Стапката на вработеност кај жените во 2009 била 29.4%, споредено со 47.5% кај мажите, покажуваат последните податоци кои неодамна ги издаде Државниот завод за статистика.

Стапката на вработеност кај жените во 2009 била 29.4%, споредено со 47.5% кај мажите, покажуваат последните податоци кои неодамна ги издаде Државниот завод за статистика.Истите анализи покажуваат дека само една од пет работодавци е жена, односно дека жените учествуваат со 22% во работодавците во Македонија. Во моментот Македонија нема ниту една жена градоначалник.

Од НВО „Реактор“ по повод 100 годишнината од одбележувањето на Меѓународниот ден на жената, 8-ми март, порачуваат дека родовата еднаквост во Република Македонија е далеку од реалност.„Иако во последните децении се преземени значителни напори за нејзино промовирање, сепак родовата нееднаквост сè уште преовладува, најчесто на штета на жените. Сé уште постои диспропорција меѓу правно загарантираната и реално остварената еднаквост меѓу жената и мажот во Македонија. Сé уште многу треба да се направи за да се елиминираат стереотипите кои постојат, да се зголеми бројот на жени на раководни функции, да се намали бројот на невработени и неактивни жени“, порачуваат од „Реактор“.Според нивното истражување спроведено минатата година, жената е ставена во неповолна состојба на пазарот на труд. Жените сè уште се соочуваат со хоризонтална и со вертикална сегрегација, а најголемиот дел од нив и натаму се вработуваат во секторите во кои традиционално работат жени и кои вообичаено се помалку ценети и вреднувани. Освен тоа, тие главно се вработени во пониските ешалони на организационата хиерархија.„Две третини од жените (62%) сметаат дека домашните задолженија им ја скратуваат слободата. Повеќето жени (51,3%) сметаат дека не е нормално мажите помалку да учествуваат во домашните обврски, меѓутоа сé уште за една третина (31,2%) од испитаничките, тоа е нормално“, покажува истражувањето.За подобрување на положбата на жената во општеството тие констатираат дека родовата еднаквост може да се постигне само со јасна решителност на највисоко политичко ниво.„Владата мора прво да ја промовира родовата еднаквост во сопствените редови. Дополнително, за да се постигне напредок во клучните области идентификувани со нашето истражување, допрва е потребно подобро владеење и соработка на сите нивоа: меѓу институциите, Собранието, општините, социјалните партнери и граѓанското општество“, се вели во соопштението на „Реактор“.Истражувањето е спроведено во рамки на проектот „Жените и економијата“, финансиски поддржан од Европската Комисија, преку Европскиот инструмент за демократија и човекови права (EIDHR)./крај/со/ко