, на маргините од вториот ден Ѓорѓиевски оствари средба со претседателката на стопанската комора на Црна Гора, Нина Дракиќ, на која се предложија поголем број од иницијативи за развој на човечките ресурси како клучен елемент на идниот развој на бизнисите на двете земји, организирање на В2В состаноци во најзначајните економски сектори на двете земји, заеднички настап на европски проекти како и зајакнување на регионалниот пристап како клуч на успехот за економии на двете земји.
Ѓорѓиевски на средбата истакна дека во периодот пред нас потребно е да се изградат уште поцврсти мостови на соработка помеѓу двете бизнис комори во повеќе економски гранки од кои во следните години се очекува најзначаен удел во Бруто домашниот производ на Република Македонија и Република Црна Гора.
Економија
Електродистрибуција ја зајакнува нисконапонската мрежа со инвестиции над 10 милиони евра
Екипите на Електродистрибуција, во првите 6 месеци од 2025 година, успешно реализираа повеќе инфраструктурни проекти насочени кон модернизација и подобрување на нисконапонската мрежа.
Главниот фокус на овие активности е зголемување на стабилноста на системот, намалување на загубите и воведување современи решенија во управувањето со дистрибутивната мрежа.
Во рамки на проектите беа поставени 135 километри нова нисконапонска мрежа, заменети старите столбови и проводници, како и инсталирани нови далечински уреди за мерење на нови локации.
Вкупната вредност на инвестициите за овој период изнесува 10,4 милиони евра, додека дополнителни 2 милиони евра се планирани до крајот на 2025 година. Со овие инвестиции, Електродистрибуција ја зајакнува дистрибутивната мрежа и поставува уште постабилна основа за понатамоштен развој на енергетскиот систем.
ПР
Скандал во студентскиот дом „Гоце Делчев“, студент снимал девојки додека се туширале
Студент бил фатен како тајно снима студентка во студентскиот дом „Гоце Делчев“ во Скопје. „На 16 октомври 2025 во 20...
Возел со 3,32 алкохол во крвта и направил сообраќајка
Кавадарчанец бил лишен од слобода, со 3,32 промили алкохол во крвта управувал возило и учествувал во сообраќајка, информираа денеска од...
ДИК: Вкупно 8.848 болни или немоќни лица денес можат да го остварат своето право на глас
Денес се спроведува гласањето на болните или немоќни лица, лицата кои се на издржување на казна затвор или се во...
ОЈО Струга отвори предмет за спомен-куќата на Владо Малески
Основното јавно обвинителство Струга оформило предмет во врска со уривањето на спомен-куќата на Владо Малески, при вршење градежни работи во...
Куманово со најмногу гласачи 94.041, Лозово со најмалку 1.905
Право на глас на осмите Локални избори 2025 в недела имаат 1.832.415 гласачи, од кои 1.717.803 во земјата и 112...
Од ноќеска на полноќ заклучно со 19:00 часот на 19 октомври е изборен молк
Од ноќеска на полноќ заклучно со 19:00 часот на 19 октомври е изборен молк. Агенцијата за аудио и аудиовизуелни медиумски...
Трета жртва од тешката сообраќајка во Сремска Митровица – почина за време на операцијата
Уште едно лице загинало по сообраќајната несреќа што се случи денес во Сремска Митровица, кога автобус се преврте и излета...
Трамп: Царината од 100 отсто за кинеска стока не е одржлива, но бев принуден на тоа
Американскиот претседател Доналд Трамп изјави дека неговата најавена царина од 100 проценти на кинеска стока не е одржлива, но дека...
Контролорите за летање нема да штрајкуваат, но обвинуваат за незаконска одлука и лоши услови за работа без вода и систем за греење
Струковиот синдикат на контролори на летање на Македонија соопшти дека ќе ја почитува одлуката на Граѓанскиот суд во Скопје со...
Одобрено обвинението против сопственикот на фирмата за обезбедување на „Пулс“
Кривичниот суд информира дека е одобрено и второто обвинение за пожарот во дискотеката „Пулс“ во Кочани, со што предметот преминува...
Штитеници во установа за згрижување деца имале сексуален однос пред 12-годишно дете
Вчера во 16:45 часот во СВР Скопје е пријавено дека во август 2025 година во соба во установа за згрижување...
Пукање во Ѓорче Петров, жител пријавил дека му е скршен прозорецот од дневната соба, а во куќата нашол две зрна од оружје
Доцна синоќа во 03:00 часот во СВР Скопје, М.Ј.(39) од Скопје пријавил дека околу 02:50 часот, додека бил во неговиот...
Се гледаме во вториот круг, рече Шукова и повика недела да биде празник на демократијата и на слободата на одлучување
Кандидатката за градоначалничка на Скопје од СДСМ, Каја Шукова, ја заокружи кампањата за првиот изборен круг со повик до граѓаните...
Секој изгубен ден во политички престрелки е изгубена можност за Скопје, в недела масовно да излеземе, повика Ѓорѓиевски
На последниот ден од изборната кампања за првиот круг на локалните избори, кандидатот за градоначалник на Скопје од ВМРО- ДПМНЕ,...
Андоновски: Македонија добива современ и сеопфатен план за дигитален развој
Министерот за дигитална трансформација, Стефан Андоновски, денеска ја претстави новата Национална стратегија за информатичко-комуникациски технологии – „СМАРТ/МК 2030“, со што,...
Нема моќно оружје за Украина: Трамп ја менува приказната по разговорите со Путин
Американскиот претседател Доналд Трамп денес ќе го угости украинскиот претседател Володимир Зеленски во Белата куќа, но има сè повеќе знаци...
(Фото) Министерот за здравство се вакцинира против грип: Апелирам граѓаните навреме да се заштитат
Министерот за здравство Азир Алиу денеска го посети одделението за епидемиологија во Гостивар, каде и тој прими вакцина против сезонскиот...
(Видео) Русија: Нападнавме украински аеродром, каде што беа стационирани авиони на НАТО
Руските сили извршија напад врз воениот аеродром во Криви Рих, каде што наводно биле стационирани авиони на НАТО, објави руската...
Зеленски реагира на најавениот самит Трамп – Путин: тој денес пристигнува во Белата куќа
Американскиот претседател Доналд Трамп денес е домаќин на украинскиот претседател Володимир Зеленски во Вашингтон за да разговараат за иднината на...
(Видео) Трамп: Го прашав Путин дали би имал ништо против ако им дадам неколку илјади „томахавки“ на Украинците
Претседателот на САД, Доналд Трамп, изјави дека за време на разговорот со рускиот претседател Владимир Путин ја споменал можноста Украина...
