Вредноста на еврото денеска падна, додека меѓу инвеститорите расте песимизмот кон напорот на Европејците да ја ограничат кризата на државниот долг со повикот на поголема економска координација меѓу земјите на еврозоната.

Вредноста на еврото денеска падна, додека меѓу инвеститорите расте песимизмот кон напорот на Европејците да ја ограничат кризата на државниот долг со повикот на поголема економска координација меѓу земјите на еврозоната.Лидерите на Франција и Германија денеска во Париз разговараа за должничката криза што ги потресува пазарите од почетокот на минатата година.Ситуацијата денеска дополнително се влоши со новите податоци на Европската унија(ЕУ), кои покажуваат дека економскиот раст во Германија остро се забавил, „машинската хала“ на континентот.Економскиот раст во 17 земји што го користат еврото се забавил на 0,2 отсто од април до јуни, додека во претходниот квартал бил 0,8 отсто. Растот во Германија опаднал од 1,3 отсто на 0,1 отсто.Европските политичари се на удар на критиката зошто не прават доволно за да се ограничи ширењето на „заразата“.Разочарувањето по денешните изјави на францускиот претседател Никола Саркози и германската канцеларка Ангела Меркел, го повлече еврото надолу, велат аналитичарите.Во доцните попладневни часови на Њујоршката берза еврото падна на 1,4397 долари, додека вчера вредноста му беше 1, 4451 долари.Некои инвеститори се надеваа дека двајцата лидери ќе предложат нови „евро-обврзници“ и на тој начин да ги поврзат различните економии на ЕУ и да ги намалат стравувањата од нагло растечките трошоци на позајмување на пари на некои земји на Унијата.Саркози и Меркел веднаш го исклучија издавањето на заеднички обврзници на државниот долг, како и зголемување на европскиот фонд за финансиска помош над постоечките 440 милијарди евра, што се очекуваше заради поддршка на земјите погодени од кризата, преку продажба на обврзниците.Инвеститорите се загрижени и од тоа како евроблокот ќе го спроведе она што го предложија саркози и Меркел, но и за тоа дали нивниот план е воопшто добар за решавање на економските проблеми во Европа, велат аналитичарите.„Тоа однадвор изгледа многу храбро:федерална ’еврозона’“, изјави Дејвид Гилмор, од фирмата „ Foreign Exchange Analytics“ од Есекс, Конектикат, САД. Според него, практичниот дел и натаму изгледа „како неостварлив сон“.Планот да се формира подлабока фискална унија на 17 земји кои го користат еврото, „го прави еврото кредибилно“, но владите нема да сакаат да ги предадат своите права да управуваат со даночната и буџетската политика“, изјави Гилмор.Тој додава дека и предложениот данок на финансиски трансакции може да ја загрози побарувачката на европски акции.„Планот нема да им помогне на европските економии да бидат поконкурентни, ниту да го покренат растот“, рече Марк Чендлер, шеф на валутната стратегија на фирмата „Brown Brothers Harriman“ од Њујорк.Според него, француско-германскиот план ќе наиде на „големо одбивање“ кај други земји во еврозоната.Во другите денешни трансакции, британската фунта порасна од 1,6389 на 1,6457 долари, додека доларот остана со непроменето ниво од 76,78 во однос на јапонскиот јен. Доларот зајакна од 0,7843 на 0,7938 во однос на швајцарскиот франк, зголемувајќи ја добивката започната минатата недела кога Централната банка на Швајцарија почна да го сузбива растот на својата валута. /крај/ап/б/ст