Работодавачите во Хрватска, оваа година планираат да вработат 52.820 лица. Од нив, нешто повеќе од 20.000 треба да бидат вработени на сезонски, а за речиси 80 отсто од нив, предвидено е вработување на одредено време.

Работодавачите во Хрватска, оваа година  планираат да вработат 52.820 лица. Од нив, нешто повеќе од 20.000 треба да бидат вработени на сезонски, а за речиси 80 отсто од нив, предвидено е вработување на одредено време.

Како што пренесува хрватскиот весник „Пословни дневник“ (Poslovni dnevnik) 11.000 лица ќе бидат вработени со полно работно време и на неопределен временски период (трајно) .

Овие податоци се изнесени во овогодишната анкета спроведена меѓу работодавачите, која беше спроведена во јануари и февруари од страна на Хрватскиот завод за вработување. Анкетата беше направена на примерок од 12.620 компании од приватниот и државниот сектор, кои вработуваат над 44 отсто од вработените во Хрватска.

Потребата за нови кадри е најизразена во крајбрежните жупании кои традиционално вработуваат сезонски работници во рестораните и  хотелиерскиот сектор, но и во главниот град Загреб , во кој, ако плановите не се покажат некако премногу оптимистички ќе се спроведе вработување на 10.383 лица.

Во жупаниите во кои невработеноста е многу изразена нема изгледи за некакво подобрување. Работодавците во Пожега, Славонија, копривничко –крижевачка и Личко-сењската жупанија , во села 2010 година не планираат да вработат ни по 1000 лица.

Слабата динамика на пазарот на труд во овие жупании значи и помал процент на отпуштања, но може да дојде до отпуштање на 17.700 лица ако се покаже дека тие се вишок.

По расположението на анкетираните  работодавачи може да се заклучи дека бранот на отпуштања, посебно во приватниот сектор се уште не се намалува.

Во градежниот сектор се очекува да има 1.775 откази, наспроти минатогодишните 16.000.

Во преработувачката индустрија без работа ќе останат 1.600 лица, за разлика од ланските 32.000 откази.

Најверојатно и во финансискиот сектор ќе има кастрење на 1000 работни места.

Во сите сектори, се проценува дека без работа ќе останат над 18.000 лица.

Според податоците на Заводот за вработување, оние лица кои се проценети како вишок на работните места имаат неколку заеднички карактеристики. Над 20 отсто од нив се во подоцна доба на животот и со пониско ниво на стручност, а за околу 15 отсто од нив, стопанствениците сметаат дека немаат желба да стекнат нови знаења. /крај/дн.хр./ит Copyright 2010 makfax. Сите права се задржани. Текстов не смее да се печати или емитува, во целина или во делови, без договор со makfax.