Економија
Услугите на Халкбанк достапни преку 327 активни поштенски единици

Денеска е речиси невозможно да се замисли животот без банките. Сите ние користиме широк спектар на банкарски услуги и производи – плаќања, штедење, финансирање на тековната потрошувачка, долгорочни инвестиции и друго. Меѓутоа, сега за добивање некоја банкарска услуга не мора да се оди исклучиво во банка, туку, истите можат да се добијат и во најблиската пошта, што е особено важно за сите оние кои живеат во населени места во кои што нема експозитури на банки. Благодарение на партнерството меѓу Македонска пошта АД и Халкбанк АД Скопје преку која се одвива платниот промет во Пошта, овие две институции станаа најголемиот канал за дистрибуција на банкарски услуги во Македонија.
Имено, во која било од 327 активни поштенски единици на Пошта, што располагаат со 476 шалтерски места, можат да се реализираат сите безготовински плаќања (за клиенти на Халкбанк АД Скопје) и плаќања во готово, кои вклучуваат и плаќање сметки за режиски трошоци по најконкурентни цени на пазарот во однос на цените на домашните банки за готовински плаќања. Но, може да се добие и пристап до други банкарски услуги што ги нуди Халкбанк. Имено, во сите поштенски единици, жителите можат да поднесат барање за отворање на сметка во Халкбанк и со тоа да станат клиенти на банката, што пак носи можност за безготовинското плаќање на сметки и други режиски трошоци преку сопствената сметка во банката, со пониски провизии.
На шалтерите на Пошта, освен отворање сметка, можат да се добијат и низа други банкарски услуги кои ги нуди Халкбанк. Па така, можат да се поднесуваат барања: за ажурирање на личните податоци, апликација за кредит – потрошувачки, за пензионери, станбен, хипотекарен и автомобилски. На кој било шалтер на Пошта жителите исто така можат да поднесат и барање за добивање дебитна или кредитна картичка, за дозволено пречекорување што е овозможено за сите приматели на плата или пензија преку Халкбанк, за електронско банкарство, барање за СМС услуги, за студентски пакет или за добивање пензија преку Халкбанк и други банкарски услуги.
Со цел на клиентите да им бидат достапни своите средства до својот дом и да си го заштедат своето време им се овозможува достава на пензија и социјални права на домашна адреса. За оваа услуга клиентите може да се пријават преку сите филијали на банката и преку сите шалтерски места на пошта.
Од неодамна Халкбанк исто така овозможи повлекување на готовина со дебитни и кредитни картички на ПОС терминалите на дел од шалтерите низ поштенските единици. Клиентите со своите картички можат да си подигнат готовина на места кои не се покриени со мрежа на банкомати. Дополнително преку ПОС терминалите на Халкбанк може да се плаќаат режиски трошоци и налози за плаќање.
Партнерството меѓу Пошта и Халкбанк овозможи проширување на достапноста на банкарските услуги до сите средини во чија близина нема банкарски филијали или експозитури, придонесувајќи на тој начин за подобрување на квалитетот на животот во сите средини во земјата.
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
(Видео) Стојаноски: Растот на реалната плата е двојно поголем за една година со ВМРО-ДПМНЕ отколку 7 со СДС, а инфлацијата е 30 отсто помала

„Растот на реалната плата е двојно поголем за една година со ВМРО-ДПМНЕ отколку за 7 со СДСМ, а инфлацијата е 30% помала. Имено во период јули 2024 до јули 2025 растот на реалната плата e 6.7%, додека во период јули 2017 до јули 2024 растот бил само 3.5%“, рече Бојан Стојаноски, пратеник на ВМРО-ДПМНЕ.
„Реалната плата е вистинската куповна моќ на платата, не номинален износ, туку вредностен.
Растот на реалната плата во време на ВМРО-ДПМНЕ покажува неколку работи: Дека инфлацијата е намалена, дека растот на економијата е забрзан, дека потрошувачката е зголемена, дека производството расте и дека довербата во економијата е голема.
Бројките јасно покажуваат дека инфлацијата е стабилизирана и под контрола. Во период јули 2024 до јули 2025 просечната стапка на инфлација е 3.6%, додека во период од јули 2017 до јули 2024 просечната стапка на инфлацијата е 4.8%.
Бројките се многу јасни. Во време на СДСМ добро им одеше само на неколкумина бизнисмени блиски до власта, кои беа главни тендераши. Во време на ВМРО-ДПМНЕ економијата оди напред, има раст и развој кој е сеопфатен и го чувствува секој граѓанин“, изјави Бојан Стојаноски, пратеник на ВМРО-ДПМНЕ.
Економија
Позначајни движења кај каматните стапки на банките и штедилниците

Годишен раст на просечната каматна стапка на вкупните депозити од 0,28 п.п., при што во јули таа изнесува 2,21%, извести Народната банка.
Просечната каматна стапка на вкупните кредити бележи годишен пад од 0,55 п.п. и изнесува 4,91%.
Најновото соопштение за позначајните движења кај каматните стапки на банките и штедилниците е достапно на следната врска.
Економија
Министерството за енергетика: Нов закон за рударство, транспарентен процес, ќе се прифатат конструктивните предлози

Министерството за енергетика, рударство и минерални суровини (МЕРМС) ја истакнува транспарентноста и вклученоста како основни принципи во подготовката на новиот Закон за рударство. Законот уште во рана фаза беше јавно објавен на платформата ЕНЕР со цел да биде достапен за увид и анализа од сите засегнати страни, а јавната расправа резултираше со исклучително голем одзив.
Јавноста имаше можност во период од 30 дена да го разгледа првичниот текст на Законот за рударство, кој беше јавно објавен на платформата ЕНЕР. Јавниот увид траеше до 28 август 2025 година, а во овој период пристигнаа бројни мислења, предлози и забелешки од компании, институции, стручната и граѓанската јавност, информираат од таму.
„Јавната расправа ни овозможи вредни препораки и забелешки за Нацрт-законот. Паралелно започнуваме со следната фаза од усогласување на законскиот предлог. Ги разгледуваме сите доставени предлози и забелешки и ќе организираме работни средби со оние кои се изјасниле за предлог-текстот. Нашата цел е да добиеме усогласено, јасно и спроведливо законско решение кое ќе обезбеди заштита на животната средина, висока безбедност при работа и предвидлива инвестициска рамка,“ изјави министерката за енергетика, рударство и минерални суровини Сања Божиновска.
Со ова, како што е истакнато, Министерството уште еднаш потврдува дека е отворено за дијалог, соработка и заедничко креирање на законски решенија, со единствена цел – модерна и правична рамка за рударството во Македонија. Во наредниот период, МЕРМС ќе ги разгледа детално сите пристигнати предлози и ќе ги прифати оние кои се во насока на подобрување на законското решение, во интерес на државата и граѓаните.
Министерството, додаваат од оваа иституција, останува цврсто определено во подготовката на законот да се води според највисоките европски стандарди, со цел да обезбеди современа и одржлива рамка за развој на рударството.
„Финалниот закон ќе овозможи: одржлива експлоатација и преработка на минерални суровини според највисоки стандарди, засилена контрола и транспарентност во сите процеси, задолжителни мерки за рекултивација и заштита на локалните заедници, јасна и правично поставена регулатива за сите учесници во секторот.
Министерството нагласува дека инсистира на строга примена на правилата и нулта толеранција за прекршувања, во интерес на безбедноста, заштитата на животната средина и добросостојбата на локалните заедници.