Економија
АЕК: Пазарот на електронски комуникации забележува континуиран раст
![](https://makfax.com.mk/wp-content/uploads/2016/11/c64a6ada-c991-4540-a459-4bcefa632e88.jpeg)
Приходите на пазарот на електронски комуникации од година во година бележи значителен раст во сите сегменти освен во фиксната телефонија
Најголем дел од вкупните приходи отпаѓа на мобилната телефонија 58 отсто, фиксната телефонија учествува со 32 отсто, интернет услугите со 8 отсто, а најмал дел 2 отсто има преносот на радио телевизиска програма до крајните корисници. На пазарот за фиксна телефонија во Македонија во првото тримесечје од годинава активни се шест оператори, на пазарот за мобилна телефонија три, како и 70 кабелски оператори, 52 итернет провајдери и 42 даватели на јавно достапни телефонски услуги на фиксна локација (ВОИП.Тоа се наведува во Извештајот за развојот на пазарот за електронски комуникации во Македонија за првиот квартал од годинава што денеска го објави Агенцијата за електронски комуникации.Кај фиксната телефонија утврден е значителен процент на опаѓање на фиксните линии во однос на првиот квартал од 2008 г. од 399.975 линии на 375.461. Тоа не се однесува на деловните линии во фиксната телефонија кои од квартал во квартал, одат во нагорна линија, од 37.057 на 41.535 крајни корисници.Според уделот на пазарот на фиксната телефонија, Македонски Телеком бележи пад од 95,49 отсто во првиот квартал од 2008 г. на 88,81отсто во првиот квартал оваа година на сметка на учеството на алтернативните оператори чиј удел расте и во овој квартал изнесува 11,19 отсто.Учеството на операторот Македонски телеком постојано се намалува, меѓутоа неговото учество е се уште значително големо. Во однос на интернет услугите, односно пристапот до интернет бројот на резиденцијални претплатници кои што користат теснопојасен пристап на интернет континуирано опаѓа од 9.412 на 4.483 за анализираниот период. Тој тренд е присутен и кај деловните претплатници. Преку мобилна телефонија, пак, теснопојасен пристап на интернет во првиот квартал годинава користат 177.967 резиденцијални и 50.392 деловни претплатници. Наспроти ова, континуирано се зголемува бројката на корисници на широкопојасен пристап на интернет и кај резиденцијалните и кај деловните претплатници.Во константен раст е и пазарот на мобина телефонија каде постојано се зголемува бројот на претплатници. Во моментов во Македонија има 2.299.068 активни претплатници на мобилна телефонија.Забележана е и тенденција на намалување на при пејд корисницитре за сметка на порастот на пост пејт претплатници, што се должи на корпоративните стратегии на мобилните оператори да се прилагодуваат на потребите и желбите на крајните корисници.Од трите оператори во мобилната телефонија Т-Мобиле бележи незначително опаѓање во вкупниот удел на пазарот, од 61,03 осто во првиот квартал 2008 г. на 58,83 отсто од првиот квартал оваа година. Космофон има пораст на уделот од еден процентуален поен и изнесува 31,91 отсто, а учеството на ВИП од 8,15 отсто во првиот квартал лани во првите три месеци од годинава бил 9,26 отсто.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Економија
(Видео) Бочварски: ДПМНЕ ветуваше намалување на буџетскиот дефицит под 3, сега го зголемуваат на 4.9 проценти
![](https://makfax.com.mk/wp-content/uploads/2024/07/Screenshot-2024-07-26-185301-1.jpg)
ВМРО-ДПМНЕ во својата програма велеше дека јавниот долг од крајот на 2023 година достигнал 62,1% од БДП, и дека ќе преземе мерки за фискална консолидација, земјата да има умерено ниво на задолженост. Со новиот ребаланс на буџетот, наместо намалување на јавниот долг, тој ќе биде зголемен на 4.9% уште во првата година од мандатот на владеењето на ВМРО-ДПМНЕ, рече пратеникот Благој Бочварски, денес на Комисијата за финансирање и буџет.
-Потоа, велеа дека инфлацијата ќе ја намалат на 2%, а денес слушаме дека таа е 3.5%. Јасно е дека ќе се кратат сретсва од веќе предвидени проекти.
Пиар програмата на власта е едно, а реалноста е друго, рече Бочварски.
Тој потенцираше дека СДСМ ако не ги зголемеше платите и пензиите на граѓаните во време на кризи и инфлација, тешко дека ќе преживеаа граѓаните, особено со минималната плата од 9 илјади денари, каква што беше во времето на ДПМНЕ, а од каде нивните стручњаци велеа дека не е добро да се покачуваат платите.
-Колку за споредба, во 2017 минималната плата беше 9 илјади денари, а денес таа е 22.500. Просечната во 2017 беше 22.500, а денес е 41.100. Пензиите се зголемија за 6.500, а сега имаме бомбастични најави за зголемување од 5 илјади денари, за кое ни останува да видиме дали ќе се случи“, рече Бочварски.
Економија
Трипуновски: Постигнат е договор за откупната цена на црвената пиперка
![](https://makfax.com.mk/wp-content/uploads/2024/07/Трипуновски-26.07.2024-3.jpg)
Министерот Цветан Трипуновски после состанокот со откупувачите и преработувачите на црвена пиперка соопшти дека е постигнат договор за откупните цени.
„Денеска во просториите на Министерството за земјоделство, шумарство и водостопанство остварив заедничка средба со преработувачите и откупувачите на црвена пиперка. Постигнавме договор за откупни цени на црвената пиперка и тие истите според класи ќе бидат: прва класа – 40 денари за килограм, прва/втора класа – 30 денари за килограм, втора класа – 20 денари за килограм, трета класа – 12 денари за килограм“, соопшти Трипуновски.
Тој во неколку наврати одржа состаноци со земјоделците, преработувачите и откупувачите каде што главна тема беше откупната цена и текот на откупот на црвената пиперка.
Откупувачите и преработувачите се согласија дека ќе се придржуваат до договорените цени во текот на целиот откуп, но во согласност на побарувачката истите имаат тенденција да се зголемуваат за што Државниот инспекторат за земјоделство ќе биде постојано на терен и ќе се грижи за да се запази динамиката и откупните цени на црвената пиперка. Вистински се грижиме за македонските земјоделци, тие конечно имаат партнер во Министерството, рече Трипуновски.
Економија
Нови цени на горивата од полноќ
![](https://makfax.com.mk/wp-content/uploads/2022/01/benzin-gorivo-960x639.jpg)
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши намалување на малопродажните цени на нафтените деривати во просек за 0,48 % во однос на одлуката од 22.7.2024 година.
Референтните цени на нафтените деривати на светскиот пазар во споредба со претходната пресметка бележат намалување во просек: кај бензините 1,072 %, кај дизелот 1,940 %, кај екстра лесното масло 2,096 % и кај мазутот намалувањето е 3,565 %.
Курсот на денарот во однос на доларот во изминатиот период по кој беа формирани цените со претходната пресметка е повисок 0,2688 %.
Од 27.7.2024 година од 00.01 часот максималните цени на нафтените деривати ќе изнесуваат:
Моторен бензин ЕВРОСУПЕР БС-95 81,50 (денар/литар)
Моторен бензин ЕВРОСУПЕР БС 98 83,50 (денари/литар)
Дизел-гориво ЕВРОДИЗЕЛ БС (Д-Е V) 74,00 (денари/литар)
Масло за горење екстра-лесно 1 (ЕЛ-1) 72,50 (денара/литар)
Мазут М-1 НС 44,656 (денари/килограм)
Малопродажната цена на мазутот М-1 НС се намалува 1,101 денар/кг и сега ќе изнесува 44,656 денари/кг.
Малопродажните цени на бензините ЕВРОСУПЕР БС-95 и ЕВРОСУПЕР БС-98, како и на ЕВРОДИЗЕЛОТ (Д-Е V) и на екстра-лесното масло за домаќинство (ЕЛ-1) не се менуваат.