Контакт

Економија

Окта ги објави финансиските резултати за вториот квартал/првата половина од 2024

Објавено пред

Силна профитабилност поттикната од остварувањата на извозниот пазар кои ги надминаа очекувањата, и покрај падот на меѓународните цени

dobivaj vesti na viber
Втор квартал 2024 Втор квартал 2023 % Δ (износ во милиони денари) Прва половина 2024 Прва половина 2023 % Δ
11.668 10.347 13% Приходи од продажба 22.540 22.462 0%
205 208 -1% Бруто маржа 443 383 16%
159 155 3% Оперативни трошоци 318 306 4%
103 108 -5% ЕБИТДА 241 185 30%
37 6 497% Добивка пред оданочување 114 44 162%
32 5 480% Нето приход 99 37 166%
147 236 -38% Прилагодена ЕБИТДА* 257 448 -43%

*Прилагодена на ефектот на вреднувањето на залихите

ОКТА ги објави финансиските резултати за првата половина од 2024 година со ЕБИТДА во износ од 241 милион денари, што е зголемување од 30% споредено со првата половина од 2023, пред сè поради зголемената продажба на извозниот пазар, покачените извозни маржи и негативното влијание на вреднувањето на залихите, кое беше поизразено во првата половина од 2023. Бруто маржата во првата половина на 2024 година изнесуваше 443 милиони денари, што е пораст од 16% споредено со истиот период минатата година. Добивката пред оданочување изнесуваше 99 милиони денари.

 

Геополитичките тензии продолжија во текот на првата половина на 2024, создавајќи потенцијални ризици кои пак дополнително придонесоа за нестабилно пазарно опкружување исполнето со предизвици. Економската неизвесност и инфлаторните притисоци, иако послаби од претходната година, и понатаму ги отежнуваа деловните активности на економски план, влијаејќи на производните трошоци и на побарувачката од потрошувачите. Но, и покрај овие предизвици, ОКТА останува лидер во снабдувањето со нафтени деривати, ефективно справувајќи се со опкружувањето полно со предизвици преку внимателно следење на случувањата, осигурувајќи доследно и висококвалитетно снабдување со горива на локалниот и соседните пазари. Овој пристап не само што обезбеди сигурност, туку и го поддржа континуираниот раст и општествениот придонес на компанијата.

 

Во вториот квартал од 2024 година обемот на продажба изнесуваше 303 илјади м³, што претставува зголемување од 4% споредено со истиот пери во 2023-та  година, поттикнато од проширувањето на извозниот пазар, што доведе до зголемување на продажбата од 17% во споредба со истиот период минатата година. Приходите од продажбата во вториот квартал на 2024 година изнесуваат 11.668 милиони денари, односно +13% споредно со истиот период минатата година, поттикнати од продажните остварувања на извозниот пазар кои ги надминаа очекувањата. Прилагодената ЕБИТДА во вториот квартал од 2024 година достигна 147 милиони денари со пад на годишно ниво предизвикан од повисоки оперативни расходи и пониска единечна маржа на домашниот пазар, поттикната од продажниот микс.

 

Во првата половина од 2024 година компанијата инвестираше вкупно 36 милиони денари во изградбата на фотоволтаична централа од 12 MW која беше започната минатата година, а се очекува да биде пуштена во употреба во втората половина од 2024 година. Оваа инвестиција е во чекор со стратешките приоритети на компанијата да ги унапреди своите инвестиции во почисти облици на енергија, да ги намали емисиите на јаглерод диоксид и да придонесе за одржливост на животната средина, притоа обезбедувајќи значителни економски придобивки.

 

Покажувајќи ја својата посветеност на безбедноста и одговорните практики, ОКТА отвори Тренинг-центар за противпожарна заштита од нафтени деривати, прв од ваков вид во земјата. Лоциран во кругот на ОКТА и целосно опремен со реквизити за да овозможи сигурна и безбедна обука, центарот има за цел да обезбеди вештини, знаење и ресурси на противпожарниот тим на компанијата за ефикасна борба против пожарите и заштита на објектите, но и на околните заедници. За почеток, центарот ќе се фокусира на обучување на вработените во ОКТА за техники за гаснење пожари и спроведување заеднички вежби со локалните противпожарни единици, со кои компанијата има воспоставено партнерство. Понатамошните планови вклучуваат проширување на капацитетот за да се зголеми бројот на обуки и за други видови пожари и ставање на располагање на истиот на државни институции и компании за нивните потреби за противпожарна обука.

 

Раководството на ОКТА и понатаму будно го следи опкружувањето исполнето со предизвици и преку проактивно планирање ја придвижува компанијата напред преку искористување на новите можности, со цел да ги подобри деловните остварувања и да ја зголеми оперативната ефикасност.

ПР текст

Економија

Перински: Нови 116 милиони денари за поддршка на развојот на најмалку развиените региони

Објавено пред

Од

Денеска, на 40. седница на Советот за рамномерен регионален развој, со која претседаваше министерот за локална самоуправа, Златко Перински, беа разгледани и усвоени предлог одлуките за распределба на средства од Програмата за рамномерен регионален развој. Практично, со ова заврши првата фаза за распределба на средствата од буџетската Програма за рамномерен регионален развој и одлуките ќе бидат доставени до Владата на усвојување, со што ќе се овозможи финансирање на 47 проекти во вкупна вредност од приближно 116 милиони денари.

dobivaj vesti na viber

Проектите што ќе бидат поддржани се насочени кон развојот на планските региони, подрачјата со специфични развојни потреби, селата и урбаните подрачја. Средствата се распределуваат според степенот на развиеност на регионите, при што најголема поддршка добиваат регионите со најнизок степен на развој.

„Оваа програма е од исклучително значење за нашата држава. Соодветната распределба на финансиските средства ќе придонесе за зајакнување на локалните заедници, унапредување на инфраструктурата и создавање подобри услови за живот на граѓаните“, истакна министерот Перински по седницата на Советот кој практично е координативно тело меѓу надлежните министерства што имаат буџетски програми со влијание на регионалниот развој, но обезбедува и координација со Советите за развој на планските региони, каде членуваат градоначалниците од соодветниот плански регион.

Прикажи повеќе...

Економија

Огњен Лазиќ ја презема функцијата генерален директор на Пивара Скопје

Објавено пред

Од 1 јуни, нов генерален директор на Пивара Скопје е Огњен Лазиќ. Тој доаѓа на местото на Душан Митрев, кој е унапреден на нова позиција во рамки на Coca-Cola HBC групацијата.

dobivaj vesti na viber

Новиот генерален директор Лазиќ доаѓа од позицијата директор за маркетинг и комерцијална извонредност во „Бамби“, Србија. Има богато искуство во индустријата за пијалаци и финансиски менаџмент, како и во управување со развој на стратегии за раст на бизнисот.

„Голема чест е да се преземе раководење на компанија со едновековна традиција, која зад себе има препознатливост, стабилност, тим со искуство, но и огромен потенцијал за раст. Заедно со тимот ќе работиме на унапредување на ефикасноста, воведување иновации во работата, проширување на нашето портфолио и уште поголема поврзаност со консументите. Целта е јасна, да останеме вистински 24/7 партнер за пијалаци и прв избор на пазарот“ изјави Лазиќ.

Лазиќ претходно бил директор за финансии на „Бамби“ од 2018 година, а исто така работел и во индустријата за пијалаци и како консултант во ЕУ. Лазиќ е препознатлив по својот иновативен пристап во менаџирањето, како и по креирање ефикасни синергии помеѓу различни сектори и тимови, со цел подобрување на резултатите и оптимизација на процесите.

Неговата експертиза и постигнати резултати ќе бидат силна основа за понатамошен раст на Пивара Скопје, со фокус на иновации во бизнисот, унапредено корисничко искуство и поттикнување на развој на таленти во рамки на компанијата.

Пивара Скопје останува посветена на својата мисија, да креира 24/7 портфолио за секој ден од денот слушајќи ги потребите на консументите. Компанијата продолжува да работи на јакнењето на позициите на пазарот, градењето највисоко ниво на задоволство кај потрошувачите, како и со реализацијата на бројни општествено-одговорни проекти кои се една од нејзините главни одлики. Пивара Скопје е дел од глобалните групации Coca-Cola HBC и Heineken N.V.

ПР

Прикажи повеќе...

Економија

Божиновска: Соларни покриви, стабилни сметки, Македонија гради енергетска иднина за сите

Објавено пред

Македонија е подготвена за нов енергетски модел – праведен, транспарентен и социјално одговорен. Тоа беше пораката на денешниот настан на кој беше промовиран извештајот на Центарот за развој на ОЕЦД: „Цени на енергија и субвенции во Западен Балкан: Реформи за фер и зелена иднина“, на кој се обрати министерката за енергетика, рударство и минерални суровини, Сања Божиновска.

dobivaj vesti na viber

Извештајот, подготвен со поддршка на меѓународни партнери, дава јасен преглед на фискалните трошоци поврзани со субвенционирањето на енергијата, со посебен фокус на периодот на енергетската криза во 2021–2022 година.

Според анализата, Македонија во периодот 2018–2023 издвојува сериозни средства, директна поддршка за енергетскиот сектор. Како што истакна министерката Божиновска, најголем дел од овие средства биле наменети за амортизирање на ценовните шокови и заштита на животниот стандард на граѓаните во време на глобални кризи. Но, како што укажува и извештајот, постојниот модел на униформни субвенции често придонесува за поголем трансфер кон домаќинствата со повисока потрошувачка, наместо кон ранливите категории.

„Со новиот Закон за енергетика направивме клучен исчекор – преминуваме од универзална поддршка кон таргетирана социјална заштита, базирана на реалните услови на домаќинството, а не само на потрошувачката,“ изјави Божиновска, најавувајќи дека во соработка со Министерството за социјална политика се воспоставува и методологија за мерење на енергетската сиромаштија.

Министерката го потенцираше и системот на блок-тарифи што се применува од јули 2022 година, но посочи на неговите ограничувања: „Семејства со повеќе членови или лица со хронични заболувања, кои имаат реална потреба од повисока потрошувачка, се изложени на повисоки цени и покрај нивниот социјален статус.“

Во панел-дискусијата со клучни чинители од институциите, граѓанскиот сектор и меѓународни партнери, беа отворени прашањата за либерализацијата на пазарот, финансирањето на енергетската транзиција и потребата од иновативни решенија и праведна распределба на јавните средства.

Законот за енергетика предвидува и нови механизми за заштита на ранливите потрошувачи – како директна финансиска поддршка, забрана за исклучување од мрежа во зимски услови и субвенции за енергетска ефикасност. Дополнително, се воведува и можност секој потрошувач да го смени својот снабдувач за струја во рок од 48 часа, без трошоци, што го отвора пазарот за фер конкуренција.

„Овој закон не е само техничка регулатива – тој е одраз на нашата решеност да изградиме енергетски систем кој ќе биде економски одржлив, социјално праведен и еколошки одговорен. Нашата визија е јасна – Македонија со соларни панели на покривите, електрични возила на патиштата и стабилни сметки за струја,“ изјави Божиновска, потенцирајќи дека токму извештаи како овој на ОЕЦД се алатка за подобри политики, со јасна цел – фер транзиција во која никој нема да биде изоставен.

Настанот ги обедини носителите на политики, претставници на граѓанскиот сектор и меѓународни организации во заедничка заложба за фер и зелена енергетска иднина на Македонија.

Прикажи повеќе...

Најново

Свет9 часа

Трамп најави одмазда на Путин врз Украина: Mи стави до знаење дека ќе мора да одговори на неодамнешниот напад врз руските воени воздухопловни бази

Американскиот претседател Доналд Трамп објави дека разговарал по телефон со рускиот претседател Владимир Путин. Разговорот, според американскиот претседател, траел околу...

Европа10 часа

Путин бесен, жестоко го нападна режимот на Зеленски

Рускиот претседател Владимир Путин за прв пат ги коментираше најновите украински напади на руска територија. Тој рече дека „намерните напади...

Европа10 часа

Зеленски предлага прекин на огнот до средба со Путин

Украинскиот претседател Володимир Зеленски денес предложи прекин на огнот до евентуална средба со рускиот претседател Владимир Путин. „Мојот предлог, и...

Македонија10 часа

Мухамед Елмази до Арсовска: Ќе барате ли од вашите партнери да се откажат од бесправните објекти, ќе побарате ли и тука дигалка или ќе свртите глава

Мухамед Елмази од „Влен“ на прес-конференција денеска, упати неколку прашања до градоначалничката на Град Скопје, Данела Арсовска. „Денес сме тука...

Македонија11 часа

Арсовска до Мухамед Елмази: Дали си ти криминалец од ДУИ или од ВЛЕН?

„Таман мислиш не може да демонстрираат поголем очај за криминалот во кој се фатени, тие наоѓаат нов првенец од ДУИ!...

Македонија13 часа

Кривична против Здружение за коњички спортови и 34-годишна битолчанка за измама и фалсификување исправа

СВР Битола, до Основното јавно обвинителство Битола, поднесе кривична пријава против Здружение за коњички спортови и заштита на коњи од...

Топ14 часа

Загина 20-годишно момче, со мотоцикл удрило во бетонски столб

Дваесетгодишно момче загина во сообраќајна несреќа што се случила вчера на патот Куманово – Свети Николе. Според информациите на МВР,...

Македонија15 часа

(Видео) По години трупање смет, се чисти депонијата на патот кон Езерани

По години трупање смет, утрово, ученици од Преспа и механизација од ЈКП „Пролетер“ почнаа да го чистат ѓубрето од депонијата...

Македонија16 часа

(Видео) Манасиевски: Вработените во Министерството за здравство знаеле дека договорот и анексот на Филипче се коруптивни и криминални, одбивале да ги потпишат

Сите вработени во Министерството за здравство и стручните лица во комисиите знаеле дека Венко Филипче направил криминал во случајот со...

Македонија16 часа

(Видео) Дали Македонија е пред државен банкрот, прашува Кузеска

Додека Мицкоски зборува за некаква си силна економија, Македонија се наоѓа пред историски најсериозната економска и финансиска криза каква што...

Македонија18 часа

ДУИ за „Вреди“: Албанците никогаш нема да прифатат нивниот глас да се замени со луѓе покорени од страв од кривична одговорност

Откривањето на незаконските активности на раководството на „Вреди“, како дел од т.н. „Урбан криминал“, само го потврдува предупредувањето: ВМРО-ДПМНЕ ги...

Свет19 часа

Трамп потпиша: царините за челик и за алуминиум се удвојуваат на 50 проценти

Претседателот на САД, Доналд Трамп, потпиша декрет со кој од денес се удвојуваат царините за челик и за алуминиум на...

Свет20 часа

Орбан против влезот на Украина во ЕУ: „Ќе ги проголтаат сите евра“

Унгарскиот премиер Виктор Орбан повторно го критикува потенцијалниот влез на Украина во Европската Унија ветувајќи дека ќе направи сè за...

Македонија21 час

Арсовска за власта: Сковале план да го дестабилизираат Скопје, ќе почнат со ЈСП, па со „Комунална хигиена“ и ќе создадат хаос за да дефокусираат и да владеат

Градоначалничката на Скопје, Данела Арсовска, со нов напис на социјалните мрежи, во кој упатува критика до власта. „Им се дестабилизира...

Македонија1 ден

(Видео) СДСМ: Советниците на ВМРО-ДПМНЕ и ЗНАМ повлекоа сопствена точка, само за да ја спасат урбаната мафија

„Ако на некој досега не му беше кристално јасна криминалната коалиција на ВМРО-ДПМНЕ, ВЛЕН и привезокот од ЗНАМ, денес на...

Македонија2 дена

Кирков: Една седница нема да ги реши дивоградбите кои ДУИ ги гради 20 години, Данела да не прави театар

Една седница нема да ги реши дивоградбите кои ДУИ ги гради 20 години, Данела Арсовска да не прави театар, истакна...

Македонија2 дена

Мицкоски: БДП во првиот квартал од 2025 е 3,4 проценти, Македонија во петте најбрзо растечки економии во Европа

Во политиката понекогаш ќе слушнете како некој ќе рече дека „бројките не значат многу доколку не се почувствуваат“. Денес сакам...

Македонија2 дена

Арсовска прави циркус и парада пред локалните избори, Тошковски вели дека ќе било искрено ако пријавувала дивоградби во првата година од мандатот

Вклучувањата во живо од градилишта за кои вели дека се дивоградби, јавните повици да постапуваат институциите, обвинувањата дека власта им...

Македонија2 дена

(Видео) Јакимовски: Чувствува ли власта одговорност за хаосот во Скопје

Градоначалникот на Општина Карпош, Стевчо Јакимовски, реагира на нефункционалноста на државниот систем, укажувајќи на сериозните проблеми со кои се соочува...

Топ2 дена

(Видео) Скриени во цистерни, запленети 55 штеки цигари, ИТ-опрема, 30 илјади евра, соопшти Царинската управа

Во текот на минатата недела, царински службеници и мобилни царински тимови спречиле обиди за криумчарење цигари, вино, ИТ опрема, автомобилски...