Дури три четвртини од членовите на Македонско-Германското стопанско здружение (МГСЗ) ја оцениле актуелната економска состојба во Македонија како лоша, но над половината од нив се задоволни од состојбата во која се наоѓа нивната фирма.

Дури три четвртини од членовите на Македонско-Германското стопанско здружение (МГСЗ) ја оцениле актуелната економска состојба во Македонија како лоша, но над половината од нив се задоволни од состојбата во која се наоѓа нивната фирма.Ова се наведува во анкетата на Унијата на германски комори за индустрија и трговија спроведена меѓу 150 компании членки на МГСЗ.На овогодинешната анкета 74 отсто од анкетираните претпријатија ја оценуваат сегашната економска состојба во Македонија како лоша, што претставува пет отсто повеќе во споредба со претходната година, се наведува во анализата.Во однос на оценувањето на сопствениците компании, испитаниците се позадоволни и дури 52 отсто од нив ја сметаа сегашната деловна состојба за задоволителна, 37 за добра, а само 11 ја оценуваат како лоша.Речиси половината од фирмите најавиле проширување на бројот на работните места во текот на годината, 59 отсто од нив очекуваат зголемување на добивката, а 41 отсто предвидуваат пораст на нивниот извоз.Директорот на Германското стопанство за Македонија Михаел Шмит како негативен го оцени податокот, што „само 65 отсто од германските компании одговориле дека повторно би инвестирале во Македонија, додека таа бројка во соседните држави се движи од 80-90 отсто.„Од одговорите на испитаниците повторно стана јасно дека состојбата во некои важни фактори во Македонија треба итно да се менува. Претпријатијата очекуваат поголема транспарентност во тендерите за јавни набавки, ефикасна администрација и правна сигурност“, изјави Шмит.Тој напомена дека германските фирми ја пофалиле реформата со воведувањето на рамниот данок, како и намалените стапки за социјалните придонеси за вработените, рече Шмит.Претставникот на германското стопанство изнесе и одредени статистички показатели, кои покажуваат драстичен пораст на обемот на трговската размена меѓу Македонија и Германија, особено на македонскиот извоз.Македонскиот извоз кон најголемата европска економија лани достигнал 590,8 милиони евра, што е за над 80 отсто повеќе во однос на 2009 година, кога бил остварен извоз во вредност од околу 350 милиони евра.Ова придонесло Македонија лани за прв пат да оствари суфицит во трговската размена со Германија и единствената држава од регионот, на која тоа и пошло од рака.Негативен показател за Шмит претставува податокот, што само десет отсто на увозот од Германија во Македонија отпаѓа на машини. Наведувајќи дека германското стопанство лани остварило раст од 3,5 отсто и дека за годинава се планира раст од близу три отсто, Шмит изрази очекување дека Германија ќе продолжи да биде локомотива на европската економија. Тој истакна дека порано пресудно за германските компании при носењето на одлуката каде да го селат производството, биле трошоците за работа, а сега клучно е да се биде блиску до трговските партнери, како и големината на пазарот.Од тие причини Македонија, заедно со соседните држави може да биде многу интересна за германските инвеститори, за што покрај подобрување на инфраструктурата, неопходно е и негување на добрососедски односи со државите во регионот, смета Шмит. /крај/со/ап