Контакт

Економија

Излеговме од рецесија, но далеку сме од заздравување

Објавено пред

Македонија и официјално излезе од рецесија откако во последниот квартал од минатата година регистрирала раст на домашниот бруто-производ од 1,2 проценти

Сепак, на годишно ниво лани земјава остварила пад на БДП од 0,7 отсто. По негативните бројки за македонската економија, забележани во првите три квартала од минатата година, благиот раст во последниот квартал ги покажува првите знаци на економско заздравување. Сепак, според експертите, нашата економија е далеку од заздравување. Според министерот за финансии, Ставрески растот на БДП делумно се должи на растот на индустриското производство од 20 отсто во декември лани, но и на останатите сектори, посебно градежниот, кој е во постојан обем и го презема приматот на водечки сектор.Владините проекции беа дека БДП во 2009 г. ќе има пад од 0,6 отсто.За опозицијата, податоците на статистика за излез од рецесијата значат дека од октомври наваму, цели шест месеци, на сите граѓани и фирми, всушност, ни е многу подобро, но тие не го знаат тоа и не го почувствувале: „Штом е така, премиере Груевски, тогаш, од денес, па натаму, престанете да зборувате за светската економска криза. Македонија е излезена од рецесија и не може за немањето странски инвестиции, нови работни места, за сиромаштијата и нискиот животен стандард веќе да се оправдувате со што било. Четири години сте премиер и на граѓаните им е здосадено од немање резултати“, побара Зоран Јовановски, потпретседател на СДСМ.Експертите, пак, велат дека кризата, која се уште ги опседнува економиите од регионот, уште долго нема да ни го заврти грбот.Според нив растот од 1,2 отсто на БДП во последниот квартал од минатата година прв по негативни стапки на БДП во првите три квартала е позитивен сигнал, но недоволен за да се заклучи дека македонската економија ги поминала тешките денови. Доволен доказ за тоа е се уште тешката ситуација во која се наоѓаат европските економии, посебно грчката. Од нивната криза сериозно трпи и ќе трпи нашиот извоз.Според експертите за да Македонија закрепне треба добра основа, односно силна економија, која би се потпирала врз силни компании, што ние ги немаме. За поттикнување на растот на БДП, Владата мора да ги реализира капиталните инвестиции, кои се основен двигател на секој развој, бидејќи ќе ангажираат нови вработувања, а тоа ќе значи повеќе пари, поголема потрошувачка и поголем БДП. Досега Владата не ги реализираше капиталните инвестирања докрај, и на крај на годината ги прераспределуваше парите за други цели. Не смее да се заборават и останатите економски параметри кои и натаму се негативни. Македонија е земја со стапка на невработеност од 32 проценти, каде 29 проценти од населението живее во сиромаштија. Последниот податок за индустриското производство во јануари покажа минус од 3 проценти.Во изминатиот период кризата го турна на колена и индустриското производство, го погоди текстилот, имуни не останаа ниту останатите економски сектори. Во обид да го стимулира стопанството владата донесе 4 пакета антикризни мерки, кои според бизнисмените не дадоа богзнае каква помош за стопанството кое има сериозен проблем со обезбедувањето на кредити и порамнување на должничко-доверителските односи со другите фирми, државата и јавните претпријатија.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

Битиќи и Деспотовски: Создаваме одлични услови за нови инвестиции во ТИР-зоните

Објавено пред

Заменикот на претседателот на Владата на Република Северна Македонија задолжен за економски прашања, координација со економските ресори и инвестиции, Фатмир Битиќи, ја одржа првата работна средба со новоименуваниот в.д. директор на Дирекцијата за технолошко-индустриските развојни зони, Јован Деспотовски, со кого разговара за политиките на Владата за привлекување нови реномирани странски и домашни компании да инвестираат во зоните, изградбата и уредувањето на самите зони, како и за унапредување на условите за воедење бизнис и подигнување на конкурентноста на компаниите.

Вицепремиерот Битиќи му честиташе на Деспотовски за новата работна позиција, при што му порача и на ова работно место да ги постигне истите успеси што ги имаше како директор на Фондот за иновации и технолошки развој. Тој посочи дека очекува максимален ангажман и посветеност од Деспотовски, како и активно учество во креирање што е можно подобри услови за работа на компаниите во зоните, односно да се продолжи со уредувањето на веќе оформените зони, да се завршат сите почнати инфраструктурни проекти, но и да се работи на привлекување високотехнолошки компании, кои во земјата би донеле нови технологии, знаења и вештини и ќе создаваат производи со повисока додадена вредност.

Вицепремиерот посочи дека треба да се одржува интензивна комуникација и со компаниите кои веќе функционираат во рамките на ТИР-зоните, а за оние компаниите што гизпочнаа инвестициските проекти и се во фаза на градба на производствените капацитети максимално можно да се излезе во пресрет на нивните барања во случај да се соочат со одредени предизвици во реализацијата на инвестициите.

Привлекување инвестиции со повисока додадена вредност во Северна Македонија ќе биде еден од четирите основни столбови на работење на Дирекцијата во следните 4 години. Ова треба да се оствари и со разгледување измени во политиките за привлекување инвестиции, а кои ќе се базираат на анализа што Дирекцијата ќе ја направи во следните неколку месеци.

Дополнително, зголемување на платите на работниците ангажирани во големите капацитети во ТИРЗ, како и поголем влез на домашни компании во глобалните вредносните синџири, ќе се стимулира со нови програми за финансиска поддршка, што ќе се иницираат набргу. Поттикнувањето на развој на зелена и циркуларна економија и влез на приватен капитал во развојот на инфраструктурата и инвестициите се посебен сегмент на работната програма, презентира дел од програмата за работа, директорот на ДТИРЗ, Јован Деспотовски.

Вицепремиерот Битиќи и директорот Деспотовски истакнаа дека ќе имаат исклучително блиска соработка во насока на искористување на инвестициските потенцијали на земјата, за привлекување нови реномирани компании и отворање нови подобро платени работни места за граѓаните.

Прикажи повеќе...

Економија

Бочварски: Издвоивме 186 милиони денари од буџетот на Министерството за транспорт и врски за капитални проекти во општините

Објавено пред

Од буџетот на Министерството за транспорт и врски за оваа година распределуваме 186 милиони денари за реализација на капитални проекти во општини во Република Северна Македонија, истакна министерот за транспорт и врски, Благој Бочварски, при денешната работна посета на општина Штип.

Тој потенцира дека Владата се фокусира на поддршка на општините за да се подобри квалитетот на урбаното живеење. За таа цел, истакна министерот, на послeдената седница на Владата било одлучено преку буџетот на Министерството да се распределат овие средства во вид на капитални дотации.

„Владата на вчерашната седница ја усвои информацијата за распределба на капитални дотации за општините како поддршка за подобрување на квалитетот на живеење. Општина Штип добива 9 милиони денари за изградба на конзоли за пешаци на реката Отиња. Со проектот се предвидува изградба на конзоли за пешаци, со што ќе се ослободи сегашниот тротоар на потегот од мостот на црквата ‘Св. Никола’ сè до мостот кај судот. Со тоа добиваме уште една коловозна лента и двонасочен проточен сообраќај. Со овој проект и со платформата за паркирање го решаваме сообраќајниот систем во тој дел од градот. Продлжувме во отворена и блиска комуникација со сите општини и во тесна соработка ќе придонесеме за подобрување на квалитетот на живот за граѓаните“, изјави министерот за транспорт и врски, Благој Бочварски.

За општина Штип ова е трјано решавање на досегашниот сообраќаен метеж, истакна в.д. градоначалникот на оптшина Штип, Јане Миланов.

„Со изградба на конзолите за пешаци ќе ги ослободиме тротоарите, со што ќе добиеме две ленти за сообраќај. Со тоа ќе го решиме сообраќајниот метеж што го имаме со години. Се работи за средства од 9 милиони денари, кои заедно со средствата што ќе ги одвои Општината ќе се овозможи фазно да се реализира овој проект. На тој начин добиваме сообраќајница со две ленти“, изјави в.д градоначалникот на општина Штип, Јане Миланов.

.На новинарско прашање за изградба на браната на Отиња, министерот Бочварски потенцира дека јавниот повик е завршен и дека пет компании имаат доставено понуди. Во наредниот период ќе се врши евалуација на понудите и до крај на годината или почетот на следната година ќе се избере изведувач, истакна министерот Бочварски.

Прикажи повеќе...

Економија

Заев и министрите од економските ресори на состанок со германски стопанственици

Објавено пред

Премиерот Зоран Заев, заедно со вицепремиерот за економски прашања и координација на економските ресори, Фатмир Битиќи, амбасодарката на Сојузна Република Германија во земјата, Анка Холштајн, како и Михаел Хармс, директор на Комитетот на источна Европа на германското стопанство, со воведни обраќања го отвори онлајн-состанокот со делегацијата од над 20 германски стопанственици од повеќе сектори, кои покажаа интерес за инвестиции во земјата.

Во фокус на состанокот беа теми поврзани со инвестиции во областите на дигитализација, енергетска ефикасност, третман на отпадни води, градење општинска инфраструктурата, како и зајакнување на здравствените системи, кои ќе креираат понатамошен економски раст.

 

Премиерот Заев истакна дека економската соработка меѓу двете земји континуирано расте. Сојузна Република Германија е најважен трговски партнер на Северна Македонија од осамостојувањето до денес. Премиерот нагласи дека повеќето од германските инвеститори работат со голем успех во нашата земја и Германија е најголемиот надворешно-трговски партнер, со вкупна трговска размена во периодот јануари-септември 2020 година од 2,4 милијарди евра.

Вицепремиерот Битиќи дополни дека Владата е посветена на креирање предвидлива бизнис-клима за инвеститорите во земјата. За таа цел е почнат процес на долгорочен стратешки национален развоен план и централна единица за следење на ефективноста и ефикасноста на економските политики, борба со сивата економија и елиминација на корупцијата на сите нивоа.

На состанокот со германските стопанствениците дискутираа и министерот за здравство, Венко Филипче, за економија, Крешник Бектеши, за транспорт и врски, Благоја Бочварски, како и Насер Нуредини, министер за животна средина и просторно планирање, и тоа за спецификите и можностите за инвестирање во соодветните области.

Во таа насока и на годишниот самит на Берлинскиот процес што се одржа во Софија, а копретседаваше Бугарија, Северна Македонија се приклучи на потпишување две важни политички декларации што ќе го забрзаат идниот економски раст. Првиот е имплементација на заеднички регионален пазар меѓу шесте земји од Западен Балкан, а втората е за спроведување на зелената агенда за Западен Балкан, подготвена од Европската комисија. И двата процеса ќе доведат до понатамошно зајакнување на регионалните економска интеграција, што дополнително ќе го забрза економскиот раст на Северна Македонија.

Заедно со економскиот и инвестицискиот план на ЕУ за Западен Балкан, со што се издвојуваат до 9 милијарди евра за целиот регион во следните неколку години, тие регионални иницијативи создаваат солидна основа за идните перспективи на регионот.

Прикажи повеќе...

Најново

Македонија1 час

Мицкоски повика на предупредувачки протест за одбрана на македонските црвени линии

Лидерот на ВМРО-ДПМНЕ, Христијан Мицкоски, преку социјалните мрежи повика на натпартиски протест за одбрана на црвените линии во преговорите со...

Македонија2 часа

1.288 новозаразени од Ковид-19, починаа 39 лица

Министерството за здравство информира дека во последните 24 часа се направени 3.349 тестирања, а регистрирани се 1.288 нови случаи на...

Македонија3 часа

Кај Тумбе Кафе има околу 10.000 гранати од Првата светска војна, уништувањето ќе почне во декември

Дирекцијата за заштита и спасување (ДЗС) соопшти дека во декември ќе започне уништувањето на неексплодираните гранати од Првата светска војна...

Свет4 часа

Кинески експерти тврдат дека коронавирусот не потекнува од Кина

Кинескиот државен весник „Пиполс дејли“ тврди, повикувајќи се на изјави на кинески експерти, дека коронавирусот не потекнува од Вухан, град...

Меѓународен5 часа

Почина Диего Армандо Марадона

Легендарниот аргентински фудбалер, Диего Армандо Марадона (60) почина од срцев удар во родната земја, јавуваат тамошните медиуми. Легендарниот фудбалер починал...

Македонија7 часа

Заев: Бугарија не е фашистичка земја, туку наш пријател

Бугарија не е фашистичка земја, таа е наш пријател, вели претседателот на Владата, Зоран Заев, во интервју за бугарската новинска...

Македонија10 часа

Судот го опомена Бојан Јовановски, одбиено е барањето за изземање на судијката

Претседателот на Кривичниот суд, Иван Џолев, го одби барањето на обвинетиот Бојан Јовановски за изземање на судијката Софче Гаврилова-Ефремова од...

Македонија10 часа

Се очекува зелено светло од Пендаровски за војниците од утре да почнат да ги обезбедуваат болниците

Припадниците на Армијата ќе може уште утре да бидат распределени во здравствените институции, изјави министерката за одбрана, Радмила Шекеринска. „Вчера,...

Култура11 час

Eкипата на „Медена земја“ тврди: На Атиџе ѝ обезбедивме дом, храна и лекови – здружението „Бекирлија“ и донациите ќе бидат затворени

Екипата на „Медена земја“ реагира по тврдењата што се појавија во јавноста дека Атиџе Муратова е заборавена од сите, без...

Европа12 часа

(Видео) Автомобил удри во оградата на канцеларијата на Меркел

Автомобил управуван од непознато лице удрил во оградата на канцеларијата на германската канцеларка Ангела Меркел во Берлин. Деталите за оваа...

Свет12 часа

Сингапур го искорени коронавирусот

Некогаш имаше најголема стапка на Ковид-19 во Југоисточна Азија, но кога во вторникот пријави 14 дена без нови локални случаи,...

Македонија12 часа

Во ковид-центрите во Скопје за 24 часа хоспитализирани 39 пациенти, слободни уште 20-ина места

Во изминатите 24 часа во ковид-центрите во Скопје хоспитализрани се 39 нови пациенти поради компликации од коронавирусот. Вкупно 486 лица...

Македонија12 часа

(Видео) Пендаровски: Пандемијата покажа дека домот не е најбезбедно место за многу жени и деца

Претседателот на државата, Стево Пендаровски, се вклучи во глобалната кампања „16 дена активизам против родово базирано насилство“ на Обединетите нации,...

Регион12 часа

Од денес стапува во сила полициски час во Црна Гора

Во Црна Гора од денес угостителските и услужните објекти ќе работат од 7 до 18 часот, а забраната за напуштање...

Европа13 часа

Финцитe мајстори во борбата против коронавирусот

Финска, со население од нешто помалку од 6 милиони жители, е една од земјите што најдобро се справуваат со пандемијата...

Свет13 часа

Трамп ќе го помилува поранешниот советник за безбедност, кој го лажеше ФБИ

Американскиот претседател, Доналд Трамп, планира да го помилува поранешниот советник за национална безбедност Мајкл Флин, кој во 2017 година призна...

Свет14 часа

Бајден: Сè уште не сум разговарал со Трамп

Новоизбраниот американски претседател, Џо Бајден, изјави дека сè уште не разговарал со актуелниот претседател Доналд Трамп. Бајден во првото интервју...

Свет14 часа

Макрон најави попуштање на мерките

Франција следниот викенд ќе почне со олабавување на мерките против ширењето на коронавирусот за до Божик продавниците, театрите и кината...

Свет14 часа

Австралија ги ублажува мерките, со денови нема нови заразени

Австралиската федерална држава Нов Јужен Велс ќе ги олесни ограничувањата за физичка дистанца и ќе ги отстрани условите за компаниите...

Свет14 часа

Голем метеж на аеродромите и во центрите за тестирање во САД во пресрет на Денот на благодарноста

Метежот на аеродромите и редиците пред центрите за тестирање покажуваат дека многу Американци планираат да го прослават Денот на благодарноста...

Досие