Економија
Инвеститорите претпазливи на Волстрит пред самитот на ЕУ
На Волстрит во средата цените на акциите забележаа лаг пораст благодарејќи на надежите дека европските лидери на самитот на ЕУ ќе договорат решителни и конкретни мерки за надминување на должничката криза, но се тргуваше претпазливо имајќи го предвид разочарувањата до досегашните вакви самити.
На Волстрит во средата цените на акциите забележаа лаг пораст благодарејќи на надежите дека европските лидери на самитот на ЕУ ќе договорат решителни и конкретни мерки за надминување на должничката криза, но се тргуваше претпазливо имајќи го предвид разочарувањата до досегашните вакви самити.Индексот Dow Jones зајакна за 0,38 отсто на 12.196 поени, индексот S&P 500 за 0,20 отсто на 1.261 поен а индексот Nasddaq, пак , падна за 0,01 отсто на 2.649 индексни поени. И во средата на американската берза, како и минатите седмици, цените на акциите се колебаа во заднината навестите за можноста за надминување на должничката криза во еврозоната. Надежите на инвеститорите дека водечките политичари на самитот на Европската унија во петок ќе постигнат договор за поцврста фискална политика и други конкретни агресивни мерки за надминување на кризата спласнаа по коментарите на неименуван висок германски функционер дека Берлин е песимистичен дека договорот би можел да вклучува само дел од членките и дека усогласувањето на сеопфатен план би можело да трае до Божик. Поради тоа во попладневните часови од тргувањето индексот Dow Jones падна за еден процент, но набрзо се опорави откако официјален Париз порача дека француските и германските челници нема да си заминат од самитот сé додека не се постигне договор. Финансиските аналитичари потсетуваат дека претстојниот европски состанок на врвот нема да биде првиот што ќе донесе разочарувачки вести во веќе двегодишната борба против должничката криза. „Според досегашниот образец, пред овие самити владееше оптимизам, а по нив разочарување. Меѓутоа, мислам дека надежите во успех на претстојниот самит сé уште е се доста силни. Се верува дека еврозоната не е склона кон самоубиство“, вели за Reuters Арт Хоган, директор во компанијата „Lazard Capital Markets“.Најголем добитник на тргувањето во средата беше финансискиот сектор, кој веќе неколку месеци е под притисокот на должничката криза, беше S&P индексот на овој сектор кој зајакна за 1,2 отсто. На воздржаноста на инвеститорите укажува и слабиот обем на тргување. На Волстри, Американ сток ексџејнџ и Насдак, сопствениците ги замениле околу 7 милијарди акции, што е помалку од просечниот дневен обем од 7,95 милијарди. Притоа на NYSE околу 1.570 акции добиле, додека околу 1.400 загубија на својаат вредност. На европските берзи , пак, цените на акциите во средата паднаа. Така лондонскиот FTSE 100 ослаби за 0,39 отсто на 5.546 поени, франкфуртскиот DAX падна за 0,57 отсто на 5.994 поени а парискиот CAC 40 за 0,11 отсто на 3.174 индексни поени. /крај/ро/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.