Економија
САД: конгресната „надкомисија“ го призна неуспехот
Американските конгресмени кои беа дел од „надкомисијата“ задолжена за постигнување на договор меѓу двете партии за намалување на буџетскиот дефицит на САД денеска соопштија дека нивните обиди дефинитивно пропаднале
Американските конгресмени кои беа дел од „надкомисијата“ задолжена за постигнување на договор меѓу двете партии за намалување на буџетскиот дефицит на САД денеска соопштија дека нивните обиди дефинитивно пропаднале и договор нема да има, со што уште повеќе се засилија стравувањата од нова глобална криза.
„Ние сме длабоко разочарани што не успеавме да постигнеме двопартиски договор за намалување на дефицитот“, рекоа во заедничката изјава демократскиот сенатор Пети Мјуреј и републиканскиот конгресмен Џеб Хансарлинг.
Соопштението само официјално ги потврди веќе широко распространетите очекувања 12-членото тело да не успее во својата мисија да се постигне договор помеѓу двете американски партии, демократската и републиканската, за намалување на буџетскиот дефицит на САД за 1,2 трилиони во текот на наредните 10 години. Двете партии жестоко се судрија околу зголемувањата на даноците за богатите, ана коешто се спротивставуваат републиканците и намалувањата на социјалните трошоци, на што, пак, се противат демократите.
Според познавачите неуспехот да се постигне договор значи „покренување на автоматските кратења на буџетот за одбрана, како и автоматски кратења и на повеќе други наменски програми.
Членовите на конгресот веќе влегоа во битка да не дозволат да дојде до автоматски кратења на буџетот. За тоа имаат и време и простор, затоа што, според законот од август, врз база на кој беше основана „надкомисијата“, автоматските кратења нема да стапат во важност до јануари 2013 година.
Во моментов, известуваат, медиумите, секој секого обвинува за неуспехот, затоа што ниту една страна не сака да биде доживеана од јавноста како виновник за неуспехот.
„И покрај нашата неспособност да ги надминеме суштинските разлики, ние го завршуваме овој процес обединети во верувањето дека фискалната криза на нашата земја мора да биде решена сега и дека не смееме проблемот да и го оставиме на наредната генерација да го решава“, велат во заедничката изјава Мјуреј и Хенсарлинг.
Истовремено, претседателот Барак Обама изјави дека ќе стави вето на секаков обид да се избегне автоматското кратење на буџетот, ако конгресот до 2013 година не успее да изнајде други начини за кратење на владиниот дефицит.
„Се уште има премногу републиканци во конгресот кои одбиваат да го слушнат гласот на разумот и на компромисот“, изјави Обама веднаш откако „надкомисијата“ соопшти дека нејзините напори пропаднале.
Познавачите велат дека сега многу луѓе ќе почнат да го обвинуваат Обама затоа што бил премногу молчелив додека траеја преговорите, иако сите се согласуваат дека главен губитник се граѓаните, кои се повторно изневерени од својот претставнички дом. Многу луѓе, велат тие, сметаат дека молчењето на претседателот се должело поради широкораспространетото очекување „надкомисијата“ да биде тежок неуспех. Оваа тема се очекува да биде и една од главните изборни теми на изборите за претседател на земјата и за половина членови на конгресот идниот ноември. /крај/Aljazeera/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Се намалува мазутот, цените на дизелот и бензините остануваат непроменети
Регулаторната комисија за енергетика, водни услуги и услуги за управување со комунален отпад донесе oдлука со која се врши намалување на малопродажните цени на нафтените деривати во просек за 0,53 % во однос на одлуката од 7.5.2024 година.
Од 10.5.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 86,00 (денари/литар)
Моторен бензин ЕВРОСУПЕР БС-98 – 88,00 (денари/литар)
Дизел-гориво ЕВРОДИЗЕЛ БС (Д-Е V) – 74,50 (денари/литар)
Масло за горење екстра-лесно 1 (ЕЛ-1) – 74,00 (денари/литар)
Мазут М-1 НС – 44,609 (денари/килограм)
Малопродажната цена на „мазутот М-1 НС“ се намалува 1,223 денар/кг и сега ќе изнесува 44,609 денари/кг.
Малопродажните цени на бензините ЕВРОСУПЕР БС-95 и ЕВРОСУПЕР БС-98, како и на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) не се менуваат.
Референтните цени на нафтените деривати на светскиот пазар во споредба со претходната пресметка бележат намалување во просек: кај бензините 2,939 %, кај дизелот 1,523 %, кај екстра-лесното масло 1,341 % и кај „мазутот“ намалувањето е 3,608 %.
Курсот на денарот во однос на доларот во изминатиот период по кој беа формирани цените со претходната пресметка е понизок 0,015 %.
Економија
Одлуката за осигурување автомобили е еднострана и штетна за бизнис-секторот и економијата во државата, реагира Комората на северозападна Македонија
Стопанската комора на северозападна Македонија ја квалификува одлуката на Комисијата за осигурување автоодговорност како неодржлива за благосостојбата на бизнисот и стопанството.
„Многу бизниси мора да се потпрат на употребата на возила за извршување на своите активности, како што се транспорт на стоки, услуги или вработени. Повисоките цени на полисата за осигурување автомобили може да имаат пошироки макроекономски ефекти со намалување на довербата и трошењето на потрошувачите, кои се клучни двигатели на економскиот раст“, се истакнува во реакцијата на Комората.
Деловното опкружување, како што оценуваат, станува обесхрабрувачки за домашните компании, но и за странските инвестиции, оставајќи долгорочни последици, но и спротивно на законодавниот систем на ЕУ, кој сè уште му дозволува на Министерството за финансии да одлучува за премиите за осигурување автомобили, што е спротивно на acquis на ЕУ.
„Со оваа одлука на Комисијата за самоодговорност се ограничуваат одговорностите на другите релевантни фактори, како што се компаниите, со кои цените на самоодговорноста се целосно контролирани од државата“, потенцираат од Стопанската комора на северозападна Македонија.
Економија
Од полноќ нови цени на горивата
Регулаторната комисија за енергетика донесе одлука со која се врши намалување на малопродажните цени на нафтените деривати во просек за 1,70 % во однос на одлуката од 29.4.2024 година.
Од 8.5.2024 година од 00.01 часот максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 86,00 (денари/литар)
Моторен бензин ЕВРОСУПЕР БС-98 – 88,00 (денари/литар)
Дизел-гориво ЕВРОДИЗЕЛ БС (Д-Е V) – 74,50 (денари/литар)
Масло за горење екстра-лесно 1 (ЕЛ-1) – 74,00 (денари/литар)
Мазут М-1 НС – 45,832 (денари/килограм)
Малопродажните цени на бензините ЕВРОСУПЕР БС-95 и ЕВРОСУПЕР БС-98 и на екстра-лесното масло за домаќинство (ЕЛ-1) се намалуваат 1,50 денар/л.
Малопродажната цена на ЕВРОДИЗЕЛОТ (Д-Е V) се намалува 1,00 денар/л.
Малопродажната цена на „мазутот М-1 НС“ се намалува 0,829 денари/кг и сега ќе изнесува 45,832 денари/кг.
Референтните цени на нафтените деривати на светскиот пазар во споредба со претходната пресметка бележат намалување во просек: кај бензините 2,438 %, кај дизелот 2,100 %, кај екстра-лесното масло 2,605 % и кај мазутот намалувањето е 1,907 %.
Курсот на денарот во однос на доларот во изминатиот период по кој беа формирани цените со претходната пресметка е понизок 0,407 %.