Коалицијата предводена од страна на ВМРО – ДПМНЕ и партиите ЛДП, ДУИ и ДПА имаат потрошено многу повеќе средства од сметката, од оние што ги имаат обезбедено со приливите

Ова е констатацијата на Државната комисија за спречување на корупција (ДКСК), по доставувањето на  финансиските извештаи  за состојбата на сметките кои наменски се отворени од страна на организаторите на изборните кампањи за реализација на предизборните активности.„ДУИ, од донации на седум лица, обезбедиле 1.150.000 денари , а потрошени  се 4.342.270 денари; ДПА, од донации на 10 лица, обезбедиле 608.000, а потрошиле 1.022.423 денари, ЛДП од донации на лица има обезбедено 275.000 денари, а за кампањата потрошени се 2.322.240 денари, и на крај, коалицијата предводена од ВМРО – ДПМНЕ, од донации на 130 физички лица и едно правно лице, обезбедиле 7.950.000, а потрошени се 103.054.161 денари“, образложи претседателот на ДКСК, Воислав Зафировски.Овие констатации, како што посочи тој  нудат можност за анализи кои Комисијата ќе ги направи по завршувањето на изборната кампања и оти тоа ја мотивирало  да  ја афирмира потребата од доуредување на изборната легислатива, со обврска која би се ставила во Изборниот законик, наменските сметки за изборните кампањи да се затвараат еден ден по завршувањето на изборната кампања.ДКСК, како што информираше Зафировски, побарала дополнителни информации за кредитот со кој коалицијата предводена од СДСМ ја финансира изборната кампања, а е пријавен во рубриката донација, со цел да се констатира со колкав износ кредиторот, во случајов Комерцијална банка АД Скопје ја донира изборната кампања на коалицијата.Само Социјалдемократската Унија во својот извештај  има прикажано прилив на средства од членарина, што согласно Изборниот законик е прво означен извор за финансирање на изборната кампања.Исто така само една партија,  Национално демократската преродба во прилог на извештајот ги доставила расходните банкарски изводи. Иако тоа не е законска обврска ДКСК смета дека треба да има увид во приходите и расходите во банкарските изводи.Во однос на донациите, кои се носечки извори на средства за изборната кампања, во извештаите се прикажани донаторите, физички и правни лица. За одбележување е  како што рече Зафировски тоа што во принцип сите прикажани донации, според износите се во согласност со законскиот лимит за донирање на изборните кампањи – до 5.000 евра донација од физичко лице, додека за правните лица  комисијата треба да направи  дополнителни проверки, за тоа дали нивните донации се во висина до 5 отсто од остварениот вкупен приход во текот на изминатата година.Само на сметката на  ДУИ  на 5-ти и 6-ти мај, од две физички лица е уплатена донација во износ од 775.000 денари, што го надминува законскиот лимит. ДКСК ги повика ДУИ износот што го надминува законскиот лимит на донација од физичко лице, односно износ од 162.000 денари, итно да го префрлат на сметката на Буџетот, бидејќи рокот за тоа да го сторат е истечен на 10 мај и за тоа да ја извести Комисијата. Зафировски посочи за во делот на расходите по основ на платено политичко рекламирање во електронските медиуми, дека ќе се побараат податоците од Совет за радиодифузија.ДКСК ќе им укаже на сите забелешки на партиите и ќе побара уредните финансиски извештаи ставени во образецот пропишан од министерот за финансии да го достават до денот на завршувањето на изборната кампања.