Економија
Проект од 50 милиони евра за водоснабдување
Проект во висина 50 милиони евра од Европската инвестициона банка (ЕИБ) за подобрување за водоснабдување и изведување на отпадни води во руралните подрачја , договорот го потпиша министерот за финансии Зоран Ставрески и Петер Зајц претставник од ЕИБ.
Проект во висина 50 милиони евра од Европската инвестициона банка (ЕИБ) за подобрување за водоснабдување и изведување на отпадни води во руралните подрачја , договорот го потпиша министерот за финансии Зоран Ставрески и Петер Зајц претставник од ЕИБ.
“Владата обезбеди вкупната вредност на проект од 100 милиони евра, 50 милиони од ЕИБ и дополнителни средства од Светска Банка, ИПА и буџетски средства, за подршка на општините за решавање на комуналните прашања и подобрување на општинските услови“, изјави Ставрески.
Рок на отплата на средствата е 25 години со греј период од пет години и каматна стапка од 1,3 проценти.
„Проектот не е само важен за економијата на земјата туку ги подобрува животните стандарди во земјата, особено во руралните средини, финансирање во водоснабдувањето е клучен елемент за земјата“, рече претставникот на ЕИБ.
Проектот ќе биде имплементиран од министерството за транспорт и врски, а заемот во вид на грантови ќе може да го користат сите општини по одредени критериуми како бројот на население, површина на општината и бројот на населени места.
Средствата рамномерно ќе бидат поделени на општините на пример Валандово ќе добие 590 илјади евра, Виница 605 илјади, Вранешница 225 илјади евра, рече министерот за транспорт и врски Миле Јанакиевски.
„Очекувам некаде на крајот од оваа година да започне физичка реализација на овој проект бидејќи општините се информирани, нашата цел е да се намали бројот на општини кои имаат проблем со водоснабдувањето“, изјави Јанакиевски.
Проектот е дел од политиката на Владата за рамномерен регионален развој, целта е со инвестиции во комуналната инфраструктура да се стимулира развојот на општините.
На новинарско прашање за искористеност на средствата, кои минатата година беа одобрени во форма на кредит од 100 милиони евра за мали и средни претпријатија, министерот за финансии изјави дека досега се одбрани околу 35 отсто од средствата.
„Со фиксирање на каматната стапка во тек на целиот период сакаме да го зголемиме процентот на искористени средства и дека на овој начин се дополнува вкупниот кредитен потенцијал во земјата, освен кредитите кои ги даваат банките за мали и средни претпријатија“, изјави министерот за финансии./крај/мт
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.