Економија
Мериот Скопје на плоштадот Македонија за три години

Нов супер луксузен хотел, што ќе биде дел од синџирот хотели на Мериот Интернешнл, треба да биде изграден до 2013 година на централниот плоштад во Скопје.
Нов супер луксузен хотел, што ќе биде дел од синџирот хотели на Мериот Интернешнл, треба да биде изграден до 2013 година на централниот плоштад во Скопје. За таа цел денеска во Скопје беше потпишан договор меѓу Мериот Интернешнл и компанијата Дивелоп Груп, која што ќе биде одговорна за управување со новиот хотел Мериот Скопје.Новиот хотел ќе биде изграден во елегантен арт – деко стил, на вкупна површина од 20.000 метри квадратни, а целата инвестиција ќе изнесува повеќе од 37 милиони евра. Генералниот директор на Дивелоп груп, Александар Ивановски, информираше дека 16 милиони евра ќе бидат обезбедени преку кредити, а останатите средства се капитал на Дивелоп груп.“Со отворањето овој хотел стандардите во хотелиерскиот бизнис ќе се подигнат на повисоко ниво, а гостите ќе можат да добијат исклучителна услуга каква што би добиле во луксузните Мериот хотели во било која друга светска метропола“, изјави Ивановски.Тој додаде дека во новиот хотел е предвидено да има 180 соби, 16 луксузни апартмани, 1 претседателски апартман, два лонч бара, спа центар, и градина на највисокиот кат. “Внатрешноста на хотелот ќе биде во модерен луксузен стил, додека во изведбата на надворешниот изглед ќе се запази историскиот изглед“, додаде Ивановски.Тој информираше дека земјиштето било купено од физички лица, кои го имаат добиено по пат на денационализација, додавајќи дека сумата била деловна тајна. Претседателот на Мериот за Европа Ејми Мекферсон информираше дека ова ќе биде прв хотел на Мериот на просторите на поранешна Југославија.Локацијата на новиот хотел ќе биде на истото место каде што некогаш бил хотелот Македонија – на плоштад. /крај/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
(Видео) Стојаноски: Растот на реалната плата е двојно поголем за една година со ВМРО-ДПМНЕ отколку 7 со СДС, а инфлацијата е 30 отсто помала

„Растот на реалната плата е двојно поголем за една година со ВМРО-ДПМНЕ отколку за 7 со СДСМ, а инфлацијата е 30% помала. Имено во период јули 2024 до јули 2025 растот на реалната плата e 6.7%, додека во период јули 2017 до јули 2024 растот бил само 3.5%“, рече Бојан Стојаноски, пратеник на ВМРО-ДПМНЕ.
„Реалната плата е вистинската куповна моќ на платата, не номинален износ, туку вредностен.
Растот на реалната плата во време на ВМРО-ДПМНЕ покажува неколку работи: Дека инфлацијата е намалена, дека растот на економијата е забрзан, дека потрошувачката е зголемена, дека производството расте и дека довербата во економијата е голема.
Бројките јасно покажуваат дека инфлацијата е стабилизирана и под контрола. Во период јули 2024 до јули 2025 просечната стапка на инфлација е 3.6%, додека во период од јули 2017 до јули 2024 просечната стапка на инфлацијата е 4.8%.
Бројките се многу јасни. Во време на СДСМ добро им одеше само на неколкумина бизнисмени блиски до власта, кои беа главни тендераши. Во време на ВМРО-ДПМНЕ економијата оди напред, има раст и развој кој е сеопфатен и го чувствува секој граѓанин“, изјави Бојан Стојаноски, пратеник на ВМРО-ДПМНЕ.
Економија
Позначајни движења кај каматните стапки на банките и штедилниците

Годишен раст на просечната каматна стапка на вкупните депозити од 0,28 п.п., при што во јули таа изнесува 2,21%, извести Народната банка.
Просечната каматна стапка на вкупните кредити бележи годишен пад од 0,55 п.п. и изнесува 4,91%.
Најновото соопштение за позначајните движења кај каматните стапки на банките и штедилниците е достапно на следната врска.
Економија
Министерството за енергетика: Нов закон за рударство, транспарентен процес, ќе се прифатат конструктивните предлози

Министерството за енергетика, рударство и минерални суровини (МЕРМС) ја истакнува транспарентноста и вклученоста како основни принципи во подготовката на новиот Закон за рударство. Законот уште во рана фаза беше јавно објавен на платформата ЕНЕР со цел да биде достапен за увид и анализа од сите засегнати страни, а јавната расправа резултираше со исклучително голем одзив.
Јавноста имаше можност во период од 30 дена да го разгледа првичниот текст на Законот за рударство, кој беше јавно објавен на платформата ЕНЕР. Јавниот увид траеше до 28 август 2025 година, а во овој период пристигнаа бројни мислења, предлози и забелешки од компании, институции, стручната и граѓанската јавност, информираат од таму.
„Јавната расправа ни овозможи вредни препораки и забелешки за Нацрт-законот. Паралелно започнуваме со следната фаза од усогласување на законскиот предлог. Ги разгледуваме сите доставени предлози и забелешки и ќе организираме работни средби со оние кои се изјасниле за предлог-текстот. Нашата цел е да добиеме усогласено, јасно и спроведливо законско решение кое ќе обезбеди заштита на животната средина, висока безбедност при работа и предвидлива инвестициска рамка,“ изјави министерката за енергетика, рударство и минерални суровини Сања Божиновска.
Со ова, како што е истакнато, Министерството уште еднаш потврдува дека е отворено за дијалог, соработка и заедничко креирање на законски решенија, со единствена цел – модерна и правична рамка за рударството во Македонија. Во наредниот период, МЕРМС ќе ги разгледа детално сите пристигнати предлози и ќе ги прифати оние кои се во насока на подобрување на законското решение, во интерес на државата и граѓаните.
Министерството, додаваат од оваа иституција, останува цврсто определено во подготовката на законот да се води според највисоките европски стандарди, со цел да обезбеди современа и одржлива рамка за развој на рударството.
„Финалниот закон ќе овозможи: одржлива експлоатација и преработка на минерални суровини според највисоки стандарди, засилена контрола и транспарентност во сите процеси, задолжителни мерки за рекултивација и заштита на локалните заедници, јасна и правично поставена регулатива за сите учесници во секторот.
Министерството нагласува дека инсистира на строга примена на правилата и нулта толеранција за прекршувања, во интерес на безбедноста, заштитата на животната средина и добросостојбата на локалните заедници.