Економија
МФ: Заем од 50 милиони евра за македонските компании
Денеска заедно со бизнис заедницата и претставници на трите стопански комори и директорот на македонска банка за подршка на развој беа потпишани финалните договори со што се официјализираа 50 –те милиони евра од
Денеска заедно со бизнис заедницата и претставници на трите стопански комори и директорот на македонска банка за подршка на развој беа потпишани финалните договори со што се официјализираа 50 –те милиони евра од Европската инвестициска банка. Парите стануваат ефективни и на тој начин Владата го исполни ветувањето дека ќе го реализира овој проект кој што е еден од најзначајните во насока на поддршка на македонското стопанство со свежи финансиски средства добиени по извонредни услови. “Посебно користењето на овие пари е значајно во услови кога во Европа кризата зазема се поголеми размери и е извесно дека банкарскиот сектор се соочува со дополнителни ризици заради кои евидентно е дека пристапот до финансии станува се поотежнат. Затоа ние навреме ги почнавме подготовките за да ги обезбедиме нови финансиски средства за македонските фирми и успеавме да ги завршиме сите подготвителни активности”, изјави министерот за финансии Зоран Ставревски. Проектот всушност се надоврзува на претходниот проект од 100 милиони евра финансиска поддршка за малите и средни претпријатија во Македонија со кои се финансираа над 300 проекти и се отворија 2 000 работни места. Ставревски најави дека министерството за финансии и Владата веќе ги почнале подготовките за нова транша за нови 100 милиони евра подршка од Европската инвестициска банка. “Фирмите во Македонија го имаат ветувањето на Владата дека тогаш кога ќе се стигне до 70 процентна реализација на постојните 50 милиони ние веќе сме договорени со Европската инвестициска банка да почне подготовката за одобрување на новите 100 милиони. Тоа ќе овозможи вкупно 150 милиони евра свежи пари со апсолутно најповолна камата што може да се добие на пазарот од 5,5 проценти да стигнат до македонските фирми”, појасни министерот Ставревски. Со овие пари може да се финансираат проекти во доменот на здравството енергетиката, образованието, заштита на човековата околина. Ќе бидат одобрувани два вида на кредити и тоа инвестициски кредити и кредити за трајни обртни средства. Износите за кредити за инвестициските кредити ќе се движат од 10 000 евра до максимум три милиони евра за набавка на опрема, а за трајни обртни средства ќе се бидат доделувани од 5 000 евра до 70 000 евра. Во однос на роковите на отплата максималниот рок кај привиот вид е 8 години со грејс период од 2 години , а кај вторите до 3 години со грејс период од 6 месеци. Задоволство од овој заем изразија претставниците на трите стопански комори сметајќи дека на овој начин ќе се подигне квалитетот и конкурентноста на македонските компании во светот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Претседавачот на ЕБА: Комбинацијата на мерки на Народната банка и останатите централни банки вродија со плод
Комбинацијата од монетарното затегнување и макропрудентните мерки, која Народната банка, како и останатите централни банки ја применија, е неопходна како одговор на инфлациските притисоци со кои во последно време се соочуваме, посочи во интервју за “Независен”, Хозе Мануел Кампа, претседавач на Европскиот банкарски одбор-ЕБА.
Претседавачот Кампа истакнува дека централните банки ширум светот, вклучително и во ЕУ, го усвоија овој двоен пристап за да обезбедат финансиска стабилност. “Преку покачувањето на каматните стапки, централните банки директно се соочуваат со инфлацијата, додека макропрудентните мерки, како што е зголемувањето на капиталните побарувања или стрес-тестирањето, им помагаат на банките да останат отпорни во соочувањето со економските шокови”, вели Кампа и нагласува дека треба да се постави рамнотежа помеѓу одржувањето на ценовната стабилност и гаранциите дека банкарскиот сектор може соодветно да ги поддржи нашите економии. “Макропрудентните мерки се гаранција дека банките имаат доволно капитал да ги апсорбираат загубите од нефункционалните кредити и да го одржат кредитниот тек, кој што е клучен за економското закрепнување”, вели Кампа.
Претседавачот на ЕБА истакнува дека воведените мерки вродија со плод бидејќи видовме пад на инфлацијата под таргетот од 2% во ЕУ. “Иако ова е позитивен знак, сепак мора да останеме внимателни. ЕБА продолжува тесно да соработува со централните банки и државните органи за да го процени влијанието на овие мерки и да се осигура дека банкарскиот сектор останува истовремено отпорен и способен да ја поддржи пошироката економија”, посочува Кампа.
Европскиот банкарски одбор (ЕБА – European banking authority), е независен орган на ЕУ чија улога е заштита на интегритетот и робусноста на банкарскиот сектор на ЕУ за поддршка на финансиската стабилност во ЕУ. Претседавачот на ЕБА, Хозе Мануел Кампа, беше учесник на Десеттата меѓународна конференција на Народната банка, која како централна тема ја имаше работата на централните банки во сегашниот предизвикувачки амбиент.
Економија
Претставници на Народната банка работеа на клучно истражување за македонската економија објавено од ММФ
Како резултат на заедничкиот проект на експерти од Народната банка и од Чешката централна банка, изготвен е работен материјал, под наслов „Преглед на новиот калибриран модел ДСГЕ за економијата на Северна Македонија“, од авторите Тибор Хледик, Јоана Маџоска, Мите Митески и Јан Влчек, којшто беше објавен во реномираната серија работни материјали на ММФ. Изготвувањето на трудот е во рамките на проект за техничка соработка со експерти од ММФ и од Чешката народна банка, чијашто цел беше изградба на нов динамички стохастички модел на општа рамнотежа (ДГСЕ) за македонската економија. Ова претставува прв труд од нашата институција којшто се објавува како работен материјал на ММФ, со што се дава важен придонес во афирмирањето на Народната банка во меѓународни рамки и во јакнењето на нејзината аналитичка инфраструктура, доближувајќи ја до стандардите на централните банки од развиените економии.
Работниот материјал нуди детална анализа на меѓусебните поврзаности на секторите во македонската економија со примена на софистицираниот модел ДСГЕ, којшто беше приспособен соодветно за да ги опфати нејзините карактеристики, а добиените резултати ја нагласуваат неговата корисност како алатка за обликување на монетарната политика на Народната банка засновано на информации.
Овој објавен труд не само што ја истакнува работата и посветеноста на нашиот кадар, туку ја подвлекува и улогата на нашата институција како водечка во придонесот кон истражувањата од економската област во нашата држава.
Економија
Цените на бензините и на дизелот остануваат непроменети
Регулаторната комисија за енергетика, водни услуги и услуги за управување со комунален отпад донесе одлука со која се врши зголемување на малопродажните цени на нафтените деривати во просек за 0,59% во однос на одлуката од 7.10.2024 година.
Од 11.10.2024 година од 00:01 часот максималните цени на нафтените деривати ќе изнесуваат:
Моторен бензин ЕУРОСУПЕР БС – 95 75,50 (денари/литар)
Моторен бензин ЕУРОСУПЕР БС – 98 77,50 (денари/литар)
Дизел гориво ЕУРОДИЗЕЛ БС (Д-Е V) 68,50 (денари/литар)
Масло за горење Екстра лесно 1 (ЕЛ-1) 68,50 (денари/литар)
Мазут М-1 НС 44,034 (денари/килограм)
Малопродажната цена на Мазутот М-1 НС се зголемува за 1,254 ден/кг и сега ќе изнесува 44,034 ден/кг.
Малопродажните цени на бензините ЕУРОСУПЕР БС-95 и ЕУРОСУПЕР БС-98, како и на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) не се менуваат.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 3,37%, кај дизелот зголемувањето е за 3,192%, кај екстра лесното масло исто има зголемувањето од 3,675% и кај мазутот зголемувањето за 3,034%.
Курсот на денарот во однос на доларот во изминатиот период по кој беа формирани цените со претходната пресметка е повисок за 0,8091%.