Цените на европските акции во четвртокот пораснаа по силната побарувачка и падот на приносот на аукциите на шпанските и француските државни обврзници што ја ублажи загриженоста во врска со должничката криза во еврозоната.

Цените на европските акции во четвртокот пораснаа по силната побарувачка и падот на приносот на аукциите на шпанските и француските државни обврзници  што ја ублажи загриженоста во врска со должничката криза во еврозоната. Индексот на лондонската берза FTSE зајакна за 0,5 отсто на 5.732 поени, индексот на франкфуртската берза DAX  за 0,8 отсто на 6.402 поени, додека индексот на берзата во Париз CAC порасна за 1,7 отсто на 3.321 индексен поени. Најголем добитник во четвртокот беше банкарскиот сектор кој во просек зајакна за речиси пет отсто, откако се дозна за успешноста на аукциите на шпанските и француските државни обврзници кои го поттикнаа апетитот на инвеститорите за ризик. Приносите паднаа а побарувачката беше неколкукратно поголема од понудата на аукцијата на француските обврзници. Тоа беше првата аукција откако Standard & Poor’s го намали за едно ниво досега највисокиот кредитен рејтинг на Париз  – тројното А. Шпанија, пак, продаде многу повеќе долгорочни обврзници отколку што очекуваш, со приноси коишто паднаа за повеќе од 1,5-процентен поен во однос на претходната слична аукција во ноември минатата година. Во тој контекст, аналитичарите на движењата на европските берзи го потенцираат и моментот кон крајот на месецов кога Италија планира на аукција да ги понуди своите пет и десетгодишни државни обврзници.Во ваквата атмосфера италијанската банка „UniCredit“ зајакна за 10,5, француската „Societe Generale“ за 8 отсто, германската банка „Commerzbank“, којашто во четвртокот го претстави својот детален план за докапитализација  за 12 отсто. Европските банки, инаку, се најголемите доверители на членките од еврозоната којашто тоне во должничката криза. „Негативната корелација меѓу акциите на компаниите од еврозоаната и приносите на обврзниците на државите во регионот, никогаш не била толку силна. Тоа е речиси како огледало. Насоката по којашто ќе се движат приносите во неколкуте наредни месеци, ќе биде клучната насока за акциит во регионот“, вели за Reuters Емануел Бурдје од компанијата „Natixis Asset Management“.Меѓу губитниците се издвојуваа дефанзивните сектори, вклучувајќи ги енергетскиот, фармацевтскиот и телекомуникацискиот. Така, „E.ON“ падна за 2,8, „AstraZeneca“ за 1,5 а „Belgacom“ за 1,3 отсто./крај/ро/мф/сн