Економија
Берзанските индекси во благ пораст

На Македонската берза за хартии од вредност, денеска се оствари класичен промет во вредност од 6,644,615,27 денари што се реализира од 74 трансакции. Од оваа вредност 3,168,216,27 денари се остварија со тргувањето со обврзници, додека 3,476,399,00 денари со тргувањето од акции.
На Македонската берза за хартии од вредност, денеска се оствари класичен промет во вредност од 6,644,615,27 денари што се реализира од 74 трансакции. Од оваа вредност 3,168,216,27 денари се остварија со тргувањето со обврзници, додека 3,476,399,00 денари со тргувањето од акции.
На Официјалниот пазар се истргуваа 4,972,573,27 денари промет од 45 реализирани трансакции, додека на Редовниот пазар се оствари остатокот од 1,672,042,00 денари од 29 реализирани трансакции.
Вредноста на главниот берзански индекс МБИ10 во средата забележа благ пад на својата вредност за 0,11 проценти или 2,56 поени и ја достигна бројката од 2,355,34 индексни поени, додека останатите два индекса МБИД и ОМБ пораснаа од кој МБИД порасна за 1,06 проценти или 27,27 поени и индексот ОМБ порасна за 0,07 проценти и 0,07 во поени.
Прва по својот промет на Официјалниот пазар беше обврзницата од денационализација на Р. Македонија од деветата емисија со класичен промет од 3,106,747,56 денари од 15 трансакции, а со нив се истргуваа 65,092 по цена од 77,60 од вкупната вредност.
Втора по својот промет беше акцијата на Алкалоид Скопје со реализирани 1,181,447,00 денари од 15 трансакции реализирани со нив и при тоа се тргуваа по просечна цена од 3,899,17 денари, додека со нив се истргуваа 303 количина и се тргуваа во рамките од 3,851,00 денари како минимална достигната цена до 3,900,00 денари како максимална цена.
Трета по својот промет на овој пазар беше и акцијата на Гранит Скопје со остварени симболични 196,500,00 денари промет кои се тргуваа по просечна цена од 655,00 денари од акција и при тоа со нив се истргуваа 300 обични акции.
На Редовниот пазар за хартии најтргувана хартија од вредност беше акцијата на Македонски Телеком Скопје со остварени 727,100,00 денари од 6 реализирани трансакции и при тоа со нив се истргуваа 1,735 по просечна цена од 419,08 денари. Втора по својот промет бече и акцијата на Тутунска банка Скопје со остварени 357,220,00 денари преку 6 трансакции со нив и се тргуваа по просечна цена од 3,800,21 денари, а со нив се истргуваа 94 акции. Пет најтргувани хартии од вредност1. Р. Македонија обврзници од денацинализација 092. Алкалоид Скопје3. Македонски Телеком Скопје4. Тутунска банка Скопје5. Ветеринарно сточарски центар Куманово СкопјеХартии од вредност со најголем раст1. Арцелормиттал ЦРМ Скопје 8,85%2. Кјуби Скопје 2,50%3. Македонски Телеком Скопје 1,72%4. Ф-ка за цевки 11 Октомври Куманово 1,28%5. Гранит Скопје 1,15Хартии од вредност со најголем пад1. Макстил Скопје 2,75%2. Арцелормитал ХРМ Скопје 2,75%3. Стопанска банка Битола 0,88%4. Топлификација Скопје 0,33%5. Тутунска банка Скопје 0,22%
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Мицкоски: Се работи на проекти во образованието вредни две милијарди денари

Во моментот имаме инвестициска активност од околу две милијарди денари за проекти во образованието, повеќе од 30 капитални инвестиции, седум комплетно нови училишни згради, дваесетина се реновираат, спортски сали во Струга и во Битола, отпочнуваме со спортските сали – Кисела Вода и Аеродром, во план е продолжување на проектот за реконструкција на универзитетите, односно зградите на факултетите ФИНКИ и ФФК, отпочнуваме со кампусот „Мајка Тереза“, изјави попладнево премиерот Христијан Мицкоски.
„Истовремено, ќе продолжи и инспекцискиот надзор на оние високообразовни институции, но и оние други образовни институции, што не ги исполнуваат стандардите. Ќе бидат опоменати. Доколку не преземат ништо во насока на исполнување на стандардите, ќе мора да бидат затворени“, рече премиерот.
Тој кажа дека децата треба да добијат европско знаење, а „тоа може да го даваат институции што ги почитуваат законите и што нудат таков тип на пренос на знаење“.
„Реформата во образованието е навистина опсежна. Оваа година, нешто што не е за фалење, учениците ги добија книгите на 1 септември. Исто ќе биде и во следната година. Ние пред 10 – 15 години зборувавме за компјутер за секое дете, денеска сме среќни ако секое дете има учебник. Но, за жал, имавме цунами седум години што и тоа не можеше да го направи онаа влада на СДСМ и ДУИ, па оваа влада мора буквално сите тие елементарни работи да ги прави“, додаде премиерот.
Економија
Перински во Студеничани: Инвестираме и во руралните средини – тие се еднакви по својата важност како и останатите

Во скопската општина Студеничани денеска започна реконструкцијата на 6,5 км долгиот локален пат Драчево – Мотел Китка, проект финансиран од првиот владин повик за финансиска поддршка на инфраструктурни општински проекти. На официјалниот почеток на градежните активности присуствуваа министерот за локална самоуправа, Златко Перински, претседателот на Владата, Христијан Мицкоски, министерот за транспорт, Александар Николоски, првиот вицепремиер и министер за животна средина, Изет Меџити, заменик министерот за локална самоуправа, Ерџан Селими и Калтрина Зеколи Шаќири, заменик министер за транспорт.
Градоначалникот Азем Садики, појасни дека станува збор за пат долг 6,42 км, кој се протега од селото Црвена Вода до мотел Китка, а проектот предвидува негова целосна реконструкција и обнова со неопходната инфраструктура.
„Многу сум среќен што Владата продолжува да ги помага општините, особено руралните. Овој пат е многу битен за нашата општина, затоа што не само што ќе придонесе за побрз, полесен и побезбеден транспорт за жителите во планинските села, туку ќе создаде услови за поттикнување и развој на туризмот и за инвестирање во скопската околина со оглед на близината и убавината на Китка“, истакна Садики.
Министерот Перински порача дека проектот е доказ за посветеноста на Владата да инвестира во подобрување на инфраструктурата во сите општини и региони.
„За оваа Влада не постојат заборавени општини, помагаме онаму каде што е најпотребно, а тоа се руралните средини со сите предизвици коишто ги имаат во дел на капиталните инвестиции. Радоста на мештаните којашто ја видовме денеска е доказ дека Владата трасира пат којшто се темели исклучиво на потребите на граѓаните и во таа насока ќе продолжиме за да го подигнеме квалитетот на живот на сите граѓани на цела територија на Македонија“, истакна Перински, кој како дел од теренските посети „Каде што срцето е дома“, претходно со неговиот заменик, Селими, одржаа работна средба со градоначалникот, членовите на општинскиот Совет и претставници на администрацијата на која разговараа за актуелните состојби во општината.
Поддршка на сите општини и во периодот што следи најави и премиерот Мицкоски, кој истакна дека Владата ќе продолжи да инвестира во проекти кои ќе значат поквалитетен, покомфорен и поубав живот, независно од политичката определба на градоначалниците.
„Немаме намера да заборавиме ниту едно место на целата територијата на Македонија, ќе инвестираме секаде. Тоа го правиме веќе девет месеци, покажуваме еден поинаков начин на функционирање на Влада. Ќе продолжиме така и во иднина, бидејќи граѓанинот, Македонецот, Албанецот, Турчинот, Србинот, Ромот, Бошњакот, Влавот и сите останати, се центарот на нашето внимание и сите ние заедно ќе работиме за нивно подобро утре“, порача премиерот Мицкоски.
„Евидентна е разликата од начинот на функционирање на оваа Влада“, оцени првиот вицепремиер и министер за животна средина, Меџити.
Министерот за транспорт, Николоски, информираше дека во моментов во село Студеничани привршува и реконструкција на локален пат долг 840 метри, а во тек е тендерска постапка за изградба на нов пат во Моране, проекти со кои дополнително се дава поддршка за подобрување на инфраструктурата во оваа општина.
Економија
Пратките ќе можете да си ги подигнувате сами од пакетомати – презентирана нова платформа

На промотивен настан денес беше презентиран нов начин за подигнување на пратките, што, како што беше посочено, ги надминува досегашните предизвици со доставата.
Се работи за воведување паметни автоматозирани пакетомати кои ќе бидат поставени на 120 локации низ државата, а пратката би можеле да си ја подигнете со кодот што би пристигнал на вашиот мобилен телефон.
Решението во земјата го воведува „Мај бокс“ (My Box). Основачот на компанијата, Далибор Ѓошевски, изјави дека идејата е резултат на детаљна анализа на потребите на корисниците и предизвиците во постојниот систем за достава.
„Нашата цел е да обезбедиме модерно, ефикасно и достапно решение што ќе стави крај на загубените пратки, на долгите чекања и на ограничувањата на временски рамки во доставата“, рече Ѓошевски.
Во рамките на настанот се одржа и панел-дискусија за иднината на е-трговијата и предизвиците на логистиката, за тоа како иновативните производи и услуги од овој тип ќе го подобрат искуството на корисниците и ќе го оптимизират процесот на достава.