Економија
Снаата на Ласкова се откажува од сопствеништво, дали фирмата ќе го добие грантот за иновации од 20 милиони денари?
Снаата на Цветанка Ласкова, Христина Керкез, се повлекува од сопствеништвото на фирмата „Декодикс“ на која ѝ е одобрен грант од близу 20 милиони денари од Фондот за иновации. Договорот со „Декодикс“ не е потпишан и парите не се исплатени токму поради поврзаноста на фирмата со лице носител на јавна функција. Пејачката Цветанка Ласкова е советничка во канцеларијата на премиерот Зоран Заев.
Дали ќе им бидат исплатени парите на оваа и на уште три компании кои до Фондот за иновации доставија изјави за поврзаност со лица носители на јавни функции, зависи од Комитетот за одобрување инвестиции во Фондот за инвестиции и технолошки развој. Фондот побара од компаниите со одобрени грантови да достават изјави за поврзаност со носители на јавни функции под притисок на јавноста откако беше објавено дека државни пари добиле приватни фирми во кои како сопственици се јавуваат вицепремиерот за економски прашања, Кочо Анѓушев, и пратеникот Хари Локвенец. Анѓушев и Локвенец се откажаа од одобрените грантови и ги повлекоа апликациите. Комитетот повторно ќе ги разгледува апликациите на компаниите кои се изјаснија дека се поврзани со лица на јавни функции, меѓу кои е и „Декодикс“.
Директорот на Фондот, Јован Деспотовски, вели дека во пресрет на седницата на Комитетот на која ќе се одлучува за четирите компании, добиле известување од „Декодикс“ за промена на сопственичката структура.
Пред десетина дена во Фондот е доставено известување од компанијата ‘Декодикс’ за почната постапка за изземање од сопственичката структура на Христина Керкез, вели директорот Јован Деспотовски
„Пред десетина дена во Фондот е доставено известување од компанијата ‘Декодикс’ за почната постапка за изземање од сопственичката структура на Христина Керкез. Очекуваме и известување дека е направена промената, но тоа нема да влијае на Комитетот, кој секако ќе ја разгледа и апликацијата на оваа компанија и ќе донесе одлука дали да им бидат исплатени средствата исто како и на другите три компании кои доставија изјави дека се поврзани со носители на јавни функции“, изјави за „Макфакс“ директорот на Фондот, Јован Деспотовски.
Од „Декодикс“ беа недостапни да објаснат дали промената на сопственичката структура ја прават само за да ја отстранат пречката за добивање на 20-те милиони денари од Фондот за иновации.
На седница на Комитетот се чека два месеца. Директорот Деспотовски објаснува дека Комитетот првпат е соочен со расправа за поврзаност на компании со јавни функционери па од тука нема конкретен рок во кој тоа треба да се заврши. Деспотовски вели дека сепак ќе настојуваат одлуката да се донесе до крајот на месецов бидејќи им следуваат нови повици на кои би можеле да се соочат со нови изјави за поврзаност со функционери. Изминативе два месеца подготвувале упатство по кое ќе се постапува во вакви случаи.
„Имајќи предвид дека станува збор за нова процедура во работењето на Фондот, што се применува за првпат и во јавниот сектор во Република Македонија, во изминатите неколку недели реализирани се консултации со домашни и меѓународни експерти. Истото, со цел да се дојде до ефикасен модел за разгледување и одлучување во случаи на компании каде во сопственичката структура има носители на јавни функции или членови на нивни семејства. Бидејќи изјавата за сопственичка структура сега е и задолжителен документ при аплицирање на сите јавни повици на Фондот, ваквото упатство ќе се примени не само за четирите компании од првиот повик туку и за сите повици во иднина, како дел од системско решение. Очекуваме постапката за подготовка на упатство и одлучување на Комитетот да се заокружат во најкус можен рок, за што јавноста ќе биде навремено информирана“, рече директорот Деспотовски.
Покрај за „Декодикс“, од каде се изјаснија за поврзаност со Цветанска Ласкова, Комитетот треба повторно да ги разгледа апликациите и на „Т- сенс“ поврзана со сопругата на актуелниот министер за култура, Асаф Адеми, која веќе се иззема од сопственичката структура и за тоа го извести Фондот, на „Микросам“ од Прилеп, сопственост на поранешниот министер без ресор Веле Самак, и на „Контура“, сопственост на Елена Донева, член на потесното семејство на поранешниот амбасадор Јован Донев.
На останатите 73 компании, добитници на грантови за иновации кои не се поврзани со функционери, веќе им се исплатени 45 милиони денари, а тие, пак, вложиле во проектите сопствени 26 милиони денари, вкупно. Исплатата е во тек и се врши во моментот кога компаниите ќе донесат доказ во Фондот дека ги уплатиле сопствените средства.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
„Тик-ток“ казнет со 530 милиони евра
„Тик ток“ е казнет со 530 милиони евра во Европската Унија поради непочитување на прописите за заштита на податоците на корисниците.
Највисокиот регулатор за заштита на податоци на ЕУ ја казни платформата „Тик-ток“ со 530 милиони евра поради загриженост за тоа како ги заштитува личните податоци на корисниците.
Регулаторот исто така ѝ наложи на платформата да го суспендира преносот на податоци во Кина доколку обработката на податоци не се усогласи со законите на ЕУ во рок од шест месеци, објави „Ројтерс“. Ирската комисија за заштита на податоците (DPC) соопшти дека „Тик-ток“, кој е во сопственост на кинеската компанија „Бајт денс“, не може да докаже дека личните податоци на корисниците од ЕУ се соодветно заштитени во согласност со законите на ЕУ.
„Тик-ток“ објави дека ќе поднесе жалба на пресудата тврдејќи дека ја користел законската рамка на ЕУ, особено стандардните договорни клаузули, за да овозможи строго контролиран и ограничен далечински пристап.
Економија
Народната банка ја додели годишната награда за млади истражувачи за 2025 година
По повод денот на монетарната самостојност, Народната банка традиционално ја додели Годишната награда за млади истражувачи за најдобар труд од областа на макроекономијата и банките и банкарските системи. Добитничка на првата награда за 2025 година е Јасна Тоновска, асистентка и докторантка на Економскиот факултет при Универзитетот „Св. Кирил и Методиј“ во Скопје, за трудот со наслов „Волатилноста на меѓународните финансиски текови: импликации за македонската економија“.
Во трудот се посочува дека изразената променливост на меѓународните финансиски текови носи ризици за економските остварувања во земјата, особено на среден рок, при што се заклучува дека макропрудентните мерки претставуваат ефикасен инструмент за ублажување на негативните ефекти од оваа променливост, којашто станува особено изразена по 2020 година, како резултат на засилената светска неизвесност и сѐ поголемите геополитички тензии.
По повод доделувањето на наградата, во Народната банка се одржа средба со наградената истражувачка, гувернерката Анита Ангеловска-Бежоска и Одборот за оценување трудови составен од вицегувернерката Ана Митреска (претседателка) и членовите Султанија Бојчева-Терзијан, директорка на Секторот за монетарна политика, истражување и статистика и Мите Митески, помошник на вицегувернерот, како и вицегувернерите Емилија Нацевска и Фадил Бајрами.
На средбата се разменија мислења за наградениот труд и за значењето на истражувачката работа при носењето политики засновани на докази. Акцентот беше ставен на важноста на поддршката што Народната банка им ја дава на младите истражувачи заради унапредување на истражувачката дејност во земјата. Имено, во изминатите деветнаесет години, токму преку оваа награда, Народната банка активно придонесува за поттикнување на истражувачката активност на младите во областа на макроекономијата и банкарството, со што се зголемува нивниот научен придонес со практична вредност при носењето на политиките.
Според традицијата, наградениот труд ќе биде презентиран на некоја од следните сесии на Клубот на истражувачите на Народната банка, којшто функционира како платформа за развој на истражувачката мисла и мрежа за поврзување на експертите од овие области.
Доделувањето на наградата е дел од одбележувањето на 33-годишнината од монетарното осамостојување и формирањето на Народната банка. Постојаното јакнење на институционалните и истражувачките капацитети ѝ овозможи на Народната банка да се издигне како реномирана и кредибилна институција на меѓународно ниво, со голем придонес во обезбедувањето на макроекономската и финансиската стабилност во земјата.
Свет
Пресврт во трговската војна – САД побараа разговори со Кина
Соединетите Американски Држави се обратија до Кина за да побараат разговори за царините од 145 проценти што ги воведе претседателот Доналд Трамп, а вратата на Пекинг е отворена за разговори, соопшти утрово кинеското Министерство за трговија сигнализирајќи потенцијално ублажување на трговската војна.
„САД треба да бидат подготвени да преземат мерки за да ги исправат погрешните практики и да ги откажат едностраните царини“, соопшти Министерството за трговија додавајќи дека Вашингтон мора да покаже искреност во преговорите.
„Обидот да се искористи разговорот како изговор за принуда и изнуда нема да функционира“, соопшти Министерството за трговија.
Пекинг отворено го изрази својот гнев поради царините за кои вели дека не може да го запрат подемот на втората по големина економија во светот. Тој го фокусира својот гнев на поттикнување на јавната и глобалната осуда на американските ограничувања за увоз.
„Кина сака да се сретне и да разговара за трговија, а разговорите ќе следуваат набргу“, изјави синоќа американскиот државен секретар Марко Рубио за „Фокс њуз“.
„Нашиот министер за финансии Скот Бесент е вклучен во овие напори и нивните дискусии ќе следуваат набргу“, рече тој додавајќи дека прашањето е колку САД треба да купуваат од Кина во иднина.
Трамп завчера изјави дека верува оти постои многу голема шанса неговата администрација да постигне договор со Кина.
Тој го изјави ова неколку часа откога кинескиот претседател Шји Џјинпинг ги повика официјалните лица да преземат мерки за приспособување кон промените во меѓународната средина, без конкретно да ги спомене САД.
„Мерцедес“ се заби во група пешаци во Штутгард
Автомобил „мерцедес“ денеска удри во група луѓе на пешачки премин во центарот на Штутгарт, Германија, при што се повредени неколку...
Ахмети вели дека ако излезе на улица нема враќање назад, „Вреди“ со коментар дека улицата е на народот, а не на милионерите
Можно е симпатизерите на ДУИ да излезат на улица, вели Али Ахмети, поради случајот со ексминистерот, Крешник Бектеши, кој се...
Америка се повлекува од мировните преговори меѓу Русија и Украина
САД повеќе нема да посредуваат во мировните преговори меѓу Украина и Русија откога Владимир Путин одби да се согласи на...
Караџов за Коридорот 8: Николоски раскажува македонски приказни пред спиење, каде е да го потпише договорот
Имам чувство дека Николоски раскажува македонски приказни пред спиење, коментира вицепремиерот и министер за транспорт, Гроздан Караџов, во врска со...
Мицкоски: Јавниот и државниот долг најниски во последните 5 години
Премиерот Христијан Мицкоски, денеска, одговарајќи на новинарско прашање во однос на нивото на јавниот и на државниот долг и очекувањата...
Скопската ЗОО од утре може да биде затворена, вработените од вчера се и без здравствено осигурување, а плата немаат 45 дена
Доколку не им биде исплатена платата за март на вработените, веројатно скопската Зоолошка градина од утре ќе биде затворена за...
Осум пациенти се враќаат од лекување од Турција, Бугарија и од Словенија, во странство остануваат хоспитализирани 18
Министерството за здравство информира дека денеска уште осум пациенти од повредените во трагедијата во Кочани се враќаат од лекување, од...
Независниот синдикат на полицијата со најава за полициски протест: „Молчењето нѐ донесе под минималецот“
Независниот синдикат на полицијата со најава за полициски протест. „Како што ветивме после првомајската парада, на 2 Мај го најавуваме...
Разузнавачките служби: Целите на Путин се променија
Нови разузнавачки информации споделени од американски и западни претставници сугерираат дека рускиот претседател Владимир Путин го префрлил својот непосреден фокус...
Македонија со пад од шест места на Индексот за слобода на медиумите
Падот на Македонија за шест места на Индексот за слобода на медиумите за 2025 година, објавен од „Репортери без граници“,...
Венс: Војната во Украина нема да заврши набргу
Американскиот потпретседател Џеј-Ди Венс вчера за „Фокс њуз“ изјави дека војната во Украина нема да заврши набргу, а американскиот државен...
Субвенции за струја за ранливи домаќинства: обработени 745 апликации, следува исплата
Министерството за енергетика, рударство и минерални суровини ги финализира административните проверки на апликациите пристигнати по јавниот оглас за финансиска поддршка...
Пресврт во трговската војна – САД побараа разговори со Кина
Соединетите Американски Држави се обратија до Кина за да побараат разговори за царините од 145 проценти што ги воведе претседателот...
Исчезнатиот рибар кај Злетовска Река најден мртов
Пронајден е починат исчезнатиот рибар Кире Павлов од Пробиштип. Неговото исчезнување во полицијата го пријавил Благој Стојанов од истиот град кој...
МВР трага по осумгодишно момче кое исчезнало во Скопје
Осумгодишниот А.Џ., кој имал здравствени проблеми се оддалечил од местото каде што престокувал со својот татко. За случајот, полицијата во...
Зеленски: Договорот за минералите е прв резултат од мојата средба со Трамп во Ватикан
Украинскиот претседател, Володимир Зеленски, денеска го нарече историски договорот за минерали меѓу САД и Украина. „Ова е првиот опиплив исход...
Владата: Сметки од услугите од бифињата, СДСМ ги прикажува како трошоци за ручеци на министри
Владата во целост ги демантира, како што ги нарекува, лажните и манипулативни наводи на партијата СДСМ за сметките. Според Владата,...
Сиљановска-Давкова: Работниците и синдикатите со право протестираат за повисоки плати и пошироки права
Порака од претседателката Сиљановска-Давкова по повод 1 Мај – Меѓународниот ден на трудот: Денеска го славиме 1 Мај – Меѓународниот...
„Платите во Македонија се мизерни“ – синдикалците побараа минимална плата од 500 евра
Платите во Македонија се мизерни и не се зголемуваат онака како што е предвидено со колективните договори. Сојузот на синдикати на Македонија...
(Видео) Власта за четири месеци потрошила 30.000 евра на јадење по ресторани, вели Кузеска од СДСМ
Портпаролката на СДСМ, Богданка Кузеска, објави дека во држава каде што работниците бројат денови до платата, министри од ВМРО-ДПМНЕ трошат...
