Економија
НБМ нема да ја намали основната каматна стапка

Нема простор за намалување на основната каматна стапка и за релаксирање на монетарната политика, изјави гувернерот на Народната банка на Република Македонија (НБРМ) Петар Гошев.
Според него, девизните резерви во моментов се 1,22 милјарди евра што е доволно за одржување на стабилноста на девизниот пазар. Од почетокот на годинава Централната банка потрошила 280 милиони евра за интервенции и засега нема потреба за дополнително затегање на монтераната политика.“Независно од кредитите ќе видиме дали треба понатаму да ја затегнуваме монетарната политика. Но, во овој момент не. Освен тоа, треба да ги видиме сите околности што ќе се случуваат понатаму”, вели Гошев.Владата очекува прилив во земјава по разни основи, бидејќи има понуди за добивање заеми за покривање на недефинираниот недостиг од 250 милиони евра. Дел од нив, 77 милиони евра, се од Меѓународниот монетарен фонд без аранжман, 25 до 50 милиони евра се од Светската банка, а остатокот е од еврообврзници.Како што изјави министерот за финансии Трајко Славески, во тек е евалуација на понудите од повеќе банки и секој ден условите во однос на цената се подобруваат. Тој смета дека преку еврообврзниците ќе се покрие дефицитот во Буџетот од 150 милиони евра, а со другите пари ќе се враќаат старите долгови од 96 милиони евра.Шпекулациите за девалвација на денарот се минато и ситуацијата на кредитниот пазар се стабилизира, смета министерот Славески.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Mint Visa не е само картичка, тоа е „да“ кога другите ти велат „подоцна“

Во свет каде што сè е итно, а парите секогаш „на пат“, Mint Visa е тука – веднаш.
Со неа не чекаш зелено светло. Го стартуваш сам.
🔓 Од 3.000 до 300.000 денари – достапни кога ќе ти затребаат.
📲 Цел процес дигитален, преку One ID. Без шалтери. Без нервоза.
🧾 Без непотребни документи. Со јасни услови.
Со Mint Visa, не прашуваш дали можеш – знаеш дека можеш.
• Купуваш онлајн без нервоза.
• Резервираш патување без дилема.
• Плаќаш било каде – без објаснувања.
Во Mint Credit не глумиме магија.
Ние сме тука да направиме парите да работат за тебе – не обратно.
Mint Visa е нашиот најнов начин да ти кажеме:
Животот не треба да се одложува. Ни твоите планови.
Аплицирај денес. Јави се на 📞 15 107, или директно преку платформата на Mint Credit.
ПР
Економија
Исплатени 177.533.000 денари кон 1.636 лица за предадени јагне и јаре

Денеска се исплатија 177.533.000 денари кон 1.636 лица, соопшти Министерството за земјоделство, шумарство и водостопанство за развојот на сточарството во Македонија.
Реализирана е исплата на дополнителни директни плаќања од подмерки 2.8 и 2.10 за предадено јагне и/или јаре од Програмата за финансиска поддршка во земјоделството за 2024 година.
Корисници на оваа подмерка се земјоделски стопанства одгледувачи на овци и кози и се корисници од подмерка 2.8 и 2.10 кои имаат предадено јагне и/или јаре во регистриран кланичен капацитет во период од 26 декември 2023 година до 25 декември 2024 година.
Економија
Николоски потпиша договор за грант-средства со Европската банка за обнова во висина од 350 илјaди евра

Вицепремиерот и министер за транспорт, Александар Николоски го потпиша Договорот за грант средства со Европската банка за обнова и развој во висина од 350 илјaди евра наменети за техничка помош за изработка на Национална стратегија за полнење електрични возила и инфраструктура, извести Министерството за транспорт.
„Националната стратегија за полнење на електрични возила и инфраструктура, прва од овој вид во Македонија, ќе овозможи стратешки пристап кон развојот на патната инфраструктура за поддршка на воведувањето на електрични возила во патната мрежа.
Во овој момент во тек е постапката за избор на Консултант (се очекува крај на јули, почеток на август да се избере) кој ќе има задача во две фази да креира:
Подготовка на Стратегија за електрични возила; Акциски план со приоритетни активности и рокови кои треба да бидат одобрени од Владата, преку Министерството за транспорт и Европската банка за обнова и развој.
Покрај Консултанот, во изработката на Статегијата и Акцискиот план ќе бидат вклучени домашни и меѓународни експерти од области на експертиза за електрични возила, енергетската ефикасност, транспортот и екологијата“, се додава во соопштението.