Економија
Компаниите за продолжување на владината мерка за пониски царини за шеќерот
Производителите од кондиторската индустрија и производителите на овошни и газирани сокови очекуваат Владата да ја продолжи мерката за намалувањето на царинската давачка од 30% на 5 % за увоз на шеќер, која истекува на 31 месецов, а беше донесена во февруари.
Производителите од кондиторската индустрија и производителите на овошни и газирани сокови очекуваат Владата да ја продолжи мерката за намалувањето на царинската давачка од 30% на 5 % за увоз на шеќер, која истекува на 31 месецов, а беше донесена во февруари.
Иако Владата најави дека оваа мерка од 2012 година ќе има траен карактер, производителите на слатки и сокови преку Стопанската комора на Македонија (СКМ) во август, побараа таа да ја продолжи оваа мерка и по 1 ноември за да не се создаде вакуум простор до наредната година.
Некои од производителите како причини за нивното барање ги наведуваат повторното зголемување на цените на производите, а со тоа и губење на купувачите, намалување на производството, како и намалување на конкурентноста на домашните фабрики.
„Мислам дека владата има слух и ќе има слух и веќе го зема во предвид ова барање. Наскоро треба да бидеме известени бидејќи за некој ден оваа мерка престанува, но мислам дека рокот ќе се продолжи, односно ќе остане и натаму царината за увоз на шеќер да изнесува пет проценти“, вели Васко Ристовски, самостоен советник во Стопанската комора на Македонија.
Според него, Македонија нема што да заштитува, туку напротив, со оваа мерка ќе се стимулира производството на шеќерна репка, што во последно време е замрено.
Ристовски додава и дека мерката влијаела и врз намалувањето на увозот на кондиторски производи со послаб квалитет од други земји.
Одлуката што ја донесе Владата во февруари годинава се покажа како крајно позитивен чекор бидејќи влијаеше на успешното работење на производителите на кондиторски производи и сокови. Годишно домашната кондиторска индустрија и производителите на сокови трошат меѓу 40.000 и 45.000 тони шеќер. Прехранбената индустрија, која е една од најмоќните стопански гранки во Македонија, со намалената царина на шеќерот овозможи конкурентност на своите производи на домашниот и регионалниот пазар.
Резултатите од анкета спроведена меѓу членки на СКМ кои во своето производство користат шеќер покажа дека производството кај 60% од нив е зголемено за 5 до 15%, а се бележи и зголемување на извозот. Од донесување на мерката до јуни, производството на чоколадо и какао се зголемило за 8 отсто, додека извозот на чоколадни бисквити, вафли и колачи се зголемил за 55 отсто.
„Мора да се констатира дека во ваков период на рецесија, кога има проблеми на пазарот, драстичен раст на цената на шеќерот на берзата, како и на какаото на кого му се зголеми цената, компаниите заклучија дека оваа мерка им помогна позитивно да го поминат овој нестабилен период“, вели Ристовски.
Од Министерството за економија сметаат дека одлуката за намалувањето на царинската стапка на шеќерот придонесе цената на шеќерот во земјата да се стабилизира и покрај осцилациите на шеќерот на светските берзи .
„Тоа придонесе кондиторската индустрија да ја задржи постојната конкурентната позиција во земјата и во регионот. Подготвена е предлог одлука за изменување на Одлуката за намалувањето на царинската стапка на шеќерот со која истата ќе се продолжи за три месеци до крајот на јануари 2012 година. Со одлуката треба да се премости периодот до донесување на трајно решение (намалување на царинската стапка во Царинската тарифа)“, велат од Министерството за економија.
Мерката имаше и директен бенефит за граѓаните бидејќи ги намали малопродажните цени на шеќерот. Така малопродажната цена на шеќерот во јануари 2011 година се движеше меѓу 55-65 денари, додека во февруари (со стапувањето на сила на владината одлука) падна меѓу 40-50 денари.
Воедно, токму поради оваа владина мерка малопродажната цена на шеќерот во Македонија е најниска споредена со цената на шеќерот во земјите во регионот како Србија, Бугарија, Грција, Албанија и Косово. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Почна пријавувањето за директни плаќања по програмата за финансиска поддршка во земјоделството за 2024 година
Министерството за земјоделство, шумарство и водостопанство заедно со Агенцијата за финансиска поддршка во земјоделството и руралниот развој ги информира земјоделските стопанства, дека во период од 10 мај до 1 јули ќе можат да поднесат барања по Програмата за финансиска поддршка во земјоделството за 2024 година.
Во наведениот период земјоделските стопанства можат да поднесуваат барања за: растително производство по обработлива земјоделска површина со поледелски и градинарски култури, за одржување на постоечки површини со овошни и лозови насади како и површина за производство на сертифициран семенски и саден материјал, сточарско производство за обележани грла говеда, овци и кози, за маторици, презимени пчелни семејства како и за заклани говеда во кланица, како и за органско земјоделско производство.
Земјоделските стопанства своите барања ги поднесуваат во електронскиот систем на АФПЗРР, а доколку имаат потреба од помош или поддршка можат да се обратат во подрачните единици на МЗШВ.
Аплицирањето е преку линкот www.ipardpa.gov.mk – Директни плаќања е-субвенции. Со отварање на овој линк, во полето „Известувања/упатства“ достапни се деталните упатства за поднесување на барањето, Листата на потребни документи како и Програмата и Уредбата за директни плаќања во кои детално се претставени условите и висината на финансиската поддршка.
Економија
Ангеловска-Бежоска на форумот на Виенската иницијатива: Капитализираноста на македонскиот банкарски систем порасна двојно повеќе од ЦЈИЕ
Гувернерката Ангеловска-Бежоска, како претставничка на шесте централни банки од Западен Балкан во Одборот на „Виенската иницијатива“, учествуваше на Годишниот форум на панел-дискусијата посветена на банкарските системи во Централна и Југоисточна Европа (ЦЈИЕ), којшто оваа година се одржа во Вилнус, Литванија.
И покрај шоковите од невидени размери, банкарските системи во регионот, вклучително и македонскиот, покажаа високо ниво на отпорност. Македонскиот банкарски систем не само што ја задржа стабилноста, туку и уште повеќе ја зголеми. „Резултатите од овие напори се видливи. Капитализираноста на нашиот банкарски систем во споредба со претпандемичниот период е зголемена за близу 2 п.п., што е двојно повеќе од порастот во регионот на ЦЈИЕ и во моментов е највисока во изминатите 17 години, а квалитетот на капиталот е на историски високо ниво. Овие трендови во голема мера ги одразуваат зајакнувањето на регулативната рамка, на супервизијата и макропрудентните мерки преземени од страна на Народната банка“, посочи Ангеловска-Бежоска.
Притоа, особено е важно што и во овие кризни години имаше солидна кредитна поддршка за граѓаните и компаниите (просечен кредитен раст од околу 7%). Во услови на циклус на монетарно затегнување, каматните стапки на кредитирање пораснаа, но растот беше помал од растот на каматните стапки во ЕУ. Со тоа домашните каматни стапки на кредитите значително се приближија до каматните стапки во ЕУ и разликата меѓу нив е историски најниска. Во овој момент, просечната каматна стапка изнесува 5,5%, односно е двојно пониска во споредба со периодот пред Големата финансиска криза, кога изнесуваше околу 11%, во просек.
Гувернерката се осврна и на финансиската писменост и заштитата на корисниците на финансиските услуги, коишто се значајни за носење соодветни финансиски одлуки, но и за зголемување на конкурентските притисоци и за понуда на поконкурентни финансиски услови. „Финансиската писменост, едукацијата и заштитата на потрошувачите, коишто се стратешки приоритети на Народната банка, се важни за клиентите за да можат подобро да ги разберат и правилно да ги споредат понудите меѓу различните банки. Неодамна формиравме посебна организациска единица за финансиската писменост и заштитата на потрошувачите. Под водство на Народната банка, беше усвоена и првата национална Стратегија за финансиска инклузија и писменост, додека регулативната рамка беше зајакната минатата година, вклучително и преку усвојување на Насоките за банките и штедилниците за добри практики за заштита на потрошувачите, фер и транспарентни односи, врз основа на јасни и лесно разбирливи информации за производите и услугите што ги обезбедуваат. Беа преземени и мерки за зголемување на транспарентноста преку споредба на надоместоците за најрепрезентативните банкарски платежни услуги, коишто заедно со либерализацијата на пазарот на платежни услуги, ја поттикнуваат конкуренцијата во системот“, истакна Ангеловска-Бежоска.
„Виенската иницијатива“ е платформа којашто ги поврзува меѓународните финансиски институции, банкарските регулатори и претставниците на банкарските групи од Европа, присутни во регионот на ЦИЈЕ и секоја година, од 2009 година до денес, организира собири во областа на финансиите на кои сите засегнати чинители зборуваат за идните насоки во политиките поврзани со банкарскиот сектор и за поопшти макроекономски прашања.
Економија
Се намалува мазутот, цените на дизелот и бензините остануваат непроменети
Регулаторната комисија за енергетика, водни услуги и услуги за управување со комунален отпад донесе oдлука со која се врши намалување на малопродажните цени на нафтените деривати во просек за 0,53 % во однос на одлуката од 7.5.2024 година.
Од 10.5.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 86,00 (денари/литар)
Моторен бензин ЕВРОСУПЕР БС-98 – 88,00 (денари/литар)
Дизел-гориво ЕВРОДИЗЕЛ БС (Д-Е V) – 74,50 (денари/литар)
Масло за горење екстра-лесно 1 (ЕЛ-1) – 74,00 (денари/литар)
Мазут М-1 НС – 44,609 (денари/килограм)
Малопродажната цена на „мазутот М-1 НС“ се намалува 1,223 денар/кг и сега ќе изнесува 44,609 денари/кг.
Малопродажните цени на бензините ЕВРОСУПЕР БС-95 и ЕВРОСУПЕР БС-98, како и на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) не се менуваат.
Референтните цени на нафтените деривати на светскиот пазар во споредба со претходната пресметка бележат намалување во просек: кај бензините 2,939 %, кај дизелот 1,523 %, кај екстра-лесното масло 1,341 % и кај „мазутот“ намалувањето е 3,608 %.
Курсот на денарот во однос на доларот во изминатиот период по кој беа формирани цените со претходната пресметка е понизок 0,015 %.