Економија
Слаба трговска недела на македонската берза
На Македонската берза со хартии од вредност, денеска беше остварен промет од вкупно 11.684.898,16 денари што се реализира од 142 трансакции.
На Македонската берза со хартии од вредност, денеска беше остварен промет од вкупно 11.684.898,16 денари што се реализира од 142 трансакции.
Од овој промет поголемиот дел во вредност од 10.610.138,16 денари се реализира на Официјалниот пазар додека 1.074.760,00 денари на Редовниот пазар.
На крајот на трговската недела повторно се оствари пад на вредноста на сите три индекси од кој најмногу од својата вредност изгуби индексот на Јавни поседувани друштва кој што падна за 1,29 проценти или 32,45 индексни поени за на крајот да забележи вредност од 2.476,87 индексни поени.
Индексот на 10 најликвидни компании забележа благ пад на својата вредност од 0,32 проценти или 7,32 поени и оствари вредност од 2.292,67 поени, и индексот на обврзници ОМБ исто изгуби од својата вредност за 0,13 поени или 0,12 проценти.
Први по прометот на тргување на Официјалниот пазар беше акцијата на Комерцијална банка АД Скопје, со кои што се истргуваа 1.039 количина на обични акции по цена од 3.000,00 денари од акција и при тоа реализираа промет од 3.117.000,00 денари на промет од 15 трансакции.
Втора по својата вредност од тргување беше и акцијата на Алкалоид АД Скопје со кои што се истргуваа 695 акции по просечна цена од 3.685,14 денари и забележаа пад на цената споредено со тргувањето од четвртокот од 2,39 проценти и се тргуваа во рамките од 3,636,00 денари како најниска истргувана цена до 3,700,00 денари како највисока цена. Со нив се оствари вредност од 2.542.405,00 денари на класичен промет.
Трета најтргувана акција на Официјалниот пазар беше и акцијата на Гранит АД Скопје со кои остварија вредност од 1.474.330,00 денари промет од 26 трансакции и при тоа се тргуваа во рамките од 635,00 денари до 622,00 денари или нејзината просечна цена беше за 2,35 проценти помала во однос од четвртокот и таа изнесуваше 626,04 денари, додека со нив се истргуваа 2.355 количина на обични акции.
На Редовниот пазар за хартии од вредност најликвидна акција споредено по својот промет беше акцијата на Македонски Телеком АД Скопје со кои се истргуваа 1.104 количина по просечна цена од 500,00 денари од акција и остварија вредност од тргување во износ од 552.000,00 денари.
Втори по вредноста на тргувањето на Редовниот пазар беа и акциите на Тутунска банка АД Скопје со кои се оствари класичен промет од 148.000,00 денари на промет кој се реализира од две трансакции по просечна цена од 3.700,00 денари од акција, и при тоа со нив се истргуваа 40 обични акции.Пет најтргувани хартии од вредност1. Комерцијална банка АД Скопје2. Алкалоид АД Скопје3. Гранит АД Скопје 4. Стопанска банка АД Битола 5. Макпетрол АД Скопје Хартии од вредност со најголем раст1. Макстил АД Скопје 7,73%2. ОХИС АД Скопје 6,90%3. Охридска банка АД Скопје 3,53%4. Караорман АД Скопје 2,99%5. Земјоделски Комбинат АД Битола 2,13%Хартии од вредност со најголем пад1. Тетекс АД Тетово 8,62%2. Ф-ка за цефки 11 Октомври АД Куманово 8,53%3. Фершпед АД Скопје 4,08%4. Макпетрол АД Скопје 3,13%5. ОКТА АД Скопје 2,50%
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.