Економија
Потрошувачката на ИТ годинава ќе изнесува 46 милијарди долари
Потрошувачката на информатичка технологија годинава ќе изнесува 46 милијарди долари, измери Меѓународниот институт ИДЦ, кој прави истражувања на ИТ секторот и како тој влијае врз економијата и вработувањата во светот
Од ИДЦ предвидуваат дека од крајот на 2008г. до почетокот на 2013 г., ИТ потрошувачката ќе расте за 5,8 проценти годишно, споредено со 1,8 отсто годишен пораст на бруто-домашниот производ. За да се изразат количински директните придобивки од ИТ врз локалните економии, како што се движиме кон закрепнувањето од глобалната рецесија, ИДЦ ги проучиле односите меѓу ИТ, софтверот и Микрософт екосистемот и економиите на 52 земји, вклучувајќи осум земји од Централна и Источна Европа кои заедно претставуваат повеќе од 98 проценти од ИТ потрошувачката. Вклучените земји се: Бугарија, Хрватска, Чешка, Грција, Унгарија, Романија, Русија и Полска.Оттаму оценуваат дека активностите поврзани со ИТ ќе генерираат 17 милијарди долари во даноци во 2009 г. Во текот на следните четири години тоа значи речиси 12 милијарди долари вкупно во нето нови даноци. Тој потрошувачки пораст значи дека вработувањето во ИТ индустријата и на ИТ професионалци во организации кои користат ИТ ќе порасне за 425.000 нови работни места, во текот на четири години од крајот на 2009 до крајот на 2013 г., од основата од 1,2 милиони во 2009 г. Тоа претставува пораст од 4,8 отсто годишно од сега па се до 2013 г., споредено со нула пораст на вкупното вработување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
(Фото) Во министерството за финансии се крои ребалансот на буџетот, работата тече и викендов
Се крои ребалансот на буџетот. Во министерството за финансии се работи и викендов без прекин. Се пренаменуваат пари од нереализирани и непродуктивни трошења за она кое е попотребно и неопходно. Една од тие ставки е зголемувањето на пензиите од 2.500 денари од септември. Пари требаат и за капиталните проекти за општините. Според информациите, планирано е да бидат пренаменети 200 до 300 милиони евра.
„И овој викенд повторно работно во Министерството за финансии. Се работи на ребалансот на Буџетот. Секогаш во интерес на граѓаните на Македонија!“, напиша на Фејсбук министерката за финансии Гордана Димитреска Кочоска.
Економија
(Видео) Трипуновски: Земјоделските задруги се важни за решавање на проблемот со пласманот на производи
Министерот за земјоделство, шумарство и водостопанство Цветан Трипуновски присуствување на панел дискусија во организација на Македонската асоцијација на земјоделски задруги.
– Мораме да работиме да го развиваме задругарството, во моментов се наоѓаме во еден правен вакуум бидејќи законот за земјоделски задруги е укинат и се формираше еден посебен закон за задруги меѓутоа делот на земјоделските задруги остана недефиниран. – изјави Трипуновски.
На панел дискусијата се споделија неколку идеи за во која насока треба да се движат земјоделските задруги, а министерот Трипуновски ги презентираше мерките и проектите од владината програма за земјоделски задруги.
Преземавме обврска да веќе во наредниве месеци да го измениме законот за земјоделство и рурален развој каде што ќе ги дефинираме земјоделските задруги и нивното здружување. Ние во нашата владина програма имаме ставено фокус на задругарството преку разни мерки и проекти се со цел да овој начин на здружување биде еден од алките на решавање со пласманот на нашите земјоделски производи – заврши Трипуновски.
Економија
Димитриеска-Кочоска – Гир: Континуитет во поддршката од ЕУ, МФ ќе го искористи искуството за спроведување на реформскиот план
Министерката за финансии, Гордана Димитриеска-Кочоска, денеска оствари средба со евроамбасадорот Дејвид Гир, на која соговорниците се осврнаа на реформите што ѝ претстојат на земјата во нејзиниот евроинтегративен процес.
На средбата беа разменети мислења за активностите што ги презема Министерството за финансии како институција, која е координатор во рамките на економско-финансискиот дијалог со ЕУ, како и за реформската агенда на земјата поврзана со новиот план за раст на Западен Балкан, активност што ја реализира Министерството за финансии заедно со Министерството за европски прашања.
„Министерството за финансии ги координира активностите во рамките на Економско-финансискиот дијалог веќе 10 години и во тој процес има континуитет. Тоа искуство ќе се искористи и во рамките на реформскиот процес поврзан со планот за раст на Западен Балкан“, рече министерката.
Таа изрази уверување дека реформите што се поврзани со Министерството за финансии во рамките на тој евроинтеграциски процес ќе бидат во фокусот на работата бидејќи тие значат и унапредување на процесите и приближување на земјата до ЕУ-стандардите.
Како што беше посочено, ЕУ е значаен поддржувач на земјата од нејзината независност и дека таквата поддршка ќе продолжи и во наредниот период.