Економија
Народната банка: Насочени сме кон зајакнување на регулаторните, известувачките и супервизорските практики во управувањето со климатските ризици
Народната банка навреме ги препозна ризиците од климатските промени и зазеде проактивен став вклучувајќи ги климатските ризици и придонесот кон зелената одржлива економија во своите стратегиски цели. Ова беше истакнато на средбата помеѓу гувернерката на Народната банка, Анита Ангеловска-Бежоска, и Амра Омерагиќ и Славен Поповиќ, претставници на „Финансии во движење“, кои се советници на „Инвестицискиот фонд за зелен раст“.
„Преку низа активности, Народната банка придонесува кон поттикнувањето на зеленото финансирање, вклучувајќи ги и монетарните мерки. Зелените кредити бележат постојан раст во портфолијата на банките и во третиот квартал од годинава растот на зелените кредити, во однос на истиот период лани, изнесува 1,4 милијарди денари или 7,4%. Уделот на зелените во вкупните кредити сѐ уште е на релативно ниско ниво, но од крајот на 2019 година, заклучно со третото тримесечје од 2024 година, се забележува промена од 2,2 % на 4,4 %“, нагласи гувернерката Ангеловска-Бежоска.
На средбата беше искажана поддршка за досегашната успешна соработка, а се разговараше и за идните заеднички активности, во чии рамки во Народната банка, под покровителство на „Инвестицискиот фонд за зелен раст“, во соработка со „Финансии во движење“, и експерти од „Ернст и Јанг“, се одржа втората работилница за градење капацитети за ЕСГ, на тема „Управување со влијанието на еколошките, социјалните и управувачките фактори (ЕСГ), ризици и можности“. Целта на работилницата е да се зајакнат капацитетите на централната банка за повеќеслојните влијанија на ЕСГ, при што се стави акцент на регулаторните, известувачките и супервизорските практики во управувањето со климатските ризици. Факторите на ЕСГ, за кои некогаш се сметаше дека имаат споредно значење, добиваат централна улога во процесот на донесување одлуки и управувањето со ризиците. Институциите коишто се приспособуваат кон промените и кон новото окружување можат да ја подобрат отпорноста, да поттикнат одржлив раст и да ја зајакнат довербата во своите операции.
„Инвестицискиот фонд за зелен раст“ е горд партнер на Народната банка на Северна Македонија во залагањето за зелени и одржливи финансии и позелена економија во Северна Македонија. Нашето партнерство е посветено на постигнување на еколошките цели за ублажување на климатските промени преку поставување јасни стратегиски цели, зајакнување на внатрешните капацитети и подигање на свеста во секторот. Овие иницијативи нè носат чекор поблизу кон усогласувањето на финансискиот систем со глобалните приоритети за одржлив раст и затворањето на јазот во зеленото финансирање“, изјави Амра Омерагиќ, инвестициски менаџер од „Финансии во движење“.
На работилницата се потврди значајната улога на централните банки и финансиските супервизори во зајакнувањето на отпорноста на финансискиот систем на климатските ризици, преку поддршка и поттикнување на преминот кон одржлива економија. Во текот на изминатите години, сѐ поголем број централни банки ги вклучија климатските промени како стратегиски приоритет и усвоија стратегии за управување со климатските ризици. Активностите на Народната банка поврзани со климатските ризици се врамени во Среднорочниот план на Народната банка за управување со ризиците поврзани со климатските промени во периодот 2023 − 2025 година, којшто содржи јасни патокази за преземање конкретни активности.
„Инвестицискиот фонд за зелен раст“ се залага за управување со климатските промени и за одржлив економски раст, пред сè преку инвестирање во мерки со коишто се намалува потрошувачката на енергија, употребата на ресурси и јаглеродните емисии. Фондот го насочува финансирањето кон деловните претпријатија и домаќинствата преку техничка помош, знаења и техничка експертиза за да се осигури дека инвестициите се успешно спроведени и со високи меѓународни стандарди. Фондот работи на 19 пазари низ Југоисточна Европа, вклучувајќи ги и Турција, Европскиот источен соседски регион и Блискиот Исток и Северна Африка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Деспотовски за инвестицијата на „Авеста Батерис“: Ме радува што се’ се одвива според договорoт што го потпишавме лани
Поранешниот директор на ТИРЗ, Јован Депостовски, им честита на „Авеста Батерис енд Инжинеринг“ (АБЕЕ) за официјалниот почеток на градежните работи во ТИРЗ Кичево.
Деспотовски вели дека особено го радува што реализацијата на проектот се одвива според договорените рокови од Договорот за инвестиција, кој беше потпишан во мај 2023 година.
„Оваа инвестиција, со вкупна вредност од 40 милиони евра, претставува важен чекор за развој на регионот, носејќи над 600 нови работни места за нашите сограѓани. Ваквите проекти имаат директно влијание врз подобрување на животниот стандард на населението и отвораат нови перспективи за локалната економија. Она што е особено позитивно е дека новата Влада го продолжува тоа што го започнавме. Континуитетот во реализацијата на вакви стратешки инвестиции е клучен за просперитетот на нашата земја. Ова покажува дека кога во работата ја ставате Македонија на прво место, придобивките се за сите граѓани“, вели Деспотовски.
Тој посакува успешна и брза реализација на овој проект, со надеж дека ќе биде пример за многу други инвеститори кои веќе ја препознааваат Македонија како стабилна и атрактивна бизнис дестинација.
Претходно денес во присуство на премиерот, Христијан Мицкоски, беше поставен камен-темелникот за изградба на фабриката за електронски батерии за автомобили во ТИРЗ Кичево. Очекувањата се 600 нови вработувања и извоз до половина милијарда евра.
Економија
Светската банка препорача зголемување на границата на пензионирање и на стапката на ДДВ
Северна Македонија има пензиски дефицит и без реформа, тој уште повеќе би се зголемил, оценува Светската банка во новиот извештај „Преглед на јавни финансии на Северна Македонија: Обезбедување стабилност и зајакнување на отпорноста“.
За справување со овие предизвици, се предлагаат повеќе политики за намалување на пензискиот дефицит во услови на општество што се повеќе старее.
Тие опфаќаат укинување на неодамна воведениот модел на индексирање според цените и платите (т.н Швајцарски модел) и враќање на претходното индексирање согласно индексот на цени на мало, постепено зголемување и изедначување на возраста на пензионирање на мажите и жените и постепено зголемување на стапката на придонесот, се вели во извештајот, што го пренесе Радио Слободна Европа.
Неодамна Фискалниот совет до Собранието достави Мислење со кое бара во 2026 година да се зголеми старосната граница за одење во пензија на 67 години за мажи и жени. Фискалниот совет смета дека буџетската дупка во Фондот за пензиско и инвалидско осигурување е голема, а линеарните зголемувања од 2500 денари ќе придонесат Фондот на долг период да не биде одржлив.
Во делот на даноците, Светската банка предлага зголемување на стапката на ДДВ од сегашните 18 на 19 проценти и отстранување на повластената стапка за сите стоки, освен за основните производи.
Економија
Меѓународно признание за иницијативата Global Engineer Girls
Иницијативата Global Engineer Girls (GEG) на Групацијата Лимак ја освои наградата Партнерство за одржливост за 2024 година, организирана од Глобалниот договор на Обединетите нации. Наградата беше доделена во категоријата „Луѓе“ и претставува меѓународна потврда за успешните активности што Групацијата Лимак ги реализира за зголемување на учеството на жените во областа на науката, технологијата и инженерството – СТЕМ области, придонесувајќи кон остварувањето на целите за одржлив развој.
Global Engineer Girls е меѓународна филантропска иницијатива, која започна да се спроведува во 2015 година во Турција, а во 2022 година ги прошири своите активности и во други земји, вклучително и во Северна Македонија, трансформирајќи се во меѓународна програма. Главна инспирација за нејзиното покренување беше организациската култура на Групацијата Лимак за зголемување на застапеноста на жените во СТЕМ областите.
Иницијативата GEG има за цел да го зголеми учеството на жените во професии и индустрии каде што тие се традиционално помалку застапени и да ја зголеми родовата еднаквост во општеството. Проширувајќи го опсегот на своето делување, иницијативата го зголемува своето влијание и обезбедува поддршка на одржливиот развој на глобално ниво.
Од почетокот на реализацијата на инцијативата во нашата земја, Global Engineer Girls North Macedonia обезбеди поддршка за 54 студентки запишани на електротехничките, машинските, градежните и факултетите за информатички технологии на државните универзитети од целата земја. Поддршката што GEG North Macedonia им ја дава на идните жени-инженери, покрај стипендии, вклучува и можности за практикантска работа, учество во менторска програма и обуки за развој на дигитални и друг вид „меки“ вештини.
ПР текст
Светската банка препорача зголемување на границата на пензионирање и на стапката на ДДВ
Северна Македонија има пензиски дефицит и без реформа, тој уште повеќе би се зголемил, оценува Светската банка во новиот извештај...
Загина млад скопјанец: дошол да му донесе јадење на татка си и паднал од објект во изградба
Дваесет и тригодишен скопјанец трагично го загуби животот по пад од објект во изградба на Бит Пазар. Според информациите од...
Измама во Тетово: лекар и адвокати фалсификувале медицински извештаи за да наплатат осигурување
Тетовската полиција поднесе кривична пријава против И.Б.(52) – лекар во Клиничка болница Тетово, поради постоење основи на сомнение за злоупотреба...
По назначувањето две лица на црната листа на САД, ОЈО ја засилува истрагата
Основното јавно обвинителство Скопје, постапувајќи по предметот оформен по назначувањето две лица на црната листа на САД, презеде дејства во...
Мицкоски: Ќе има предвремени парламентарни избори ако оваа Влада ги изгуби локалните в година
Премиерот Христијан Мицкоски не ја исклучува можноста за предвремени парламентарни избори доколку Владата која ја предводи ги изгуби локалните избори...
Се работат многу случаи за криминал на поранешни високи функционери од ДУИ, Мицкоски уверува дека јавноста набргу ќе слушне за нив
Актуелното раководство на Демократската унија за интеграција (ДУИ) повеќе се грижи да го заштити капиталот за кој постаојат сомневања дека...
Време е за враќање на мандатот кај граѓаните, да ставиме крај на неспособноста и корупцијата на нелегитимната Влада, бара ДУИ
„Актуелната Влада, која без сомнение го постигна највисокото ниво на скандали, неспособност, криминал и корупција во толку краток временски период,...
Почувствуван земјотрес во Македонија
Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот...
Од скопско „тобако“ уништени речиси 2 тони небезбедна храна
По доставената иницијатива од граѓани за спроведување на вонреден инспекциски надзор, Агенцијата за храна и ветеринарство во Скопје, спроведе контрола...
Ахмети: Одлуката на Уставниот суд за еднострано свикување јавна дебата за репреговарање на Охридскиот мировен договор е апсурдна
Синоќа, на голем собир во Гостивар, претседателот на ДУИ, Али Ахмети остро ја осуди одлуката на Уставниот суд за еднострано...
(Видео) Запленети речиси четири тони марихуана во Валандовско
Од страна на полициски службеници од Одделот за криминалистичка полиција- Сектор за недозволена трговија со дрога и оружје и СВР...
(Видео) Падна рингишпил во Бирмингем, неколкумина повредени
Две лица се префрлени во болница, а неколкумина се повредени откако се расипа рингишпил на саем во Бирмингем, пишува Скај...
„Мета“ му донира милион долари на Трамп
Мета донираше 1 милион долари на инаугуративниот фонд на новоизбраниот претседател Доналд Трамп, потврди компанијата за Си-ен-ен. Да потсетиме, шефот...
Блинкен и Ердоган се сретнаа, разговараа за ситуацијата во Сирија
Американскиот државен секретар Ентони Блинкен пристигна вчера во Турција на разговори фокусирани на клучниот аспект за воспоставување стабилност во Сирија,...
Америка најави нов пакет-оружје за Украина
Администрацијата на американскиот претседател Џо Бајден најави нов пакет оружје за Украина, иако количината или содржината на пакетот не се...
Уставниот суд самиот треба да решава, а не ние да му кажуваме како да работи, вели Сиљановска-Давкова
Одлуката на Уставниот суд за одржување подготвителна седница за Законот за употреба на јазиците е очекувана за претседателката Гордана Сиљановска-Давкова....
Се врши претрес во Судскиот совет за да се обезбедат записници поврзани со мандатот на Дамева
Полициски службеници по наредба на ОЈО Скопје постапуваат во Судски совет. Oд Јавното обвинителство информираат дека претресот се врши за...
Кузеска: Скандал – сопруга на градоначалник од ДПМНЕ избрана за член на Судскиот совет
Наместо реформи гледаме брутална партизација на судството, би рекла дури и окупација од страна на ВМРО-ДПМНЕ. Скандалозен е изборот на Данка...
За ДУИ, однесувањето на претседателот на Уставниот суд е неприфатливо и скандалозно, бараат итна оставка
„ДУИ силно ги осудува последните случувања во Уставниот суд, каде што моноетничките интервенции во повеќеетничка држава создаваат опасен преседан. Одлуката...
Општините и министерствата заедно трошат за адвокатски услуги повеќе од 2 милиона евра годишно, според истражувањето на Центарот за граѓански комуникации
Центарот за граѓански комуникации го објави истражувањето за исплатите за адвокатски услуги од буџетите на општините и на министерствата. Истражувањето...
