Два ревитализирани и модернизирани когенеративни турбоагрегати, лоцирани во скопската населба Железара, денеска беа пуштени свечено во употреба

Станува збор на проект на Електрани на Македонија (ЕЛЕМ), кој за оваа намена инвестираше 3,5 милиони сопствени средства.Двата агрегати, кои од денеска се вклучени во енергетскиот систем, имаат моќност од вкупно 30 MW.Капацитетот Енергетика, кој се наоѓа во комплексот Рудници и железарници, се предвидува да произведува до 160 GWh електрична енергија годишно , со истовремена можност за производство до 200 GWh топлинска енергија.Како погонско гориво ќе се користи природниот гас, кој досега на истата локација се користеше само за производство на топлинска енергија.На денешната свеченост присуствуваа македонскиот премиер Никола Груевски, Директорот на ЕЛЕМ Влатко Чингоски, пратеници и други гости.Притоа премиерот Груевски истакна дека решавањето на прашањето со снабдување со електрична енергија ќе ја намали нашата зависност од увоз на електрична енергија.„Знаејќи ја ваквата потреба, македонската влада преку државните енергетски компании, постојано инвестира и работи на осовременување на системот за енергетска поврзаност, изградба на нови капацитети и надградба на постоечките“, рече Груевски.Според него,  придобивките од инвестицијата во капацитетот Енергетика се огромни, бидејќи се обезбедува пониска цена на  струјата, а природниот гас кој се користи како погонско гориво ќе влијае врз намалување на загадувањето на  природната околина.„Бенефициите за граѓаните и стопанството се огледаат и во тоа што топлинската енергија, која тука ќе се произведува, ќе може да ја користат и голем број на индустриски капацитети, а се планира и развивање на мрежа за топла санитарна вода за индустријата и домаќинствата, но и за потребите на оранжериите“, рече Груевски  Тој најави дека ќе продолжат инвестициите на државата во енергетскиот сектор, кој е  од клучна важност за развој на Република Македонија.„За сериозноста на нашите намери говори и најавата за капиталниот проект вреден 56 милиони евра за модернизација на најголемиот капацитет за производство на електрична енергија РЕК Битола во следните три години“, изјави Груевски.Чингоски изјави дека после подол период електроенергетскиот систем е збогатен со производствен капацитет, кој можеби е мал по обем, но е значаен по својата суштина.„Енергетскиот капацитет кој треба да ги зајакне перформансите на ЕЛЕМ во овој дел на градот, ќе влијае и на зголемувањето на производството на електрична, но и на топлинска енергија во функција на потрошувачите“, рече Чингоски.