Франција за првпат ги изедначи трошоците за задолжување на Грција, со висок јавен долг и слабо балансирање на владата меѓу незадоволството на граѓаните и крајниот рок за усвојување на буџетот за следната година.

Во екот на должничката криза во еврозоната во 2012 година, трошоците за задолжување на Грција, мерени преку приносот на 10-годишните државни обврзници, беа за 37 процентни поени повисоки од приносот на француските обврзници со таа рочност, потсетува Ројтерс.

Приближно 12,5 години подоцна, приносите на долгорочниот грчки долг се движат околу три отсто и се само 0,02 процентни поени повисоки од приносите на францускиот долг.

Грција и натаму е членка на еврозоната со највисок јавен долг, мерено како удел во БДП, од 163,6 отсто на крајот на јуни. Во меѓувреме, Франција се доближи до неа и го зазеде третото место на скалата „должник“, со јавен долг од 112,2 отсто од БДП.

По повод „Св. Матеј“ – Денот на даночните работници директорката на УЈП Елена Петрова се обрати пред вработените и им го честита празникот на даночниците, а традиционално ги додели и признанијата за долгогодишна непрекината 10, 20, 30 и 40 годишна работа во Управата за јавни приходи.

Пред вработените директорката појасни дека посебна е честа да се доделат јубилејните и наградите за вработените во Управата за јавни приходи, кои со својата посветеност, труд и професионализам ја негуваат и надоградуваат основата на работењето на УЈП.

„Нашиот патоказ води НАПРЕД со препознавање на сите предизвици и користење на сите можности, а резултатите ќе овозможат секој од нас и сите заедно како УЈП да бидеме вреднувани а јавноста да ја зајакне довербата во нас. Ние веќе ги упативме пораките во јавноста, пораката дека ќе работиме за повеќе даночни приходи и побогато општество, пораката до младите луѓе – „Данок плати – во иднина да ти се врати“. Во создавањето трансформативни промени на УЈП, човечкиот потенцијал и силната администрација се главните фактори кои можат да обезбедат здрава средина и кондиција за резултати и успех. Секој од Вас даночните службеници треба да даде мал придонес за големи резултати, за што ќе создадеме средина која го поддржува Вашиот професионален развој.

Одбележувањето на Денот на даночните службеници оваа година внатрешно оди со мотото „Нашиот тим – карактер и идентитет“. Ова не се само зборови, туку суштина на она што го создаваме секој ден. Тимскиот дух е темел за резултати бидејќи само преку заедничка работа, меѓусебна поддршка и следење на визијата на УЈП можеме да постигнеме успех. Ние сме тим кој е посветен на континуиран развој и напредок и заедно ги градиме сите основи на силна и ефективна даночна администрација. Кога се посветуваме на нашите задачи и ги споделуваме нашите знаења, создаваме силен тим кој е способен да ги надмине сите предизвици и да ја води организацијата напред. Денес одбележете го празничниот ден во духот на заедништвото и припадноста на локалниот тим, со колегите во Вашата дирекција.“

Раководен тим на УЈП и директорката одржаа и работна средба со вработените кои се пензионирале во тек на минатата година и им додели Благодарници за траен печат во сите аспекти на работењето во УЈП. Директорката Петрова, во име на сите вработени, им се заблагодари за нивната посветеност, труд и за сè што вложиле во развојот на Управата за јавни приходи.

„Иако сега се во пензија и уживаат во заслужениот одмор нивното влијание продолжува да живее во нас, бидејќи не само што создале основа за успех, туку и ги пренеле своите знаења и вредности на колегите, на новите генерации, даночни службеници.“ – појасни Петрова.

Како и секоја година, по повод Денот на даночните работници, празникот „Св. Матеј“, даночните работници од целата земја учествуваа во крводарителската акцијата „Капка крв, спасува живот“ на која вработените даруваа крв. Во соработка со Синдикалната организација на Управата за јавни приходи – Солидарност и Црвениот крст, крводарителската кампања се одржа денес во Скопје, а претходно и во повеќе градови низ државата. Оваа хуманитарна активност ја покажува посветеноста на даночните работници на заедницата и нивната поддршка за најранливите. Дарувањето крв е уште една потврда за општествената одговорност на УЈП и нивната бескрајна грижа за доброто на сите. Овој хуманизам продолжува да биде инспирација за сите кои имаат потреба од помош и поддршка.

Во рамки на активностите по повод „Св. Матеј“ Плакета за посебен придонес за унапредување на процесите на УЈП, беше доделена на Министерство за финансии на САД-Канцеларија за техничка помош (ОТА), а на вработените во Регионалната дирекција Битола, им беше доделена Плакета за посебен придонес во извршување на работните задачи. Пофалница беше доделена и на работната група која изминатиот период работеше на Проектот за електронско уверение со состојба на остварен приход, додека на 38 вработени им беа доделени Пофалници за организациски унапредувања, успех во поединечни подрачја, на работа во вршењето на работни задачи и подобрување на угледот на службата.

Во текот на целата недела се одржаа низа активности како и Панел дискусии на тема „Повеќе даночни приходи за побогато општество – перцепции и перспективи“, во Скопје и Битола, а беше реализирана и традиционалната хуманитарна акција на која од лични средства, вработените во УЈП обезбедија донација во вредност од 123.000 денари за основното училиште со ресурсен центар „Св. Климент Охридски“ во Ново Село.

Исто така беше доделена и наградата за најкреативно видео на Конкурсот „Данок плати – во иднина да ти се врати“ на кој пристигнаа 22 видеа од исто толку средни училишта во државата. Наградата за најкреативно видео ја добија учениците Тамара Китаноска, Александра Ташкоска и Леонид Темелкоски од СОУ „Ристе Ристески – Ричко“ Прилеп под менторство на класниот раководител и наставник во училиштето Александар Костадиноски.

Оваа година УЈП, по 27 пат го одбележа Денот на даночните работници „Св. Матеј“ и 77 години од воспоставување на даночниот систем.

Советот на Народната банка на својата редовна седница го разгледа Извештајот за учеството, препораките и активностите на Народната банка во процесите на интеграција во ЕУ, во периодот ноември 2023 – октомври 2024 година. Во Извештајот се дава осврт кон препораките од Програмата за економски реформи 2024 – 2026 година, наодите од поткомитетите во рамките на Спогодбата за стабилизација и асоцијација во кои учествува Народната банка, проектите на Народната банка финансирани преку ИПА, како и на останати активности поврзани со ЕУ.

Во Извештајот се заклучува дека значаен исчекор во приближувањето кон ЕУ е поднесувањето на барањето од Народната банка за вклучување на нашата земја во Единствената област за плаќања во евра (СЕПА). Пристапот во СЕПА ќе им овозможи на граѓаните и на компаниите да добијат поевтини и побрзи прекугранични плаќања во евра. Според Европската комисија, со помош на претпазливата монетарна политика инфлацијата се стави под контрола, сепак потребно е натамошно внимателно оценување, анализа и следење на ценовните движења. Во однос на монетарната политика, оценето е дека има високо ниво на усогласеност со правото на ЕУ во однос на забраната за монетарно финансирање на јавниот сектор и забраната за привилегиран пристап на јавниот сектор до финансиските институции, но и дека е потребно понатамошно усогласување заради задржување на независноста на Народната банка. Банкарскиот сектор е отпорен, додека сетот макропрудентни инструменти е зајакнат. Во однос на платните системи, транспарентноста на условите за користење на платежните услуги е подобрена, откако Народната банка ја воведе алатката за споредба на надоместоците за најчесто користените платежни услуги коишто ги обезбедуваат локалните банки. Треба да се спроведува Законот за платежни услуги и платни системи со цел да се воведат повеќе разновидни висококвалитетни и сигурни платежни услуги, за што ќе придонесе и воспоставувањето унифициран регистар на банкарски сметки.

Советот на Народната банка на седницата донесе и одлуки со кои се усогласува правната рамка за спроведување на монетарните операции со измените и дополнувањата на Законот на Народната банка. Притоа, за унапредување на оперативната рамка на Народната банка и заради примена на најдобрата меѓународна практика, се дефинираа и се воедначија критериумите за пристап на банките и штедилниците до монетарните инструменти за повлекување и обезбедување ликвидност.

Советот на Народната банка разгледа и усвои и други акти од областа на работењето на централната банка.