Економија
Силен скок на акциите на Вол стрит
Во вторникот на Вол стрит цените на акциите значајно пораснаа, но дури на крајот од тргувањето, по вестите дека европските челници работат на планот за спасување на банките, како и дека Франција и Белгија ќе ја поддржат финансиската групација „Dexia“.
Во вторникот на Вол стрит цените на акциите значајно пораснаа, но дури на крајот од тргувањето, по вестите дека европските челници работат на планот за спасување на банките, како и дека Франција и Белгија ќе ја поддржат финансиската групација „Dexia“.Dow Jones индексот зајакна за 1,44 отсто на 10,808 поени, додека S&P 500 скокна за 2,25 отсто на 1.123 поени, а Nasdaq индексот се зголеми за 2,95 отсто на 2.404 поени. На почетокот од тргувањето во вторникот цените на акциите забележаа остар пад поради стравувањето на инвеститорите од банкротот на Грција, што на европските банки би им нанело големи загуби и би довело до финансиска криза, слична на онаа од 2008 година. Загубите беа за нешто намалени кога директорот на американската централна банка Фед, Бен Бернанке во американскиот Конгрес изјави дека централната банка би можела да воведе нови поттикнувачки мерки бидејќи американското стопанство бележи раст послабо отколку што се очекуваше. Меѓутоа, потоа цените на акциите повторно паднаа, па на 40 минути пред крајот на вчерашното тргување Dow Jones беше во минус речиси 200 поени, додека S&P 500 индексот потона дури во ткн територија на „мечката“, беше во загуба 20 отсто во однос на своето најголемо годинешно ниво што го достигна во април.Сепак, вестите дека министрите за финансии на еврозоната работата на планот за спасување на банките ги охрабри инвеститорите. Позитивно на пазарите делуваше и ветувањето на министрите за финансии на Франција и на Белгија дека ќе ја реструктуират групацијата „Dexia“ и ќе гарантираат сите нејзини депозити. Акцијата на оваа француско-белгиска финансиска групација со денови веќе е под силен притисок поради нејзината изложеност на грчките долгови. Во вторникот во еден момент цената на акцијата на Dexia потона за 38 отсто, на најниско ниво откако постои групација. Сепак, подоцна, загубата беше ублажена, па тргувањето беше завршено со минус од 22 отсто. Тоа го поттикна силниот раст на цените на акциите во последниот час од вчерашното тргување на Вол стрит, па индексите завршија во позитивната територија. Притоа, најмногу пораснаа цените во финансискиот сектор. Индексот S&P 500 на овој сектор за 4,1 отсто. На европските, пак, цените на акциите во понеделникот остри паднаа. Лондонскиот FTSE ослаби за 2,58 отсто на 4.944 поени, франкфуртскиот DAX потона за 2,98 проценти на 5.216 поени, додека парискиoт CAC потона за 2,61 отсто на 2,850 поени./крај/ро/хн/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Ангеловска-Бежоска на форумот на Виенската иницијатива: Капитализираноста на македонскиот банкарски систем порасна двојно повеќе од ЦЈИЕ
Гувернерката Ангеловска-Бежоска, како претставничка на шесте централни банки од Западен Балкан во Одборот на „Виенската иницијатива“, учествуваше на Годишниот форум на панел-дискусијата посветена на банкарските системи во Централна и Југоисточна Европа (ЦЈИЕ), којшто оваа година се одржа во Вилнус, Литванија.
И покрај шоковите од невидени размери, банкарските системи во регионот, вклучително и македонскиот, покажаа високо ниво на отпорност. Македонскиот банкарски систем не само што ја задржа стабилноста, туку и уште повеќе ја зголеми. „Резултатите од овие напори се видливи. Капитализираноста на нашиот банкарски систем во споредба со претпандемичниот период е зголемена за близу 2 п.п., што е двојно повеќе од порастот во регионот на ЦЈИЕ и во моментов е највисока во изминатите 17 години, а квалитетот на капиталот е на историски високо ниво. Овие трендови во голема мера ги одразуваат зајакнувањето на регулативната рамка, на супервизијата и макропрудентните мерки преземени од страна на Народната банка“, посочи Ангеловска-Бежоска.
Притоа, особено е важно што и во овие кризни години имаше солидна кредитна поддршка за граѓаните и компаниите (просечен кредитен раст од околу 7%). Во услови на циклус на монетарно затегнување, каматните стапки на кредитирање пораснаа, но растот беше помал од растот на каматните стапки во ЕУ. Со тоа домашните каматни стапки на кредитите значително се приближија до каматните стапки во ЕУ и разликата меѓу нив е историски најниска. Во овој момент, просечната каматна стапка изнесува 5,5%, односно е двојно пониска во споредба со периодот пред Големата финансиска криза, кога изнесуваше околу 11%, во просек.
Гувернерката се осврна и на финансиската писменост и заштитата на корисниците на финансиските услуги, коишто се значајни за носење соодветни финансиски одлуки, но и за зголемување на конкурентските притисоци и за понуда на поконкурентни финансиски услови. „Финансиската писменост, едукацијата и заштитата на потрошувачите, коишто се стратешки приоритети на Народната банка, се важни за клиентите за да можат подобро да ги разберат и правилно да ги споредат понудите меѓу различните банки. Неодамна формиравме посебна организациска единица за финансиската писменост и заштитата на потрошувачите. Под водство на Народната банка, беше усвоена и првата национална Стратегија за финансиска инклузија и писменост, додека регулативната рамка беше зајакната минатата година, вклучително и преку усвојување на Насоките за банките и штедилниците за добри практики за заштита на потрошувачите, фер и транспарентни односи, врз основа на јасни и лесно разбирливи информации за производите и услугите што ги обезбедуваат. Беа преземени и мерки за зголемување на транспарентноста преку споредба на надоместоците за најрепрезентативните банкарски платежни услуги, коишто заедно со либерализацијата на пазарот на платежни услуги, ја поттикнуваат конкуренцијата во системот“, истакна Ангеловска-Бежоска.
„Виенската иницијатива“ е платформа којашто ги поврзува меѓународните финансиски институции, банкарските регулатори и претставниците на банкарските групи од Европа, присутни во регионот на ЦИЈЕ и секоја година, од 2009 година до денес, организира собири во областа на финансиите на кои сите засегнати чинители зборуваат за идните насоки во политиките поврзани со банкарскиот сектор и за поопшти макроекономски прашања.
Економија
Се намалува мазутот, цените на дизелот и бензините остануваат непроменети
Регулаторната комисија за енергетика, водни услуги и услуги за управување со комунален отпад донесе oдлука со која се врши намалување на малопродажните цени на нафтените деривати во просек за 0,53 % во однос на одлуката од 7.5.2024 година.
Од 10.5.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 86,00 (денари/литар)
Моторен бензин ЕВРОСУПЕР БС-98 – 88,00 (денари/литар)
Дизел-гориво ЕВРОДИЗЕЛ БС (Д-Е V) – 74,50 (денари/литар)
Масло за горење екстра-лесно 1 (ЕЛ-1) – 74,00 (денари/литар)
Мазут М-1 НС – 44,609 (денари/килограм)
Малопродажната цена на „мазутот М-1 НС“ се намалува 1,223 денар/кг и сега ќе изнесува 44,609 денари/кг.
Малопродажните цени на бензините ЕВРОСУПЕР БС-95 и ЕВРОСУПЕР БС-98, како и на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) не се менуваат.
Референтните цени на нафтените деривати на светскиот пазар во споредба со претходната пресметка бележат намалување во просек: кај бензините 2,939 %, кај дизелот 1,523 %, кај екстра-лесното масло 1,341 % и кај „мазутот“ намалувањето е 3,608 %.
Курсот на денарот во однос на доларот во изминатиот период по кој беа формирани цените со претходната пресметка е понизок 0,015 %.
Економија
Одлуката за осигурување автомобили е еднострана и штетна за бизнис-секторот и економијата во државата, реагира Комората на северозападна Македонија
Стопанската комора на северозападна Македонија ја квалификува одлуката на Комисијата за осигурување автоодговорност како неодржлива за благосостојбата на бизнисот и стопанството.
„Многу бизниси мора да се потпрат на употребата на возила за извршување на своите активности, како што се транспорт на стоки, услуги или вработени. Повисоките цени на полисата за осигурување автомобили може да имаат пошироки макроекономски ефекти со намалување на довербата и трошењето на потрошувачите, кои се клучни двигатели на економскиот раст“, се истакнува во реакцијата на Комората.
Деловното опкружување, како што оценуваат, станува обесхрабрувачки за домашните компании, но и за странските инвестиции, оставајќи долгорочни последици, но и спротивно на законодавниот систем на ЕУ, кој сè уште му дозволува на Министерството за финансии да одлучува за премиите за осигурување автомобили, што е спротивно на acquis на ЕУ.
„Со оваа одлука на Комисијата за самоодговорност се ограничуваат одговорностите на другите релевантни фактори, како што се компаниите, со кои цените на самоодговорноста се целосно контролирани од државата“, потенцираат од Стопанската комора на северозападна Македонија.