Шпанија во четвртокот со продажбата на државните обврзници собра значително повеќе пари, отколку што првично планираше, благодарејќи на големата побарувачка, а сличен одѕив имаше и аукцијата на француските обврзници, на која Париз се задолжи по највисокиот износ што го планираше.

Шпанија во четвртокот со продажбата на државните обврзници собра значително повеќе пари, отколку што првично планираше, благодарејќи на големата побарувачка, а сличен одѕив имаше и аукцијата на француските обврзници, на која Париз се задолжи по највисокиот износ што го планираше.Двете аукции претставува успешна проверка на довербата на инвеститорите во државните обврзници на Франција и на Шпанија, откако пред една седмица бонитетската агенција Standard & Poor’s. ги намали нивните кредитни рејтинзи. На Франција и’ беше намален кредитниот рејтинг од максималните „ААА“ на едно ниво помалку „АА+“, со „негативна перспектива“, што значи  на среден рок може да се соочи со уште едно намалување. На Шпанија кредитниот рејтинг и’ беше намален за две нивоа од „АА“ на „БББ+“, со негативна перспектива и 33 отсто изгледи рејтингот на среднорочен период да и’ биде повторно намален.Шпанското министерство за финансии соопшти дека собрало 6,6 милијарди евра со продажба на државните обврзници со рок на отплата во 2016, 2019 и во 2022 година, значително натфрлајќи го првичниот план за задолжување за 3,5 до најмногу 4,5 милијарди евра. Притоа, каматната стапка на 10-годишните обврзници е намалена на 5,4 отсто од 6.97 отсто на аукцијата на истите обврзници со истиот рок на исплата во ноември минатата година. Од овие обврзници се продадени во вредност од три милијарди евра, со 2,2 пати поголема побарувачка во однос на понудените за запис. Продадени се и 1,3 милијарди евра обврзници со рок на доспевање во 2016-та и 2,3 милијарди евра со рок на враќање во 2019 година.Успешна беше и аукцијата на државните обврзници на Франција, прва по нејзиното губење на највисокиот кредитен рејтинг од тројното А. Со продажбата на среднорочните државни обврзници Париз лесно се задолжи за 7,97 милијарди евра, колку што и најмалку планираше пред продажбата. Обврзниците со рок на доспевање во јули 2014 година се продадени со просечен принос од 1,05 отсто, додека оние со рок на исплата во кули 2016 година со принос од 1,89 отсто, со тоа што и на двете аукции побарувачката беше 2,12 пати поголема во однос на понудените за запис. Обврзниците со рок на исплата во јули 2-15 година добија принос од 1,5 отсто, со побарувачка којашто е за 3,41 пати поголема. Во сите три случаи, Франција се задолжи за пониска каматна стапка во споредба со сличните аукции од минатата година./крај/ро/мф/сн