Економија
Од денес официјално започнува продажбата на најновите „самсунг галакси С9 и С9+“ во Македонија
По официјалното претставување на новите паметни телефони „самсунг галакси С9 и С9+ (S9+)“ во Македонија, компанијата „Самсунг електроникс“ денес го најави почетокот на продажба на овие уреди. Сите што сакаат да купат од овие неверојатни уреди, ќе може да изберат телефон во следните бои: полноќно црна, корално сина, како и во новата нијанса – пурпурно виолетова. Започнувајќи од денес, „самсунг галакси С9 и С9+“ ќе бидат достапни за корисниците во салоните на продажните партнери на „Самсунг“ – „Македонски телеком“, ВИП, „Сетек“ и „Нептун“ по препорачана продажна цена од 50.999 денари за „самсунг галакси С9“, односно 56.999 денари за „самсунг галакси С9+“.
Новите паметни телефони на „Самсунг“ пристигнуваат со низа новитети и подобрувања: неверојатна камера за снимање при слаба осветленост со двојна бленда на објективот, супер бавен slow-mo видеозапис и пиктографи (AR emoji) за изменета реалност за поперсонализиран начин на изразување. „Самсунг галакси С9 и С9+“ неодамна беа првпат претставени во рамките на Светскиот конгрес за мобилна технологија 2018 во Барселона, каде што освоија 30 награди, вклучувајќи ја и најзначајнат а награда во рамките на годишните Глобални награди за мобилна технологија – „Најдобар нов уред за поврзување“. Оваа награда му беше доделена на новиот „самсунг галакси С9+“ како признание за неговиот префинет дизајн, напредна камера и извонредни перформанси.
Напредната камера со двојна бленда на „самсунг“ има обектив што функционира слично како ирисот на човечкото око и автоматски може да се менува во согласност со разните услови на осветление. На овој начин вашите фотографии ќе изгледаат одлично, без разлика дали се фотографирани во услови на поголема светлина или при слабо осветление, преку ден или навечер. Двојната бленда поддржува F1.5 и F2.4 режим. Кога е темно, објективот се отвора до F1.5 за да пропушти повеќе светлина за јасни и чисти фотографии, а на дневна светлина објективот автоматски се префрла во режим F2.4 овозможувајќи фотографијата да ја задржи својата острина. Исто така, новите „самсунг галакси С9 и С9+“ имаат напредна камера со Super Speed Dual Pixel сензор со зголемена сила за обработка и меморија за висок квалитет на фотографиите. Благодарение на овој сензор камерата може да ги долови сите детали четири пати побргу, и тоа поголем број од нив. Со опцијата Super Slow-Mo за креирање видеозаписи секој корисник може да ги зачува секојдневните незаборавни мигови со помош на динамични и забавени видеозаписи, кои снимаат до 960 слики во секунда. Благодарение на оваа напредна камера вашите фотографии ќе бидат беспрекорни, а преку видеата снимани со „галакси С9 и С9+“ ќе имате можност да ги видите и најмалите детали и движења од вашето опкружување!
Новите „галакси С9 и С9+“ поседуваат автоматски детектор за движење, интелигентна карактеристика која детектира движење и автоматски почнува да снима сè, претворајќи приближно 0,2 секунди реални случувања во 6 секунди снимка. По снимањето со Super Slow-Mo функцијата, својот видеозапис можете да го збогатите со музика што ќе се слуша во заднина на видеото. Исто така, на едноставен начин, со помош на допир, може да креирате, уредувате и споделувате содржини во GIF-формат.
„Самсунг“ преку своите најнови премиум-мобилни уреди сега ви овозможува да креирате „емоџи“, кое изгледа, звучи и се однесува исто како вас. Пиктографите за изменета реалност (AR Emojis) со користење алгоритам за машинско учење и анализа на 2Д-фотографија од корисникот исцртуваат над 100 фацијални карактеристики за да креираат 3Д-модел што рефлектира и имитира експресии, како намигнување и потврдување со главата, за вистинска персонализација. Овие пиктографи ги споделуваат чувствата на корисниците од реалниот живот преку видео, но и преку широк спектар на сликички што користат стандарден AGIF-формат за датотеки овозможувајќи ви да ги споделите вашите пиктографи низ разни други платформи за разменување пораки.
За потсетување, „самсунг галакси С9“ има 5,8 инчи екран Quad HD+ Curved Super AMOLED, а екранот на „самсунг галакси С9+“ е со иста резолуција, со поголема дијагонала од 6,2 инчи, исто така со сооднос 18:5:9. Бесконечниот екран Super AMOLED се вклопува во телефонот речиси директно во телефонот без рабови што попречуваат. Со адаптабилно подобрување на контрастот корисниците може да го користат својот уред дури и на директна сончева светлина.
Адути што заслужуваат внимание се и „Бигзби“ – интелигентна платформа интегрирана во камерата, јасниот, чист и квалитетен звук благодарение на АКГ-звучниците поддржани од „Долби Атмос“ со ефект на звукот од 360 степени. „Галакси С9 и С9+“ се први паметни телефони што ја поддржуваат новата апликација SmartThings и може да се поврзат со други самсунг-уреди, а новата генерација „самсунг ДеХ“ е идеална за сите оние што константно се во движење. Уредите поддржуваат проширување на меморијата до 400 ГБ со микро СД-картичка и се опремени со најновите премиум-апликациски процесори, кои овозможуваат моќен перформанс и софистицирана обработка на сликата.
И двата најнови уреда од портфолиото на „Самсунг“ – „галакси С9 и С9+“ – се заштитени со Knox 3.1 – најновата и најсовремена надградба на безбедносната одбранбена платформа на „Самсунг“ и имаат три можности за биометриска проверка на автентичноста – со скенирање на окото, отпечаток од прстот, како и препознавање на лицето.
Од денес ултрамодерната комуникација со помош на новите „самсунг галакси С9 и С9+“ е на само чекор од вас! Посетете ги салоните на продажните партнери на „Самсунг“ – „Македонски телеком“, ВИП, „Сетек“ и „Нептун“ и одберете го вашиот „самсунг галакси С9“ или „С9+“ во неверојатни нијанси полноќно црна, корално сина и пурпурно виолетова и станете дел од големата самсунг-галаксија на корисници што уживаат во секој детаљ од своето секојдневие.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Николоски – Соријано-Ортиз: Авиолиниите до Мадрид и до Барселона се одлична можност за подoбрување на соработката меѓу двете држави
Билатералните односи меѓу Македонија и Шпанија дополнително ги зајакнуваме преку отворање на авиолинијата Скопје -Мадрид и претходно воспоставената линија Скопје -Барселона, истакнаа на денешната средба вицепремиерот и министер за транспорт Александар Николоски и амбасадорот на Кралството Шпанија, Рафаел Сориано Ортиз.
Двете авиолинии, информираше вицепремиерот, се дел од владината програма за развој на ависообраќајот преку кои се отвораат нови перспективи меѓу двете земји и за двата народи.
На средбата, исто така беа разменети и мислења и ставови за актуелните политички и економски прашања во земјава и регионот, притоа вицепремиерот Николоски истакна дека Македонија е влезена во инвестициски циклус во развој на патната и железничка мрежа со посебен акцент на коридорите кои треба да го придвижат регионалниот економски развој.
На средбата беа потенцирани и можностите за инвестирање во земјава, преку реализација на инвестиции во сектори од заеднички интерес.
На крајот од средбата двајцата соговорници се согласија дека соработката меѓу двете земји е на добро ниво и дека истата дополнително може да се зацврстува особено во делот на економијата.
Економија
УЈП: Инкасирани 2,3 милијарди денари или 37,4 милиони евра повеќе во буџетот споредбено со јули лани
Во јули 2025 година, Управата за јавни приходи оствари значителен раст на наплатата по основ на даноци и социјални придонеси за речиси 37,4 милиони евра во споредба со јули 2024 година.
Вкупната наплата од даноци (Данок на додадена вредност (ДДВ), данок на личен доход (ДЛД) и данок на добивка ДД) изнесува 14.344 милиони денари, односно приближно 233 милиони евра, што претставува рекордна месечна наплата досега.
По тој основ остварен е раст од 922 милиони денари или околу 15 милиони евра, што е раст од 6,9% во однос на јули 2024 година. Раст од 13,4% се бележи и кај социјалните придонеси, и по тој основ наплатени се 11.823 милиони денари (192,2 милиони евра), што е за 1.400 милиони денари (околу 23 милиони евра) повеќе наплатени средства од придонеси во споредба со истиот месец минатата година.
„Растот на приходите не е случаен – тој е резултат на зголемена економска активност, како и посветена работа, партнерство и доверба која Управата за јавни приходи постојано ја гради со даночните обврзници. Во изминатиот период, а во согласнст со законските надлежности, УЈП презеде низа мерки и е во постојан контакт со даночните обврзници и нивните овластени сметководители кои имаат пријавен, но ненаплатен долг за соодветниот даночен период. Целта е навремено подмирување на обврските и избегнување на блокада на сметки и дополнителни трошоци за присилна наплата“, велат од УЈП.
Во рамки на превентивните мерки, доставени се персонализирани пораки и известувања до обврзниците, со јасна порака за доброволно усогласување. Придобивката од овој пристап е јасна: се овозможува финансиска стабилност кај обврзниците, се избегнуваат санкции и се гради одржлива даночна историја, што директно придонесува за стабилни јавни финансии и позитивна деловна клима.
Економија
Од бесплатни услуги до премиум-привилегии, сè во една банка
Без разлика дали сте примател на плата, пензија или млад корисник на HalkЕz пакетот, да се биде клиент на Халкбанк значи можност, секојдневно да добивате повеќе.
Повеќе слобода, повеќе удобност, повеќе безбедност и пристап до услуги кои ви го олеснуваат животот, а притоа штедите време и пари.
Халкбанк за своите клиенти, приматели на плата/пензија овозможува бројни услуги кои се целосно бесплатни, како на пример подигнување готовина без провизија од сите банкомати, на сите банки, во земјата, со Mastercard дебитната картичка.
За младите до 24 години, HalkEz пакетот значи почеток на финансиска независност со поддршка, со бесплатно одржување на платежна сметка, бесплатно електронско и мобилно банкарство, Visa PayWave дебитна платежна картичка – без надоместок за годишна членарина со која можете да повлекувате готовина без надоместок од сите банкомати во земјата и странство.
За пензионерите, Халкбанк обезбедува сигурност и лесни пензионерски денови, преку редовна и навремена исплата на пензијата пред секој 1ви во месецот, како и преку овозможување на бесплатни услуги кои се дел од специјалниот Пакет за пензионери. Пензионерите добиваат бесплатна MasterCard дебитна картичка со која можат да подигнуваат готовина од сите банкомати, на сите банки во земјата без провизија, а дополнително и бесплатно електронско банкарство и бесплатна мобилна апликација. Интерните налози на шалтерите на банката се без провизија. За секоја направена трансакција, пензиониерите добиваат и бесплатни СМС известувања.
За оние што што бараат нешто повеќе, тука се Премиум картичките на банката. Во премиум програмата, Mastercard World Debit, Mastercard World Credit, Visa Platinum и Visa Gold на Халкбанк носат едно поразлично ниво на искуство.
Со дебитната премиум картичка Visa Platinum следува бесплатно подигање на готовина во странство, бесплатно електронското банкарство и СМС инфо, како и 2 бесплатни посети на LoungeKey и Fast Track услугата, додека со Mastercard World Debit добивате бесплатно годишен пристап од 6 влеза до аеродромските LoungeKey салони, како и Асистенција на пат – пакет Европа. Со Мastercard World Credit овозможен е бесплатен пристап до Lounge Key салоните за над 1400 аеродроми во светот, кадешто ќе најдете сè што ви е потребно за мирен старт на патувањето, удобни места за седење, бесплатни освежувања и пијалоци, Wi-Fi, електрични приклучоци, весници и она најважното, мир.
Со Visa Gold премиум картичката, корисниците покрај можноста за пристап до висок кредитен лимит и полиса за осигурување од незгода може да уживаат во привилегијата на бесплатна Fast Track услуга на аеродромот во Скопје, која овозможува побрзо завршување на административните формалности во делот за полетување, а кои вклучуваат пасошка контрола и безбедносна проверка.
Преку кредитната картичка Visa Travel се добива пристап и до иновативните ORYX услуги, кои нудат поддршка на пат (ORYX на пат) во случај на незгода или потреба од влечна служба и Drive Angel мобилна апликација која ги предупредува возачите на небезбедно возење, овозможува итни повици и повици во случај на несреќа и многу повеќе.
Како приматели на плата и корисници на Халк Смарт пакетот, за само 150 денари месечен трошок, добивате дебитна картичка со можност за повлекување готовина од сите банкомати, на сите банки во земјата без провизија, без годишна членарина и без трошок за редовно реиздавање. Во рамки на пакетот е вклучено и електронско т.е. мобилно банкарство, без никакви дополнителни трошоци за месечно одржување, како и со неограничен број на бесплатни електронски, интерни или меѓубанкарски, налози ПП30 и ПП50. Со пакетот добивате и бесплатни СМС известувања за сите извршени трансакции. Како дополнителна вредност за корисниците на пакетот, вклучен е и подарок ORYХ Home Аssistance – поддршка за поправки во домот, без надомест.
Со Халкбанк, добивате многу повеќе од обична банкарска услуга, добивате партнер кој е тука за вас во секој чекор. Со транспарентни услуги, практични решенија и постојана грижа за клиентите, Халкбанк е ваш доверлив финансиски партнер.
(ПР)
Извршил обљуба врз деветгодишно девојче: уапсен скопјанец
Вчера полициски службеници од СВР Скопје го лишиле од слобода Л.О.(32) од скопско село. Полицијата постапила по претходна пријава дека...
Семејството го барало неколку дена, во куќа во Кавадарци пронајден починат маж покриен со земја
Полицијата пронајде починат 42-годишен маж во Кавадарци, постојат сомненија за убиство. Дежурен јавен обвинител од Основното јавно обвинителство Кавадарци изврши...
Скопјанец преку веб-страница продавал билети за непостоен концерт
Полицијата поднесе кривична пријава за скопјанец кој преку веб-страница продавал билети за непостоен концерт. Денеска, Секторот за компјутерски криминал поднесе...
Клиниката за детски болести доби нов дигитален мобилен рендген-апарат, донација од Јапонија
На Клиниката за детски болести денеска беше промовиран дигитален мобилен рендген-апарат, обезбеден со поддршка од Амбасадата на Јапонија. „Станува збор за...
Разоткриена мрежа на шверцери – купувале цигари на фришоп во Грција и ги пренесувале со цистерна со нафта
Царинска управа преку Секторот за контрола и истраги, откри и спречи криминална шема поврзана со шверц на цигари. Против пет...
Гром го предизвикал пожарот во велешката фабрика, велат од „Мирана“
Удар од гром е причината за пожарот што синоќа избувна во дел од производствениот погон на „Биокосмос“ во Велес, информираат...
(Видео) Еден качен на хауба, друг вози без дозвола – поднесени пријави за скопјаните што дивееја на улиците
Министерството за внатрешни работи поднесе пријави против двајца млади скопјани, откако на социјалните мрежи се појави видео од опасна и...
Полициска интервенција во Струга: Над 500 лица и 120 луксузни возила на собир по полноќ, запленети автомобили
Доцна синоќа, нешто по полноќ, струшката полиција интервенирала на паркинг во градот по пријава за гласна бучава и вознемирување на...
Сѐ повеќе луѓе остануваат без работа поради вештачката интелигенција – најголем удар врз младите
„Мајкрософт“ годинава отпушти повеќе од 15.000 луѓе, од кои 9.000 само во јули, што е речиси 7 отсто од вкупната...
(Видео) Охридско лето со концерт на Ана Дурловски го прослави 65. роденден
Со концерт на реномираната македонска сопранистка, првенката на Националната опера и балет, Ана Дурловски која настапи со пијано придружба на...
Променливо облачно и нестабилно со локален пороен дожд и грмежи, наместа во форма на невреме
Променливо облачно и нестабилно со локален пороен дожд и грмежи. Наместа процесите ќе бидат поинтензивни во форма на невреме со...
Почувствуван земјотрес во Македонија
Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот...
Мицкоски со остра осуда за скандирањата на ксенофобични пораки и национализам на натпреварот Македонија-Романија во Куманово
Премиерот, Христијан Мицкоски денес одговарајќи на новинарско прашање остро го осуди скандирањето на натпреварот Македонија-Романија во Куманово од страна на...
Објавен огласот за финансиска поддршка за сметките за струја за ранливи потрошувачи
Министерството за енергетика, рударство и минерални суровини го објави јавниот оглас за финансиска поддршка за потрошена електрична енергија за ранливи...
Обид за убиство во Струга – со нож го избол во стомакот, рацете и во вратот
Основното јавно обвинителство Струга отвори истрага против две лица, од кои едното е осомничено за обид за убиство и насилство,...
Силен скок на цената на нафтата на светските пазари
По две недели пад, цените на нафтата нагло пораснаа на светските пазари, за повеќе од шест проценти, поддржани од постигнувањето...
Активни четири пожари во Македонија
До 07:00 часот утрово регистрирани се 23 пожари во Македонија, од кои четири се активни, два се под контрола, а...
Трамп се закани: Путин има рок до петок
Американскиот претседател Доналд Трамп изјави дека неговиот специјален претставник Стив Виткоф би можел да отпатува во Русија, можеби в среда...
Русија и Кина одржуваат воени вежби во морето крај Јапонија
Русија и морнариците на Кина одржуваат заеднички артилериски и противподморнички вежби во Јапонското Море како дел од планираните воени маневри,...
Доаѓа невреме – силен ветер, пороен дожд и град ќе ја погодат Македонија
Управата за хидрометеоролошки работи информира дека под влијание на влажна и нестабилна воздушна маса, во понеделник и вторник на повеќе...
