Економија
Светската банка ги намали прогнозите за растот на светското стопанство
Светската банка во средата предупреди дека земјите во развој треба да се подготват за реален ризик од ескалација на должничката криза во еврозоната да го бутне светот во рецесија слична на онаа од 2008 и 2009 година.
Светската банка во средата предупреди дека земјите во развој треба да се подготват за реален ризик од ескалација на должничката криза во еврозоната да го бутне светот во рецесија слична на онаа од 2008 и 2009 година. Во најновиот извештај на Светската банка таа остро го намали очекувањето на светскиот економски раст, предупредувајќи дека Европа веројатно е веќе во рецесија. Така, сега во банката очекуваат раст на светското стопанство за 1012 година за 2,5 отсто, и 3,1 отсто за 2013 година, со што значително ги намали јунските процени за 3,6-процентер рас за двете наведени години. Доколку должничката криза во еврозоната ескалира, стапката на растот на светскиот БДП ќе изнесува околу четири процентни поени помалку, предупредуваат од Светската банка. „Се чини дека должничката криза во еврозоната е ограничена. Сепак, реална е опасноста за замрзнување на светските пазари и светска криза слична на онаа од септември 2008 година“, изјави во средата во Пекинг, Џастин Лин, главен економист во Светската банка, пренесува Reuters.Стопанствата на групата земји со висок доход ќе пораснат годинава за само 1,4 отсто, при што еврозоната би требало да забележи пад на активностите за 0,3 отсто. Во јуни, банката предвидуваше просечна стапка на растот во овие земји од 2,7 отсто, додека, пак, стопанството во еврозоната би требало да порасне за 1,8 отсто.Намалена е и процената на растот на стопанствата во развој, на 5,4 отсто во 2012 година, од претходно проценетите на 6,2 отсто, при што во Светската банка истакнуваат дека растот е веќе забавен во Бразил и Индија, а во нешто помала мера и во Русија, Јужноафриканската Република и во Турција.Во 2013 година, растот за оваа група земји би требало благо да забрза, на шест отсто, иако заканите за растот се зголемуваат, предупредуваат од банката, вклучувајќи ја и големата неизвесност во поглед на прогнозите. „Падот на активностите во Европа и послабиот раст во земјите во развој го зголемуваат ризикот дека тие два тренда ќе се поддржат меѓусебно, што би резултирало со уште послаб раст“, предупредуваат од Светската банка. Дополнителна закана претставува неуспешните настојувања на Јапонија и на САД да ги решат проблемите на високиот долг и дефицитот, како и слабиот рас во другите земји со висок доход, што би можело да предизвика ненадејни шокови, предупредуваат натаму од банката.„Ниедна земја ниту регион нема да ги избегнат последиците од сериозниот пад на активностите“, заклучува Светската банка во извештајот, додавајќи дека е дојдено времето земјите во развој да изработат планови за ублажување на влијанието на можната длабока криза. Сериозната криза, според Светската банка, ќе се манифестира со намалување на трговските текови но и со повлекувањето на капиталот, што посебно ќе ги отежни ситуациите на земјите во источна Европа и во Латинска Америка, чиишто долгови доспеваат за наплата. Главната одговорност е да се спречи кризата врз развиените земји, но и обврската, исто така, паѓа и врз земјите во развој да го поддржат тој процес и преку групата 20 најголеми развиени и стопанства во развој (групата Г20) и преку други меѓународни тела, се истакнува во денешното соопштение на Светската банка./крај/ро/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.